رابطه مالكي الباسات b5&b5.5 من 1996 الي2005

**mohamedcarz** · 05-07-2017 09:56 PM

ممكن حد يرد عليا فى الصحراء دى وبعدين انا مسجل ف المنتدى لو حد رد عليا الاشعار بيجى فين حسسونى أنى مش انا الناجى الوحيد هنا

**Muhammad 80** · 07-07-2017 05:04 PM

المشاركة الأصلية كتبت بواسطة mohamedcarz

ممكن حد يرد عليا فى الصحراء دى وبعدين انا مسجل ف المنتدى لو حد رد عليا الاشعار بيجى فين حسسونى أنى مش انا الناجى الوحيد هنا

للأسف الموضوع كان شغال حلو اوى والتفاعل فيه ممتاز لكن الله يسامح بعض الأعضاء أصروا على عمل جروب فيسبوك ونقلوا عليه وفكرة جروبات الفيسبوك دى سخيفة لا بتعرف تدور على موضوع معين ولا رد والبوست بيضيع بعد يومين ده لو كان فيه تفاعل أصلا
من الاخر الموضوع اعتبره مقفول محدش حيرد عليك

**esho aml** · 27-04-2018 12:58 AM

المشاركة الأصلية كتبت بواسطة Ahmed Saad

دي بعض أسعبتوجيهات الغيار الاستيراد سئلت عليها وانا بجيب كنترول للموتور
1-كنترول موتور 1600اتوماتيك ماركة سيمنس 700ج وده نادر تلاقيه الموجود كتير بوش
2-حساس abs أمامي 100ج
3-سئلت بقى على شويه حاجات بس ماجبتهاش يعني طقم المقصات كامل 1300ج استراد طبعا والواحد ب 150ج
4-شورت بلوك 3500ج
5-فتيس اتوماتيك من 3500-4000حسب المحل
6-كبالن كامله بالاكسات 500ج
7-طقم سلوك بتوجيهات جديد ألماني 375ج
8-بارات دركسيون خارجي 300ج الاتنين
وأي حاجه هعرفها هقولكم عليها أن شاء الله

**esho aml** · 27-04-2018 01:00 AM

السلام عليكم ممكن اعرف الاسعار دي قديمة واللا جديدة وكنترول عربيه باسات ٢٠٠٣ و٢٠٠٧ يعمل كام والشورت بلوك وهل متوافر واللا قليل

**Muhammad 80** · 27-04-2018 03:17 PM

المشاركة الأصلية كتبت بواسطة esho aml

السلام عليكم ممكن اعرف الاسعار دي قديمة واللا جديدة وكنترول عربيه باسات ٢٠٠٣ و٢٠٠٧ يعمل كام والشورت بلوك وهل متوافر واللا قليل

الموضوع متوقف منذ زمن طويل والأسعار قديمة جداً
ابحث فى المشاركات فى الموضوع حتلاقي اسم جروب على فيسبوك اشترك فيه وتابع مع الأعضاء الأخبار

**محمد عبدالماجد** · 23-12-2018 07:23 AM

صباح الخير عليكو. عندى مشكلة فى الصيانة كرهتنى فى العربية. هى باسات 2000 بروح اصلح حاجة تطلع غيرها وما بتتعملش كويس رغم احساسى ان الصنايعية كويسسين؟؟؟ يعنى الكرتيره اتشرخت وميكانيكى الف فيها وكلفنى الفات والله وفى الاخر رحت لغيره غيرت شورت 2000 بدل 1600 وقالى انه كده ممتاز. لكن العربية بقا صوتها عالى شويه ومروحة التكيف عطلت وقال عمرها كده وبعدها لمبه البنزين بقت تعلق ولمبة الحرارة بتنور على طول رغم ان المية مظبوطة والحرارة كمان. والعجل بيتكتك لما بكسره رغم انه المفروض ظبطه قبل كده. يا ريت لو فيه حد مجرب بأمانة فعلاً؟ وعاوز دنجل واعمل مصفحة للكرتيره عشان حاسس ان العربية واطية فى كل مطب. شكراً