-
تجديد عفشة لادا
لو هجدد العفشة ل لادا
وهقارن بينها وبين عربيه تانيه
هتكون المقارنة لصالح ال لادا فى السعر الاقل ؟؟
مثال
علشان اجدد العفشة
باقل الاسعار وهى الروسي تقريبا
4 مقص روسى =320
8 جلب مقص = 90 ( الجلب الالمانى ب 150 جنيه )
طقم بيض روسي =160 ( البلغارى فى حدود ال190 كورى ب240 المانى ب240)
2 سوسته روسي = 170( ارجنتينى ب220 )
2 مساعد روسي = 160( المانى ب240 تقريبا والمايلى اغلى )
الاجمالى من غير المصنعيه =900
الاسعار تقريبيه
التجديد للعفشة الاماميه فقط
مع اخذ امور فى الاعتبار
منها
ممكن تكون فى حاجات تانيه
زى جلب الميزان ( بخمسة جنيه ) او اشياء اخرى لا اعرف
العمر الافتراضي القصير لقطع الغيار الروسي
كمان لو قطع الغيار اختلفت عن الروسي ممكن السعر يتضاعف
بعد ما سبق هل يتقال ان ال لادا قطع غيارها رخيصه ؟؟
-
احب اقولك ان ماعدش حاجة اسمها قطغ غيار رخيصة من اصله لان انت دلوقتي الرخيص عندك مضروب وهتشترية وبعد شهر كاقصي عمر للمضروب هترميه وهتشتري الغالي وانت ساكت عشان العطله اللي انت فيها يبقي فين قطع الغيار الرخيصة ماانت كده اتكلفت مصنعيتين تركيب وعطله وتمن القطعه مرتين
-
كلام حضرتك صح
بس انا اقصد ال لادا مقارنه بباقى العربيات زى الفرنا و اللانوس
لاننا كاصحاب ال لادا بيتقال لنا - عربيه زلطه وقطع غيار رخيصة جدا -
وانا فى الموضوع نستنكر ذلك وبطلب المقارنه
-
لا بس صراحة انتشار المضروب باسعار منافسة جدا هو اللي مضيع اللادا والفيات القديم والبلونيز بس صراحة الواحد بيحمد ربنا ان الحاجات دي لسة عايشة من اصله
-
ال لادا فى منها موديلات 2013 وتقريبا لسه موجود 2014 لكن هتكون اخر انتاج السنه دى
يعنى رغم انها نفس موديلات الثمانينات فى التصميم
لكن فى الانتاج فى منها موديل السنة دى
عن نفسي عربيتى 2007م
المؤسف فى الموضوع ان ال لادا لها عيوب فى العفشة الاماميه
لكن انتاجها يستمر بنفس العيب د
دون محاوله لتلاشيه
واللى زيى اشترى العربيه فقط لانها رخيصة
دلوقتى وانا بصرف على العفشة وكل شوية مشكلة وكل شويه حاجه عايزه تتغير
بتعجب
لانى عند العفشجى بلاقى الفرنا بيدخل يغير المقص بكل سهوله
وبتعجب على سهولة تغيير المساعد اللى معاه السوسته
حاجه سلسة
مش كلاكيع داخله فى بعضها زى عفشة ال لادا
واللى مصدق
يسال اى عفشجى عن تغيير سوسته ال لادا الاماميه
-
يعنى ايه .....بعد كل العمر دا اللادا طلعت اى كلام وغاليه
-
عن نفسي لو حد سالنى اشترى لادا بقول له بلاش
لانها متعبه وقطع غيارها مش معمره وعفشتها الاماميه كلها مشاكل
وميزتها انها اصلاحها سهل وبفلوس قليله يعنى تمشي مع اللى عايز عربيه وفلوسه محدوده
لكن السؤال الى الان لم اتلقى عليه رد
مقارنه احلال وتغيير العفشه الاماميه بين ال لادا وبين العربيات المقاربة لها ( الى حد ما )
زى الهيونداى اكسيل و الفيرنا و اللانوس
سعر و عمر افتراضى
Content Relevant URLs by
vBSEO 3.6.0 PL2