لسه جاي من مكتب سيارات وعرض عليا الاتي

**محب الخير** · 16-01-2014 01:34 AM

السلام عليكم

بداية راجع الموضوع ده http://www.nilemotors.net/Nile/400575-a.html

المهم رحت المكتب وعرض عليا الاتي

افيو او رينو ب130 جنيه يوميا ولمدة سنه واحده قابله لتتجديد وعدد الايام22 يوم وليس 30 يوم

خدمة موقع بمعنى انك تروح الشركه من 7\3 وممكن يطلب منك مشوارين او تلاته اثناء تواجدك في الشركه...

العرض الثاني.

مطلوب اوبترا 100 جنيه يوميا في 22 يوم عمل ذهاب وعوده فقط( وممكن جمعه وسبت عمل)

العرض الثالث..

دايو لانوس او فيرنا 70 جنيه يوميا ذهاب وعوده فقط 22 يوم عمل

سيارت الاجره...

صيني 14 راكب 100 جنيه يوميا ذهاب وعوده 26 يوم عمل

سقف عالي بس ده مستبعد لغلو سعرها جداااااا

ياريت نصيحه من الاعضاء

مع العلم ان كافة العروض اراها ضعيفه لاني سوف اشتري قسط مع ملاحظة اجر سائقها حتى لو انا فضلا ان السياره في الاصل لتحسين الدخل وليس كامر زائد عن الدخل بمعنى اننا بحاجه اليه وليس شيئا اضافيا

ثم في نقطه اخرى...

انا اصلا هشرتي السياره ان شاء الله لتزويد دخلي وليس لمجرد ان اسدد قسطها وخلاص

لو حد عنده عروض افضل اتمنى مش يبخل علينا بيها

ياريت كمان اسعار السيارات المذكوره اكن شاكر لكم

**ahmedalaahosny** · 16-01-2014 01:41 AM

حوار اللانوس او الفيرنا ده مناسب لان العربيات دي اصلا مصاريف تشغيلها قليله وبيعها سهل بس اضمن بقي سواق امين وسواقته كويسة و استخير ربنا واللي فيه الخير يقدمه ربنا

**محب الخير** · 16-01-2014 02:43 AM

المشاركة الأصلية كتبت بواسطة ahmedalaahosny

حوار اللانوس او الفيرنا ده مناسب لان العربيات دي اصلا مصاريف تشغيلها قليله وبيعها سهل بس اضمن بقي سواق امين وسواقته كويسة و استخير ربنا واللي فيه الخير يقدمه ربنا

ونعم بالله اشكرك استاذ احمد

يعني انا معايا 65 الف جنيه ياريت نصيحه في حدود الامكانيات ديه

**shaaban2008** · 16-01-2014 03:23 AM

موضوعك محير
ربنا يعينك

**محب الخير** · 16-01-2014 03:53 AM

المشاركة الأصلية كتبت بواسطة shaaban2008

موضوعك محير
ربنا يعينك

اشكرك استاذ شعبان

طيب لو حد عارف اسعار السيارات الموجوده

انا ممكن اخلي بنك مصر يكملي فلوس العربيه واشتريها يعني هيبقا معايا تقريبا 80 الف جنيه

**محمد عز** · 16-01-2014 01:12 PM

سؤال

تكلفة البنزين وأجرة السائق والصيانات من ضمن العرض ولا ده تكلفة عليك

لو انت هتدفع مرتب السائق وتكلفة البنزين والصيانات يبقى كده العربية ملهاش اى فايدة

انت احسن حاجة تتفق مع المكتب انك تديله العربية وهو يتصرف بيها بطريقته وانك هتاخد مبلغ شهرى ثابت بدون اى التزامات عليك (مرتب سائق + بنزين + صيانة)

**bassemali** · 16-01-2014 01:31 PM

نصيحه من اخوك عشان انا كنت هادوس ف الموضوع ده وجبت إسبرانزا 516 ( بس الصراحه انا كت جايبها ليا وقولت ممكن أزود بيها دخلي بعد كده ) الحوار ده كله نصب .. المكتب بيعملك البحر طحينه ويقولك تسليم العربيه ف التوكيل وهتستلمها بحاله زي الفل وماتقلقش وبتنجان .. كل ده كلام فاضي .. العربيه بتمشي ف اليوم الواحد 200 كيلو ع الأقل .. وبتتخبط 100 مره وتتصلح وغنت مش عارف .. ولو لاقدر الله حصل حاجه للعربيه هيرميها لك .. وغبقى اجري وراه ف المحاكم .. ومش هتاخد حاجه .. لإن السر هنا قانونا هو إن العربيه دي ملاكي .. إذا مش من حقك إنك تشغلها .. وكمان التامين مش هيغطيك ف حالة الحوادث لاقدر الله لإن الحادثه حصلت ومش إنت اللي سايق العربيه .. موضوع مشاكله كتير .. وبعدين السواقين بتوع المكاتب دول بيبهدلوا العربيه .. بيحطلها مثلا بنزين 80 مش 92 عشان يضرب الفرق ف جيبه .. غير سواقتهم الغشيمه اللي بتمرمط العربيه .. يعني العربيه هتتبهدل وممكن تضيع خالص ف حادثه عشان ملاليم ف الشهر بعد ماتخصم منهم القسط والتامين وتجديد الرخص أخر السنه واعتقد كمان هيبقى عليك كاوتش وبطاريه .. هتلاقيها مش جايبه غير 400 أو 500 جنيه الصافي ف الشهر كل الحكايه ده إذا جابتهم .. أنا بقى قولتلهم شكرا .. ونفضت للحوار كله ..احسن حل زي ماقال أحد الإخوه هو السوزوكي الفان الصغيره دي .. ممكن تاخدها كسر زيرو ب 50000 وحالتها حلوه .. تشغلها الصبح مع دورة موظفين أو مدارس أو شركات .. واخر النهار تسلمها لسواق امين يشتغل عليها مواصلات .. وكده كده دي عربيه بتاعت نقل وهرس ولو إتبهدلت حتى مش مشكله .. لكن الملاكي بيوجع قوي ... ربنا يعينك ويوفقك .

**ahmedalaahosny** · 16-01-2014 02:54 PM

فعلا انا مع رايي السوزوكي الفان

**محب الخير** · 17-01-2014 03:41 AM

محتار والله

بالنسبه ببفان محدش عارف الي جاي فيه ايع بالنسبه للمرور وخلافه

النقطه التانيه اخويا الصغير معاه واحده كان بيشتغل عليها هو دلوقتي لما كترو جدااا

مبقاش يجيب حتى قسطها فاضطر يركبها لصاحبه الصبح

وقالي العربيات ديه كترو اوي ومعدتش جايبه همها

واعرف ناس صحابي عاوزين يبيعو عربياتهم

ماهو لو مش ملاكي يبقا مثلا صيني 14 راكب وبردو هيبقا اقساط

بجد احترت

**prosecutor** · 17-01-2014 10:00 AM

المشاركة الأصلية كتبت بواسطة bassemali

نصيحه من اخوك عشان انا كنت هادوس ف الموضوع ده وجبت إسبرانزا 516 ( بس الصراحه انا كت جايبها ليا وقولت ممكن أزود بيها دخلي بعد كده ) الحوار ده كله نصب .. المكتب بيعملك البحر طحينه ويقولك تسليم العربيه ف التوكيل وهتستلمها بحاله زي الفل وماتقلقش وبتنجان .. كل ده كلام فاضي .. العربيه بتمشي ف اليوم الواحد 200 كيلو ع الأقل .. وبتتخبط 100 مره وتتصلح وغنت مش عارف .. ولو لاقدر الله حصل حاجه للعربيه هيرميها لك .. وغبقى اجري وراه ف المحاكم .. ومش هتاخد حاجه .. لإن السر هنا قانونا هو إن العربيه دي ملاكي .. إذا مش من حقك إنك تشغلها .. وكمان التامين مش هيغطيك ف حالة الحوادث لاقدر الله لإن الحادثه حصلت ومش إنت اللي سايق العربيه .. موضوع مشاكله كتير .. وبعدين السواقين بتوع المكاتب دول بيبهدلوا العربيه .. بيحطلها مثلا بنزين 80 مش 92 عشان يضرب الفرق ف جيبه .. غير سواقتهم الغشيمه اللي بتمرمط العربيه .. يعني العربيه هتتبهدل وممكن تضيع خالص ف حادثه عشان ملاليم ف الشهر بعد ماتخصم منهم القسط والتامين وتجديد الرخص أخر السنه واعتقد كمان هيبقى عليك كاوتش وبطاريه .. هتلاقيها مش جايبه غير 400 أو 500 جنيه الصافي ف الشهر كل الحكايه ده إذا جابتهم .. أنا بقى قولتلهم شكرا .. ونفضت للحوار كله ..احسن حل زي ماقال أحد الإخوه هو السوزوكي الفان الصغيره دي .. ممكن تاخدها كسر زيرو ب 50000 وحالتها حلوه .. تشغلها الصبح مع دورة موظفين أو مدارس أو شركات .. واخر النهار تسلمها لسواق امين يشتغل عليها مواصلات .. وكده كده دي عربيه بتاعت نقل وهرس ولو إتبهدلت حتى مش مشكله .. لكن الملاكي بيوجع قوي ... ربنا يعينك ويوفقك .

ده خلاصة الكلام ونصيحة ابعد عن المكاتب دى وخليك فى المضمون

انا لو مكانك اشوف مشروع تانى خالص غير انى اجيب بكل ما املك عربية اديها لمكتب ياخد هيرها ويبهدلها ويطلع عين اهلها ويرميلى ملاليم ولو حصل ليها حاجة او حادثة ادخل فى دوامه