الموضوع: لازم تروحوا مركز طنانى

المشاركة الأصلية كتبت بواسطة tito_amara2002

فعلا يا جماعة تجربة اكثر من ممتازة وناس فوق الوصف والجمال
اول مرة انزل مصر بالعربية وانا اصلا زيرو فى مصر المهم ربنا كرمنى ووصلت بالسلامة ورحت المركز قابلت البرنس المهندس أحمد أبو بكر راجل قمة الأدب والذوق جرب العربية وكشف عليها وكتب لى طلبات العفشة اللى هى ماكنتشة أصلا عفشة طب هأجيب الطلبات دى منين وأنا أصلا واصل بالعافية المهندس أحمد قال لى انتظر طنانى باشا وهو هيتصرف انتظرت الاستاذ طنانى اللى كنت مستني أشوفه من كتر ما سمعت عنه فى هذا المنتدى
الراجل الله يباركله طول اليوم معايا بنجيب فى قطع الغيار منها جديد على استيراد ونرجع المركز نجرب الاستيراد ونلاقيه بايظ ونروح نرجعه يوم كامل بالشكل ده سايب مصالحه ومركزه وبيلف معايا علشان نجيب حاجة محترمة لأ وكمان والله بيفاصل فى سعرها كأنها حاجته
المهم أقول لكم على الاسعار
==================================
2 مساعدين gm امامى جديد 1250
2 مساعدين خلفى استيراد 450
2بيض مقص 200
2تيش ميزان 200
2قاعدة موتور (كوز مائل وعدل) ماركة فيبى 500
علبة دركسيون استيراد كاملة بالبارا الخارجى بالكاوتش الافيز 900
طرمبة باور استيراد 550
ماستر فرامل+سيرفو 2طاقية استيراد 500
كارتير فتيس استيراد 100
كل ده والمصنعية مفاجأة
والاجمل من ده كله أحساسى ان انا صاحب المكان مش مجرد زبون
والاجمل انى قابلت ناس هنا فى النتدى شخصيا هناك زى الاستاذ حسام والاستاذ شادى
فعلا والله تجربة رائعة وناس محترمة بجد
لذا وجب الشكر لكل القائمين على هذا المركز ونقل التجربة للافادة

اولا الف مبروك عليك الشغل الجديد في العربيه
ثانيا اللي انت بتقول عليه علي الاستاذ محمد و المهندس احمد ده نقطه في بحر الناس دي ما شاء الله عليهم هم و ابو كف و ماندو و الله العظيم الراجل مبيخليش حاجه انت محتاجها في العربيه و كل ما يظهر لك حاجه بيقولك علي الحلول و لو في حاجه محتاجه انك تعملها بيقولك و لو مش محتاجه قوي برضه بيقولك معندوش مشكله و كل ده بامانه مش بيفتح معاك شغل و خلاص زي الناس التانيه اللي انت عالرفينهم و اللي بنتعامل معاهم علي طول
و اخيرا الشيء بالشيء يزكر ربنا يباركلهم و يوسع رزقهم و يبارك لهم فيه ان شاء الله عشان فعلا الناس دي تستاهل كل خير

راجل محترم ربنا يبارك فيه

والله ربنا العالم انى لما بروح عند طنانى باشا كانى فى بيتى بالضبط ومبكنش قلقان من العربية ربنا يبارك فيك وفى الناس اللى عندك يا جنرال وهذا ما لزم بيانة على رألى أخونا صدام تقبل مرورى