اليوم – إن شاء الله - هستلم تويوتا يارس سيدان 2014.. متشوق لنصائحكم

**عبدالحكيم** · 16-01-2014 09:07 AM

السلام عليكم يا شباب

أنا مصري عايش في دبي.. اشتريت سيارة جديدة، ولأن خبرتي قليلة في عالم السيارات، محتاج نصائحكم الجميلة في أول يوم استخداااااااام

تقريبا انتهت كافة الإجراءات واليوم سأستلمها إن شاء الله. وها هي تفاصليها:

السيارة: يارس سيدان الشكل الجديد موديل 2014

اللون: من الخارج أسود ومن الداخل بيج

المحرك: 1500 سي سي

الكماليات: مواصفات يارس إس إل

تلقيت اتصالاً من تويوتا اليوم ليكي أذهب لاستلام سيارتي... أسأل الله العلي القدير أن يرزقني خيرها وخير ما جلبت لها وأن يعيذني من شرها ومن شر ما جلبت لها..

الآن أرجو بعضاً من نصائحكم في كيفية الحفاظ عليها...

وشكراً لكم جميعاً مقدماً

**hossam_elwani** · 16-01-2014 03:09 PM

الف مبروك عليك

**wardet** · 16-01-2014 03:10 PM

مبروك ياباشا وربنا يحفظك ويحفظها
حاول تركنها فى مكان كويس وتوقع خطأ الغير فى كل المواقف

**Hunting_Eagle** · 16-01-2014 03:37 PM

الف مبروك عليك

ممكن تعمل حماية (اسمه تشميع تقريبا) للعربية علشان الشمس و التراب .. في ماركات كتير بأسعار مختلفة و ان كان على حسب ما اسمع Lumar افضلهم بس غالي شوية

تجنب تركن العربية في الشمس في فصل الصيف .. لان في عربيات التابلوه بتاعها بيقشر او بيكرمش من الشمس و خصوصا في الخليج

نصيحة ما تخليش البواب يغسلك العربية لأنه غالبا مش هيغسلها .. هيمسحها بفوطة و الفوطة دي هتخلي الدهان بتاع العربية يبقى كله دواير

طبعا كويس اننا في الشتاء علشان تتجنب تشغيل التكييف لحد ما تعمل 1000 كيلو

بردو تأكد من أوراق العربية انها مظبوطة علشان لما تحب تنزلها مصر

نصيحة بردو تعمل تظليل للشبابيك بنوع كويس يمنع دخول الحرارة .. لأن عربيتك سوداء و في الصيف التكييف مش هيبقى ملاحق على الحر .. زي حالاتي كده :)

تحياتي