طريق واحة سيوة

**kero25** · 24-09-2008 03:48 PM

انا عايز اسافير سيوة انشاء الله بس عايز اعرف اقرب طريق بلعربية ازاى وهل لاحد اى معلومات عنها

**blazer** · 24-09-2008 03:54 PM

والله اعلم من مطروح بيبتدى طريق الواحات :)

**amr mokhtar** · 27-09-2008 01:26 AM

إيه يا جماعة محدش راح سيوة قبل كده
انا برضه عايز أعرف إيه أخبار الطريق و هل فيه ملفات و جامدة و لا لأ؟
و البنزين متوفر على الطريق و لا إيه النظام؟؟

**dentalbibo** · 27-09-2008 10:52 PM

يا ريت حد يفيدنا :)

هو انا لو اخدت زمايلي وطلعنا هناك كده بدون حجوزات ولا يحزنون .. نعرف نظبط الليلة ولا هتبقا نكد ؟!

**kero25** · 28-09-2008 11:11 AM

والله انا ناوى اعمل كدا زيك وهطلع من غير تظبيت بس انا دورت شوية فى النت لقيت ان الحاجة هناك رخيصة من سكن واكل كدا واحلا شهر هناك شهر 10 عشان بيكون موسم جمع البلح بيكون فية افراح وموالد وكدا انا ناوى إن شاء الله لو ربنا اراد هطلع على اخر 10 بس بشوف حد عندوه معلومات عنها عشان انا سمعت ان فى طربق مختصر من القاهرة لسيوة مسفته 400 ك بس عايز اتاكد من المعلومة

**islamnabil** · 08-10-2008 09:58 AM

ياريت لو وصلت لاي معلومات تقول لنا عشان الموضوع يبقى مرجع للي عايز يروح سيوة

**kero25** · 13-10-2008 11:39 AM

انا إن شاء الله هطلع يوم 22 ولما ارجع هقول على كل التفاصيل إن شاء الله

**Islam_galal** · 13-10-2008 12:37 PM

أنا مطلعتش قبل كدهبس جمعت معلومات بسيطة عن مخاكر الطريقهو تقريبا 200كم بعد مطروحالوصلة من مطروح لسيوه ليس عليها خدمات علي الاطلاق، اللهم الا كافيتريا فقيرة جدا و شبكات المحمول بتفصل كتير علي الطريقأعتقد كده علي الأقل سيارتين معا في السفر لأن واحدة حتبقي مخاطرة كبيرة خصوصا لو فيه ستاتو الله أعلم

**amr mokhtar** · 13-10-2008 02:20 PM

الحمد لله انا كنت لسه فى سيوة من حوالى إسبوع كده و هحكي شكل الطريق

الجزء الأول
إحنا إتحركنا من الإسكندرية بعد صلاة الفجر مباشرة و كان معانا عربيتين
الطريق من الإسكندرية لمطروح حوالى 300 كم الطريق كويس مفيش فيه ملفات خطر لكن بعد مارينا ممكن تلاقى كام نقرة فى الأرض

الجزء التانى
الجزء الأهم من الرحلة و اللى يقلق هو طريق سيوة
سيوة تبعد عن مطروح تقريبآ300 كم (مطروح فى النص) الطريق عبارة عن حارة رايح و حارة جاى أحيانآ بيبقى ضيق شوية لدرجة انك تحس ان العربية اللى بتعدى من جنبك بتبقى قريبة اوى...لكن هو أصلآ كل فين و فين لما بتلاقى عربية معاك فى السكة

بعد 30 كم من بداية الطريق فيه منطقة عمل يعنى الطريق فى الحتة مش متسفلت عبارة عن رمل و زلط فطبعآ لازم تاخد بالك لإن بيبقى فيه طوب مرمى و الجزء المكسر ده حوالى 14كم

بعد كده الطريق حلو و مستقيم معظم الوقت و ملفاته كويسة

بالنسبة للخدمات فهو مفيش عليه اى حاجة و لا محطة بنزين و لا غيره عشان كده إحنا ملينة جركنين بنزين كل واحد 10 ليتر للأمان يعنى

جوة سيوة فيه محطة بنزين و فيها بنزين 92 كمان

و إحنا راجعين طلعنا على الطريق بالليل - بصراحة الطريق كان كئيب جدآ و نصيحة بلاش حد يطلع عليه بالليل لإن لا قدر الله لو العربية عطلت او حتة عجلة نامت الدنيا بتبقى كحلى بمعنى الكلمة

و برضه بلاش تطلع بعربية واحدة يستحسن يكون فيه أكتر من عربية عشان الونس برضه

بس بجد سيوة تستاهل .. فعلآ جنة بجمالها و ناسها اللى تحس فيهم الطيبة

**Islam_galal** · 13-10-2008 02:29 PM

تعمل فينا معروف و تحط صورة من علي خرائط الجوجل
- طريق سيوة منين من مطروح ، يعني قبل دخول مطروح و لا من جواها؟
- موضوع شبكة المحمول علي طريق سيوه أخباره إيه
- و ياريت الاسعار كمان بالمرة

معلش حانتعبك شوية

الموضوع: طريق واحة سيوة

LinkBack

أدوات الموضوع

عرض

-

-

-

-

-

المواضيع المتشابهه

واحة عمر ولا كنترى كلوب

واحة سيوة

حد راح واحة سيوة قبل كده

الإستفسار عن طريق سيوة

أفضل طريق من المنصورة الي واحة عمر علي طريق القاهرة اسكندرية الصحراوي

الكلمات الدلالية لهذا الموضوع

المفضلات

المفضلات

ضوابط المشاركة