استفسار عن سيارة إنفي

**Axmed** · 16-01-2014 10:41 AM

السلام عليكم ورحمه الله وبركاتة
انا اول مرة اشارك هنا
واول مرة هشتري عربية ان شاء الله
بعد بحث عميق وتأني قررت اشتري سيارة اسبرنزا إنفي
بسبب الاراء المختلفة الي قرتها علي النت عنها
بس للاسف انا اتخدعت في حاجتين
اول حاجه صالون العربية انا كنت فاكرة بالمنظر ده

بنفس شغل الفتيس والشاشة التاطش والدوسات
بس الحقيقة طلعت مختلفة وطلعت بشكل تاني

الي هو ده

طبعاً أمالي اتحطمت لما عرفت ان تابلوة العربية مش نفس الي في الصورة الاولنية...

المهم استفساري هيكون ليه علاقة بي نظام الحماية انا ان شاء الله نويت اشتري هاي لاين الي فيها اوبشن زيادة
انا شوفت الموضوع ده
http://www.nilemotors.net/Nile/333315-a.html
وبصراحه عجبني جداً
هل في إمكانية لتركيبة في سيارة اسبرنزا انفي ؟
مين الي هيركبة
سعر الجهاز كام
سعر التركيب كام
تاني استفسار هيبقي بخصوص التابلوة الي موجود في السيارة الانفي هل من الممكن تعديلة بحيث مثلاً احطله نفس الحاجات الي موجود في صورة التابلوة الاول ولا لاء؟
وشكراً جزيلاً

**FaWzY86** · 16-01-2014 12:59 PM

بص يا سيدي
مبدأيا شكل التابلوه اللي انت جابه ده ماعتقدش انه بتاع الانفى او الChery E5 من الأساس، مافيش فيه حاجه شبهه الا العدادات
بالنسية للفتيس اللي في الصورة ده فتيس أوتوماتيك ستيبترونيك مش مانيوال أصلا والعربية مش بتنزل مصر غير المانيوال
بخصوص الشاشة التاتش ده موضوع بسيط، بتشتري DVD من محل كاسيت وبيركب مكان الكاسيت وبيبقى فيه غالبا كاميرا للرؤية الخلفية لما تيجي ترجع مارشيدير وكمان بلوتوث وبيبقى سعره حوالي 2500-3000
اما الجهاز اللي بتقول عليه اكيد ممكن يركب بس هتلاقيه غالي لو لقيته أصلا

**semsem5144** · 16-01-2014 01:38 PM

الجهاز ده بدأ يتوفر فى مصر هتلاقيه فى محلات الاكسسوار
بيركبه الكهربائي عادي مع تعديلات بسيطه
الجهاز فيه منه انواع واشكال كتير واسعاره مختلفه حسب انظمة الحمايه
ده واحد منهم
Smart Remote Start Car Module with Engine Start Stop Button Countdown Stop Car | eBay
اعمل سيرش على الانواع واختار براحتك , ممكن تشتريه من Ebay ويوصلك بعد 15 يوم وهتلاقيه ارخص كتير

وده go car accessories اتصل بيهم واسأل على السعر
https://www.facebook.com/photo.php?f...type=1&theater

**raedegypt** · 16-01-2014 02:02 PM

الاميجراند افضل منها شكلآ وموضوعا وتصميم احدث . الاسبرنزا بدءت مشاكل الصدء تظهر فى سيارتهم ودة مشكله كبيره لا ينفع معها ضمان ولا اعادة بيع .

**محمد حسام** · 16-01-2014 02:48 PM

يا باشا ربنا يوفقكك في الشراء وعلفكرة العربية جميلة جدا بس المشكلة في عدم وجود ايموبلايزر و انا اشتريتها الشهر اللي فات و شغالة تمام

**semsem5144** · 16-01-2014 05:45 PM

المشاركة الأصلية كتبت بواسطة raedegypt

الاميجراند افضل منها شكلآ وموضوعا وتصميم احدث . الاسبرنزا بدءت مشاكل الصدء تظهر فى سيارتهم ودة مشكله كبيره لا ينفع معها ضمان ولا اعادة بيع .

الاميجراند افضل منها شكلا دي حقيقه مع ان التصميم الداخلي للانفي افضل
افضل منها موضوعا برضو حقيقه ولكن على الورق كمواصفات لكن الاميجراند عملت اعلى معدل مشاكل واعطال بين كل العربيات الجديدة وخصوصا موضوع الصدأ ده خاص بالاميجراند مش شلاكة اسبرانزا ودور فى جروب العربية على الفيس بوك وشوف الصدمه
https://www.facebook.com/groups/Emgrand.Club.Egypt/

**FaWzY86** · 16-01-2014 08:48 PM

المشاركة الأصلية كتبت بواسطة raedegypt

الاميجراند افضل منها شكلآ وموضوعا وتصميم احدث . الاسبرنزا بدءت مشاكل الصدء تظهر فى سيارتهم ودة مشكله كبيره لا ينفع معها ضمان ولا اعادة بيع .

حضرتك الامجراند هى اللي متبهدلة صدأ لو دخلت على الجروب بتاع ملاكها على الفيسبوك هتلاكي الناس بتعاني من الصدأ في أجزاء متفرقة في العربية وهي زيرو

**hugan** · 16-01-2014 08:50 PM

المشاركة الأصلية كتبت بواسطة raedegypt

الاميجراند افضل منها شكلآ وموضوعا وتصميم احدث . الاسبرنزا بدءت مشاكل الصدء تظهر فى سيارتهم ودة مشكله كبيره لا ينفع معها ضمان ولا اعادة بيع .

الكلام ده اكيد

**hemaa_82** · 19-01-2014 08:54 AM

يا اخوانا سيبوه يعيش

-

الموضوع: استفسار عن سيارة إنفي

LinkBack

أدوات الموضوع

عرض

-

-

-

-

المواضيع المتشابهه

استفسار في بيع سيارة بها توكيلات

استفسار عن فحص سيارة

بريليانس fsv و ايمنجراد 7 , إنفي .... إيه أحسن عربية صيني ؟

استفسار حول شاء سيارة

استفسار عن لون سيارة

الكلمات الدلالية لهذا الموضوع

المفضلات

المفضلات

ضوابط المشاركة