عاوز اظبط الفوانيس و اضائتها

**Abdo Taha** · 16-01-2014 01:01 PM

السلام عليكم
النور في العربية مبقاش تمام اوي مش زي الاول مع ان اللمض متغيرة من شهر 5 اللي فات osram اصلي من التوكيل و العدسات كانت بتلمع لما النور كان شغال زي الزينون كده كأن ليها لون مايل للبنفسجي و ده كان من اكثر الحاجات اللي كانت عاجباني في العربية فباين ان العدسات عايزة تنضف لأنها مبقتش كده خالص و على الفكرة الفانوس نفسه نضيف و بيلمع لكن النور مش مظبط فهل ممكن العربية تحتاج كتاوت او كده و لا ملهاش لزمة و ازاي العدسات دي ممكن تتنظف ؟

السيارة فيكترا سي 2008

**Abdo Taha** · 16-01-2014 09:07 PM

هو موضزع العدسات ده ملوش علاج و لا ايه محدش عنده فكرة ؟

**Abdo Taha** · 18-01-2014 04:48 PM

المشاركة الأصلية كتبت بواسطة muhamednabil

هى العدسات مش بتتصنفر, هى بتتنظف بس بفوطة ناعمة لو تقدر تفكها و تتطلعها من الكشاف. الوش بتاع الكشاف لو مصفر بيتصنفر و يتلمع.

شكراً جدا جدا لحضرتك بس مش هينفع افكها عشان فيها مواتير بتحركها طب هو لما بتتمسح لازم تكون الفوطة مرطبة شوية و لا ممكن و هى ناشفة ؟

**Abdo Taha** · 19-01-2014 11:32 PM

المشاركة الأصلية كتبت بواسطة MuhamedNabil

انا شوفت شكل الكشاف اونلاين, من الواضح ان العدسات مش حينفع تطلع من الخلف عشان الفتحة صغيرة.
المشكلة مش فى للمواتير.
لو عايز تطلعهم لازم الكشاف يتفك و الوش يتفك موضوع مش سهل لو قول مرة تعمله

جرب غير اللمبات تانى لان الاضاءة بتقل مع عدد سعات الشغل يعنى لو بتنور النور كتير يوميا ممكن تكون اللمبة استهلكت و اضائتها قلت

شكرا لحضرتك و تعبتك معايا حضرتك شايف اركب زينون و لا نايت بريكر و أوفر لأن الزينون اللي ميعملش مشاكل فيها سعره 800 جنيه و اللي زي الاصلي ال osram ب 1400 او 1600 ، ايه رأي حضرتك ؟ و بشكرك مرة تانية على تعاونك .