اول حاجه تروح مرور فيصل تفحص فقط وتاخد جواب مطابقة + استعلام امني مختومين بختم النسر وتقولهم عشان هنقل ملكيه
ثانيا هتاخد الفحص وتروح تطابقه في العتبه وتعمل استعلام امني بردوا وتختمه ختم النسر وانت هناك هتطلع شهادتين بيانات وحده موجهه للشهر العقاري ووحده لمرور فيصل وتجيب شهادة مخالفات تمام كده .
وتطلع على الشهر العقاري هياخدوا منك شهادة البيانات الموجهه ليهم وتعمل عقد مسجل بإسمك ولو مضيت مشتري صلاحيته شهر واحد فقط لو ممضيتش مشتري معاك براحتك ويبقى كده معاك :-
1- عقد مسجل + التوكيل بتاع المالك القديم
2- شهادة بيانات موجهه لمرور فيصل
3- مطابقة الفحص + الاستعلام الامني
4- شهادة مخالفات وبتكون ساريه لمدة 14يوم من صدروها
وتطلع على مرور فيصل على الشباك وترخص عربيتك واعمل حسابك انك هتغير نمر عشان من محافظه لمحافظة وهتسلم النمر القديمه في فيصل وربنـــــــا معــــــــاك
انا لسه عامل القصه دي من شهر بالظبط
المفضلات