ال fsi من الكتالوج و التوكيل لازم 95
عرض للطباعة
باشا فلوينس لا تقارن بالبسات خالص !!! من تجربتي للبسات و الفلوينس اقدر اقولك فرق كبير جدا جدا
الباسات رائعه بصراحه بس مع الفتيس الرخم ده انا مع الراي اللي يقول بلاش الباسات لكن البديل مش فلوينس طبعا!!
البديل بيجو ٥٠٨ او انسجنيا و الاتنين صالون منتهي الفخامه و مواتير تيربو تحسسك بالمبلغ الكبير المدفوع في العربيه و مبروك مقدما
والله يا جماعه انا عجبانى الاكتافيا الa7 جداً
و قرأت كتير جداً عن الفتيس و مشاكله بره مصر و استخدامه فى الزحمه و كده
و من ردود الناس ان الأشاعات اكتر من الحقيقه بالذات فى السنين الأخيره 2013 و كده
و 90% من الناس مبسوطين بيه جداً جداً حتى فى الزحمه
و اجمعوا ان موضوع الرعشات فى التوقف و الطلوع و الكلام ده محتاج تعود من السواق على الفتيس و بيبقى تمام و عادى جداً
الرعشه بتيجى ان الفتيس مش عارف يقرر يجيب اول ولا تانى وانت داخل على اشاره و الى بيحدد ده دوسة البنزين و تقلها و دوسة الفرامل و تقلها
ده الى فهمتو من الناس فى انجلترا الى معاهم دى اس جى من اول الجولف الدى تى اى لحد الفابيا الفى ار اس
فانت برجلك يا بتبرجل الفتيس يا اما بتظبط معاه
و الله يا بارك فيك يا هانى باشا مع انى مخدتش لسا قرار 100% يعنى :)
ممكن لو عاوز اجبلك لينكات من منتديات فولكس جولف r32 و بيتكلموا على السواقه فى الزحام بالdsg
مبدئيا الجولف اخف وزنا من الاوكتافيا فالاحساس هيكون اقل و خصوصا ان الموتور رغم انه مش في قوة ال tsi الا انه عشان سعه لتريه اعلى فالدنيا هتبقى انعم شويه في الطلعه ورغم كده ده برضه ما يمنعش ان العمر الافتراضي ككل قليل جدا لطبيعة شوارعنا
و انا عن نفسي غيرت الفتيس مرتين و مفيش فايده قمت بايع و العربيه كانت عامله ٢٧ الف
برافو عليك وصلت لاساس المشكله و كلامك مظبوط مليون في الميه و عن تجربه
بس لما في مصر الناس تسوق زي بتوع انجلترا ساعتها اقول لك ماشي
طب بذمتك انجلترا فيها طريق ١٠ حارات لمسافة ٣٠ متر و هوب يبقوا ٣ حارات و كله يخش بدراعه تخيل ساعتها الفتيس بيحصل فيه ايه ابقى قابلني لو عرفت تريحه
ولا انجلترا مثلا فيها الناس تكون مكمله على الكوبري يقوم سواقين المبكروباص الانجليز الصيع ياخدوا اقصى اليمين عشان يدخلوا شمال فجاءه قبل المخرج و كله يمشي وراهم زي القطيع
و على فكره البرجله بتكون برضه من التالت للتاني يعني هتفضل واخد الزحمه على اعصابك
طب يا جماعة فية باسات 2009 1.4 tsi لكن فيتيس قديم 6 سرعات. دى فيها مشاكل ولا اتوكل على الله واشنري؟ وهل هى افضل ولا ال 2008 fsi؟؟؟؟؟؟؟؟؟؟
و الله يا هانى باشا
الواحد مش عارف يعمل ايه
الموتور ده انسب موتور يحسسك بالتغيير من الهوندا بس الفتيس مخاطره بردوا زى مانت بتقول
عموما الواحد قبل اي حاجه يعمل استخاره و يشوف ربنا هييسر ايه بقا ان شاء الله