الموضوع: الحمد لله استلمت الفلوانس e3 من اسبوع وعندي كام استفسار

الف الف مبرووووك ربنا يديك خيرها و يكفيك شرها .. انا حاجز نفس الفئة نفس اللون بعد ما دخت في الاختيار بينه و بين الموكا.. انت رأيك ايه في اللون بعد ما ركبته و معاك بقاله فترة ؟

بخصوص نقطة4.. ده بيبقى مفتاح في حالة ان البطارية خلصت و السمارت كي وقف بتشيل جزء من المقبض و تفتح العربية مانيوال بالمفتاح ده
كان بودي اجاوبك على الباقي بس معنديش فكرة بصراحة :)

المشاركة الأصلية كتبت بواسطة sofiman

الف الف مبرووووك ربنا يديك خيرها و يكفيك شرها .. انا حاجز نفس الفئة نفس اللون بعد ما دخت في الاختيار بينه و بين الموكا.. انت رأيك ايه في اللون بعد ما ركبته و معاك بقاله فترة ؟

بخصوص نقطة4.. ده بيبقى مفتاح في حالة ان البطارية خلصت و السمارت كي وقف بتشيل جزء من المقبض و تفتح العربية مانيوال بالمفتاح ده
كان بودي اجاوبك على الباقي بس معنديش فكرة بصراحة :)

الله يبارك فيك ياباشا ... وان شاء الله تستلم علي خير
علي فكره انا فضلت عايش في دوامه اختيار اللون دي حوالي اسبوع بس في الاخر حصرت الاختيار بين الاسود والرمادي (واستبعدت الموكا لاني فشلت اني اشوفه علي الطبيعه سواءا في المعارض او حتي ماشيه في الشارع ) لدرجه ان انا طلبت من المعرض اللي انا اشتريت منه انه يحطلي اللونين (الاسود والرمادي)جنب بعض علشان اختار بينهم بالرغم ان كل واحده منهم كانت في فرع بعيد عن التاني ... بس الناس كانوا محترمين وجابوهملي جنب بعض وللاسف حيرتي زادت ... اللونين ما شاء الله تحفه ... بس في النهايه استقريت علي الرمادي لانه مبيتبهدلش بسرعه ومبتبانش فيه الخرابيش (لاقدر الله) اوي وكمان مبين تفاصيل العربيه والتنفيخات اللي في الصاج اكتر من الغوامق ..وكمان الشنب الاسود اللي حوالين علامه رينو اللي علي الكبوت وكمان الشبكه السفليه السوداء اللي في الاكصدام الامامي عاملين شغل جامد مع اللون ده عكس اللون الاسود او الغوامق عموما... وكمان لون الفرش الداخلي الاسود والستاير السوداء من وجهه نظري لازم يكون معاه لون فاتح شويه من بره علشان العربيه متبقاش كئيبه..
وعموما اللون ده ماشاء الله ملفت جدا جدا (وربنا يستر ) وانا الحمد لله مقتنع انه اختيار موفق والحمد لله
وفي النهايه هي مسأله اذواق

وشكرا ياباشا علي المعلومه بتاعه مفتاح الطوارئ

وفي انتظار باقي الاجابات من وحوش الفلوانس

منور يا هندسة

اجاوب على الباقي
اولا الف مبروك على السياره وبالفعل انت اخترت احسن عربيه فى الفئه بتاعتها وفعلا هى عربيه تستاهل كل قرش فيها
مع الاسف قفل وفتح السنتر من غير صوت وكمان العربيه مفهاش انزار
النقطه الثانيه موضوع انك تنزل من العربيه وهى دايره وتبعد عنها والريموت معاك العربيه مبتبطلش وعشان ترفع الزجاج لازم تبطل العربيه وتدوس علي قفل الريموت مرتين ورا بعض

شرح مفتاح اللسمارت كى فى الفلوانس
انت عندك كارت وفى الكارت زرار ابيض بتدوس عليه بيطلع منه مفتاح (ليه الحركه دى)
الحركه دى عشان لما حجر الريموت يضعف نفتح العربيه بالمفتاح اللي فى الريموت
طب والعربيه هدور ازاي وهيا من غير مفتاح
فيه فتحه بالعرض تحت التكييف دى بدخل فيها الكارت فالعربيه بتدور
ودمتم على خير

المشاركة الأصلية كتبت بواسطة sofiman

الف الف مبرووووك ربنا يديك خيرها و يكفيك شرها .. انا حاجز نفس الفئة نفس اللون بعد ما دخت في الاختيار بينه و بين الموكا.. انت رأيك ايه في اللون بعد ما ركبته و معاك بقاله فترة ؟

بخصوص نقطة4.. ده بيبقى مفتاح في حالة ان البطارية خلصت و السمارت كي وقف بتشيل جزء من المقبض و تفتح العربية مانيوال بالمفتاح ده
كان بودي اجاوبك على الباقي بس معنديش فكرة بصراحة :)

طبعا افضل لون فى الفلوانس الفيس ليفت
الفيرانى اللى بتسموه Oyster Gray وياتى بعده
الاسود
الموكا
الفضى وافضل لون عملى للحر والتراب والخرابيش
الذهبى

ميزة الفيرانى فى الفلوانس
انه مشغامق قوى فعملى
وجديد لانه اول مره ينزل فى 2014 زى الموكا
وكمان لامم العربيه تحسها محندقه مش مبهوقه

المشاركة الأصلية كتبت بواسطة hossam_osman1

1- السنتر لوك لما بيفتح اويقفل مبيعملش صوت بيعمل اضاءه فقط كده تمام ولا انا عندي مشكله
2-صوت الموتور العالي ده حتي و العربيه واقفه طبيعي وهيقل ولا هيستمر كده علي طول
3- لما ابعد عن العربيه والكارت في جيبي مبتبطلش ولا الزجاج بيقفل ... هل فيه ضبط للموضوع ده ولا هو كده اجباري ..
4- الجزء العلوي من الكارت ممكن يتفك وبيطلع منه مفتاح صغير ... ده بتاع ايه ؟؟

معلش بقي استحملوني شويه علشان انا لسه فلونساوي جديد .... وشكلي كده هسأل كتيييير لاني بحب اعرف كل كبيره وصغيره عن العربيه اللي انا راكبها...
شكرا مقدما... ودمتم بخير

ألف مبروك أولا وربنا يباركلك فيهاويرزقك خيرها ويكفيك شرها
1- السنترلوك اللى فوق علامة الانتظار بيعمل صوت واضح جدا .. عموما جرب اقفله وحاول تفتح العربية من برة .. السنتر اللى فى مسند السائق بتاع الكراسى اللى ورا صوته اقل كتييير
2-صوت الموتور عالى مع اول دوارة الصبح (حتى لو ار بى ام قليل) او لو قرصت شوية تحت سرعة 70 بيبان صوته ... مهندس احمد الفقى غير لزيت كاسترول فى صيانة 10000 كيلو وبيقولى العربية صوتها وسحبها بقى حمادة تانى خااااالص
3- معتقدش العربية هتقفل من نفسها وتقفل الزجاج ... لكن لو انت بطلتها وافتكرت انك مش قافل الأزاز دوس على زرار اللوك اللى فالريموت مرتين ورا بعض بسرعة الإزاز هيقفل بس فى الحالة دى اما تيجى تركب العربية تانى لازم تفتحها بالريموت مش هتفتح لوحدها
4- جاوب عليه الباشا اللى قبلى

وأى سؤال هتلاقى الرجالة هنا قايمين بالواجب وزيادة ان شاء الله

المشاركة الأصلية كتبت بواسطة alameer81

منور يا هندسة

الله يخليك يا هندسه
كويس انك بتلف في اقسام المنتدي مش مركز في الاوبل بس
ونشوفك علي خير الاسبوع اللي جاي ان شاء الله

المشاركة الأصلية كتبت بواسطة memo823000

اجاوب على الباقي
اولا الف مبروك على السياره وبالفعل انت اخترت احسن عربيه فى الفئه بتاعتها وفعلا هى عربيه تستاهل كل قرش فيها
مع الاسف قفل وفتح السنتر من غير صوت وكمان العربيه مفهاش انزار
النقطه الثانيه موضوع انك تنزل من العربيه وهى دايره وتبعد عنها والريموت معاك العربيه مبتبطلش وعشان ترفع الزجاج لازم تبطل العربيه وتدوس علي قفل الريموت مرتين ورا بعض

شرح مفتاح اللسمارت كى فى الفلوانس
انت عندك كارت وفى الكارت زرار ابيض بتدوس عليه بيطلع منه مفتاح (ليه الحركه دى)
الحركه دى عشان لما حجر الريموت يضعف نفتح العربيه بالمفتاح اللي فى الريموت
طب والعربيه هدور ازاي وهيا من غير مفتاح
فيه فتحه بالعرض تحت التكييف دى بدخل فيها الكارت فالعربيه بتدور
ودمتم على خير

الله يبارك فيك ...شكرا علي الرد

بالنسبه لاستخدام مفتاح الطوارئ لدخول العربيه وعلشان العربيه تدور هندخل الكارت (ضعيف البطاريه) في مكانه في التابلوه ومفروض العربيه ساعتها تدور .. يبقي احنا كده خلينا المسافه بين الكارت ومستقبل الاشاره اقل ما يمكن حتي يمكن التغلب علي ضعف اشاره الكارت نتيجه لضعف البطاريه ... يبقي كده نظريا لو البطاريه منتهيه تماما العربيه متدورش ... صح كده ؟؟