الموضوع: رابطة مالكى هيونداى اتوس

هى قطع غيار السياره حمداً لله موجوده, المشكله الوحيده انى مش اى واحد بتاع قطع غيار فاهم فيها, هو فيه وجه تشابه كبير بين الكيا والهيونداى , وزى ما انتو طبعاً فهمتو الموضوع ده يعنى مثلاً حساس الكرنك (اللى هو ورا الكاتينه عندكم ) هو هو نفس الحساس بتاع البيكانتو , حساس الأيديال هو بتاع الفيرنا ,
يعنى فيه شوية حاجات لو سألت عليها على انها اتوس ممكن تلاقى معظم تجار قطع الغيار مش فاهمينها, المشكله عندنا فى مصر هنا انى تاجر قطع الغيار واخدها من نسق التجاره فقط, المفروض يكون عنده فكره ولو مبدأيه عن كل جزء بيتاجر فيه , وازاى بيركب ,,,,,
وده المفروض انه مش تاجر فقط, هدفه الأساسى هو الربح وخلاص , فاهمنى
عموماً انا على اتم الأستعداد على استقبال اى استفسار سواء على الصفحه هنا او على الموبيل مباشرةً للسؤال عن اى جزء بالعربيه عندكم . بس فيه رجاء واحد, كل واحد يستفسر عن قطعة غياء سواء منى او من غيرى لازم يكتب تجربته علشان غيره يستفيد فاهمنى
وفى موازين حسناتكم جميعاً انشاء الله

ربنا يكرمك والله طمنتنى انا كنت قلقان علي موضوع قطع الغيار ده لاني معرفتهوش غير بعد ما اشتريت
بس الحمد لله انها متوفرة

ايه هو محادش عنده مشكله فى العربيه
طيب هابتدى انا
بسم الله الرحمن الرحيم
العربيه الاتوس من مشاكلها المتعارف عليها
حساس الكرنك. وده موجود تحت سير الكاتينه . ولازم يتفك السير و البليه علشان يتغير. وده عمله توليد الكهرباء الخارجه للموبينه . و موجود بسعر 190 جم عند نافع شارع دمشق
فيه منه فى شارع جسر السويس عند محلات كتير بس سعره غالى اوى . تقريبا 300 جم.
المهم انه يكون الفيشه بتاعته على شكل مثلث .
والله الموفق

المشاركة الأصلية كتبت بواسطة moe gawad

ايه هو محادش عنده مشكله فى العربيه
طيب هابتدى انا
بسم الله الرحمن الرحيم
العربيه الاتوس من مشاكلها المتعارف عليها
حساس الكرنك. وده موجود تحت سير الكاتينه . ولازم يتفك السير و البليه علشان يتغير. وده عمله توليد الكهرباء الخارجه للموبينه . و موجود بسعر 190 جم عند نافع شارع دمشق
فيه منه فى شارع جسر السويس عند محلات كتير بس سعره غالى اوى . تقريبا 300 جم.
المهم انه يكون الفيشه بتاعته على شكل مثلث .
والله الموفق

شكرا ليك يا فندم على محاولتك مساعدتنا يمكن احنا الحمد لله لحد دلوقتى لسة مظهرش عندنا مشاكل فى العربية واكيد لو حصل حاجة لا قدر الله حضرتك هتكون اول واحد نستعين بية وبخبرتة بس احنا من اسكندرية هل عند حضرتك مركز خدمة فى اسكندرية ولا القاهرة بس؟؟
ثانيا من كتر تعاملك فى العربية اية رأى حضرتك فيها

واخيرااا احنا بنشكرك جداا على تعاونك معانا ال هنتحتاجة اكيد مع مالكى الاتوس...

هو حساس الكرنك ده لو باظ احس بايه في العربية

والله انا زيك بالظبط يا ريت استاذ محمد يفيدنا
ويقولنا راية فى العربية بصفة عامة

ياريت برضه تنصحونا بأنواع زيت كويسة للموتور والفتيس
والكمية المناسبة لزيت الفتيس عشان انا غيرته فاللي غيره حط كمية زيادة شوية ضرب الاويل سيل وبيسرب زيت ولسة هروح أعمله ان شاء الله

المشاركة الأصلية كتبت بواسطة hassanstar

شكرا ليك يا فندم على محاولتك مساعدتنا يمكن احنا الحمد لله لحد دلوقتى لسة مظهرش عندنا مشاكل فى العربية واكيد لو حصل حاجة لا قدر الله حضرتك هتكون اول واحد نستعين بية وبخبرتة بس احنا من اسكندرية هل عند حضرتك مركز خدمة فى اسكندرية ولا القاهرة بس؟؟
ثانيا من كتر تعاملك فى العربية اية رأى حضرتك فيها

واخيرااا احنا بنشكرك جداا على تعاونك معانا ال هنتحتاجة اكيد مع مالكى الاتوس...

يافندم انا تحت امركم. وانشاء الله ربنا يقدرنى واقدر اساعدكم
العربيه كويسه والحمدلله . المشكله فى الفنيين اللى مش فاهمينها
وانا للاسف فى القاهره بس ( مع انى من اسكندريه اصلا)