عرض للطباعة
النهارده كلمت واحد فى مبيعات أوتوايجيبت وبسأله على السنترا قالى ممكن فى خلال 4 أو 5 شهور تنزل بس قالى أن سعرها مش هيقل عن التيدا .. بصراحه أنا شايف أن السنترا سياره جميله بكل المقاييس وفى نظرى أحسن من الكرولا حتى لو سعرها هيقرب منها أنا عن نفسى بثق فى مواتير النيسان أكثر من تويوتا وشفت فيديو على اليوتيوب يبانى بيقارن بين السنترا والكرولا وحاططهم فى نفس الفئه لا أيه رأيكوا
مش السينترا دي هي اللي كانت بتنزل تحت اسم سيلفي-بلوبيرد؟؟ طيب هتكون تقفيل صيني برضه زي اللي قبلها ولا ايه؟؟ عموما هي عربية ممتازة والطبيعي جدا انها تبقى اعلى من التيدا اللي متفرقش كتير عن الصني... أما نشوف!!
اتأخر نزولها كثيرا .. عربيه اعتقد حتعمل مبيعات عاليه جدا لو نزلت بسعر معقول - غير جشع - في ظل استهبال الاسعار الحالي .
العربية ممتازة و جميلة و نزلت خليجى فى بعض المعارض وشفتها تحفه بمعنى الكلمة
بس مش هتنزل رخيصة .. هتكون فى فئة من 185-210 الف علشان تنافس الهوندا سيفيك و التويوتا كورولا بالدرجه الاولى ...
شكرا على الخبر ..
السينترا عربيه ممتازه جدا ... و حتنافس بقوه لو ظبطت سعرها ...
تحياتى ...
خبر كويس
و السنترا هي هي التيدا الجديده بس تعتبر السيدان منها و الصالون بتاعهم واحد
و المفروض انها متقلش عن التيدا فعلا و متزيدش كتير لان المفروض الهاتش اغلي من السيدان بس احنا في مصر و كل شيئ جايز
و لو فاكر صح الاتنين تقفيل تايلاندي
اقتباس:
المشاركة الأصلية كتبت بواسطة ahmed travco
السنترا حاجة والبلوبيرد سيلفى حاجة تانية السنترا نفس صالون التيدا الجديدة لكن سيدان وأكبر كمان والعربية تصنيع تايلاند وهى عربية ممتازة جدا وهتنافس الكورولا والفلوانس لو نزلت بسعر معقول يعنى هنقول لو لحد 165000 جنية هتكون ممتازة جدا أنما لو قلت عن السعر ده هتبقى قنبلة الموسم