عرض للطباعة
السلام عليكم ورحمة الله وبركاته
انا عايز اجيب تلفزيون ان شاء الله وانا معايا 5000 جنيه ومحتار بين ال Sony LG & Samsung
نفسي بجد حد يقنعنى مين احسن صورة والوااااااااااااااااااااا ااااااان ومن ناحيه ال 3d انا عايزه 42 بوصه ...
انا لقيت الموديل ده من LG 42LA6210 42 inch Cinema 3D Smart LED LCD
HDTV
سعره 5000 فى كارفور وعلى سوق ب4500 هل صورته نقيه وحلوة
ارجوكم دلونى على احسن تلفزيون بالسعر ده ويكون 3D
معلش التلفزيون اللى على سوق موديله lg
42LN6130
وسعره 4500 ايه نظامه ؟
بالنسبه لل SOny انا شايف انها اقل من العاديه من ناحيه جوده الصورة مش حلوة مقارنة بال lg و samsung
زوج اختى مشترى ال سونى 42 بوصه من سنتين ب 5000 والصورة مش حلوة بالرغم من انه جايب ريسيفر hd اسمه Royal sky صيني هل ده بيفرق جامد ..
وايه رائيكم فى البلازما ؟؟؟؟؟
الفكره قبل الماركه او الموديل هو ال input
يعني لو التلفزيون full hd بس انت موصله بالدش العادي او مشغل فيلم من على هارد مثلا هتطلع صوره عاديه
الصوره اللي انت بتشوفها في المحلات دي بتكون اسطوانه blu ray demo عليها اي حاجه والتلفزيون ده اخره
علي فكرة افضل صورة وروئية هتلاقيها في البلازمة ياريت تفكر فيه
السامسونج افضل تليفزيون led على الاطلاق حاليا ومن بعده توشسيا لكن lg من وجهة نظرى اقل منهم بكتير كجوده وضمان
بص ياباشا على حد خبرتي واهتمامي بالشاشات
استخلصت الاتي
نمره واحد من حيث جودة الصوره الفول اتش دي يبقا سامسونج
ويقال ان الشاشه لو فيها نت(سمارت) هيبقا الال جي ومنصحكش بالسمارت لانها زي التها
وسمعت ايضا ان الثري دي في الال جب افضل
لكن على كل الاحوال
ترشح لك السامسونج افضل شاشه وهي عندي وعن تجربه لكنها ليست ثري دي
40 بوصه فول اتش دي
وانصحك ايضا بالابتعاد عن كارفور هتلاقي فرق سعر مش ااقل من 200 جنيه لصالح السوق اي محل اخر غير كارفور
كارفور ماشي بمقولة الصيت ولا الغنى
شكرا ليكم ..
يعنى اخليني فى السامسونج و ال 3d ملوش لازمه ؟؟؟؟؟؟
هات ال جى ثرى دى رائع فعلا وعلى قد الميزانيه وصورته تحفه
عندى السامسونج وعندى ال جى
بال5000 الاف هات ال جى لان السامسونج سعره مبالغ فيه وعن تجربه ال جى رااااائع
تقنية الثري دي كويسه وانا لو كان معايا مبلغ يكفي لشراء الثري دي مكنتش اترددت اني اجيبها
ويكون بعلمك تقنية الثري دي هتستخدمها في تشغيل افلام ثري دي عن طريق هارد يركب للشاشه
لان قنوات الثري دي على الاقمار غير متوفره بكثره
وان كان الثري هو المستقبل للقنوات فيما بعد لذلك انصحك بان تكون شاشتك ثري دي
فلو المبلغ المتاح لك يجلب لك شاشه ال جي وتكون ثري دي
فلا تردد في شرائها ولو باستطاعتك اقتناء شاشه سامسونج وتكون ثري دي فيكون افضل والفرق بينهم ليس شاسعا على ما اعتقد
يبقى الخلاصه كالاتي
لو امكانياتك تجيب سامسونج ثري دي فهذا افضل الاختيارات
والال جي ثري دي ب5000 اللي معاك يبقا كويس وجميل وتوكل على الله
شكرا ليكم يا جماعة ..
معلش عندى سؤال بسيط هل فى ال 100 hz بتاعت motion rate كويسه ولا هيبقي فى اثر للحركه فى التلفزيون
؟؟
كويسه حسب سعر الجهاز
انصحك بالسمارت.. انا عندي تليفزيونين LG واحد ثري دي وواحد سمارت.. مش عاوز اقولك اني مستعملتش الثري دي من يوم ما جبته غير 3 4 مررات.. مع انه رائع.. بس ملوش لازمه ! انما السمارت احلي واقوي ميزه فيه انك تدخل تستريم اي فيديو من علي يوتيوب عندك علي تليفزيونك !! دا طبعا غير الماجيك ريموت كانك شغال بماوس بالظبط علي الشاشه..
الخلاصه.. هات smart او لو ميزانيتك تسمح هات smart 3d
موديل رقم 42LA6210 .. سمارت وثري دي وسعره ف المحلات 5690
او 42LN5720 ودي سمارت بس ودا سعرها ف القاهره للمبيعات
ال جى شاشة 42 بوصة ال اى دى فول اتش دى سمارت ويرليس + رسيفر أتش دى إم أى + سماعات ويرلس + كابل + ماجيك ريموت TV 42LN5720 – القاهرة للمبيعات – LG م
سامسونج وبعده lg
عن تجربة
lg 42 بوصة سمارت + ماجيك ريموت (اختراع بصراحة)
الماجيك ريموت غير متوفر بالسامسونج ودة اللى خلانى اجيب ال lg
من مميزات السمارت انك فاتح الشاشة وكأنها لاب توب وبتتصفح الانترنت واليوتيوب والفيس بوك
غير كدة بصراحة صورتة ماشاء اللة كويسة جداااا
ممكن تعرفنى الطريقه لتفعيل الفيس بوك والاسكاى بى مثلااقتباس:
المشاركة الأصلية كتبت بواسطة mastr_n
يعنى لما بسجل دخول للفيس بيقول لى ضع هذا الكود فى الفيس بوك ؟؟ او ضع هذا الكود فى الاسكاى بى وبيطلع كود معين بس مش عارف مكان التفعيل فى الفيس بوك مثلا ا الاسكاى الجهاز ال جى 47 6610
زي ماقالو ألاخوة
ياريت التلفزيون يكون سمارت
وانسب اختيار للميزانية بس تزود حاجة بسيطة
lg42.6210
انا جايب ال 47 من كارفور 6300
بس اعتقد ان العرض خلص
واللة حضرتك المفروض بتستلم كود فى الاول خالص على اميلك لما بتعمل activation للجهازاقتباس:
المشاركة الأصلية كتبت بواسطة طارق _عبد السلام
غير كدة انت ممكن تخش الفيس بوك عن طريق الابلكيشن دة طريقة
وعن طريق lg browser زى انترنت اكسبلورر كدة ودية طريقة تانية انا بفضلها
ومعلش انا مسافر برة والجهاز مش معايا لما هارجع بأذن اللة هاقولك تعمل اية
ياجماعه السمارت جربته عند واحد صاحبي وحطينا جاك النت في الشاشه وسرعته512 ولوحده
للاسف تقيل جدا في الفتح
وبعدين انا عندي لاب وموصله بالشاشه عن طريق كابل الاتش دي
وهشتري ماوس وايرلس وممكن كمان كيبورد وايرلس
يبقا بكده انا استخدمت الشاشه كانها سمارت
السمارت في الشاشت لها بدائل ومن وجهة نظري لو فيه فرق كبير بينها وبين الغير سمارت يبقا انصحه بانها تكون عاديه مش سمارت فشوف الفرق في السعر بينهم كام وانت قرر
اما الثري دي فطبعا ممتاز في الشاشات الكبيره بداية من 40 بوصه