السلام عليكم
احتمال اغير طقم الدبرياج
هوا انا عارف الجي ام مفيش افضل منه
بس لو جبت فاليو من ابو الحسن افضل ولا جي ام
مع العلم جبت فاليو مكملش ست شهور تقريبا بس مش من ابو الحسن
وياريت لو حد يعرف سعرهم عنده
عرض للطباعة
السلام عليكم
احتمال اغير طقم الدبرياج
هوا انا عارف الجي ام مفيش افضل منه
بس لو جبت فاليو من ابو الحسن افضل ولا جي ام
مع العلم جبت فاليو مكملش ست شهور تقريبا بس مش من ابو الحسن
وياريت لو حد يعرف سعرهم عنده
http://www.nilemotors.net/Nile/400483-a.html
ده موضوع لسه عامله من يومين بس لو حبيت تبص على آراء الزملاء
بس أنت كان رأيك بلاش الفاليو
ليه غيرت رأيك
المعروف عامة ان الجى ام تعتبر القطع الاصليه للانوس
فانا لو مكانك هجيب الجى ام اذا كان هوا الافضل حتى لو اغلى عشان اريح دماغى
الف شكر ليكم
حد يعرف سعر الجي ام كام واجيبة من ابو الحسن
متشتريش حاجه من ابو الحسن حاجته غاليه وللاسف فى الفتره الاخيره مبقاش موثوق فيها بدليل من افراد مختلفه اشترو من عنده قطع غيار انزل شارع دمشق قطع الغيار هناك جودتها اعلى واسعار كويسه
جبت من عنده طقم دبرياج ليجانزا فاليو ب 580 جنيه ولقيته فى شارع دمشق هو هو ب 430 جنيه
هيه الناس بتشكر فى ابو الحسن بس ممكن الزميل اللى بيقول شارع دمشق يقول مين موثوق فيه هناك ونصيحة ياريت تجيب جى ام طالما ده الاصلى بتاع الدايو
انا لسه جايب جي ام بعد ما الفاليو ماكملش سنة وريح ..... جبت جي ام من الحرمين (موزع لمنصور) ده جنب المنير في شارع فيصل بـ 600 تقريباً (اسطوانة - ديسك - بلية) وكويس جداً والسحب رائع .... ولما جيت اشتري غيرت بالمرة دراع الفرش جي ام بـ 60 جنيه
- اول حاجة كانت في الرعشة في الطلعة
الفاليو : في الزحمة العربية مش يتتهز .. بتتنطط
الجي ام : منتهى الهدوء.
- التسارع على اى مطلع وعلى الطرق السريعة
الفاليو : اقل في عزم العربية وانت على مطلع كوبري وكان الحل انك تحرق على غيار وخصوصاً لو معاك ناس في العربية أو ياسلام لو التكييف شغال بقه :00020140:
الجي ام : مابتحتجش موضوع الحرق على غيار ولا حاجة بمجرد ما بتلمس الدواسة بتلاقي استجابة
.... انا لما آجي أغير بغير الطقم كله على بعضه مابغيرش حاجة حاجة.
.... العربية موديل 2005 من ساعة ماكانت زيرو لحد 2011 كانت بالطقم الجي ام الاصلي بتاعها والفاليو مكملش السنة.
والله يابشمهندس مقصرت شرح وافي
انته فتحت نفسي علي الجي ام انا بقا الفاليو مكملش 3او 4 شهور والرجة علي الاول شغاله
واديني مستحمل وانشاء الله هجيب الجي ام يراجل الرجة مخليا الواحد كانه راكب 128بس الي جنن العربية مشاء الله سحبها جامد وبجيب 130كويس وبتبقا عايز تاني
الف شكر ليك
اية تاني اغيرة مع الديسك والاسطوانة والبلية والفرش والاولسية البين الماتور والفتيس
وعقربة الفتيس بالمرة
العفو يا باشا انا في الخدمة ...... موضوع الرجة اللي في الفاليو كانت أكتر حاجة منرفزاني هو الصراحة اول شهر قعد من غير رجة وبعد كده ابتدت تظهر مع المشي الكتير في الزحمة وبعد كده بقت مستمرة فعلاً تحس انك راكب 128 ... و انا غيرته بعد 4 أشهر مستحملتوش بعد كده
انا ركبت طقم فاليو قبل كده في عربيتي القديمه (أبيزا) لأن الألماني الأصلي كان غالي جدا و كان ممتاز لحد ما بعتها
و ركبت فاليو في اللانوس و برضه ممتاز في كل حاجه (طلعه - سحب - بدال خفيف زي الريشه)
تعرف منين أنه مش مضروب ؟
شوف تاجر أمين و ثبت التعامل معاه
أسأل ناس أشترت قبلك و هاتقولك فلان ده مش بيشتغل في المضروب
لو ميكانيكي شاطر يعرف المضروب من الأصلي
و طبعا ممكن تشتري الأصلي من عند حد معندوش ضمير و يبقى مضروب برضه و اقسم بالله حصلت معايا زمان في عربيه مازدا اشتريت الأصلي من عند واحد مشهور في ميدان الدقي مش فاكر اسمه و بعد شهر غيرته بطقم تايواني و كان زي الفل