Bmw تطلق أول سيارة جر أمامي في تاريخها

http://l.yimg.com/lo/api/res/1.2/pc9.../name_main.jpg

اعلنت شركةBMW فى معرض عن أول سيارة تنتجها ضمن 11 سيارة أخرى منهم سيارات MINI بخاصية الجر الأمامي، حيث تنوعت السيارات السابقة التي خرجت من مصانعهم بين الدفع الخلفي والكلي وأيضا الرباعي، وبالإضافة إلى هذه الخاصية، ستحمل السيارة أيضا أول محرك تنتجه BMW بثلاثة اسطوانات فقط.

وسيبدأ إنتاجها خلال عام 2014 الحالى ، حيث تخطط BMW أن تكشف عن النسخة النهائية من السيارة خلال معارض السيارات الشهيرة التي ستقام حول العالم خلال هذا عام ، بداية من معرض جنيف الدولي للسيارات.

اعتقد الـ 316 جر امامى

اسوء يوم في تاريخ بي ام دبليو

اقتباس:

---

المشاركة الأصلية كتبت بواسطة acs

اعتقد الـ 316 جر امامى

---

لا .. الفئة التالتة كلها دفع خلفي .. بما فيهم 316

اقتباس:

---

المشاركة الأصلية كتبت بواسطة magedtohami

اسوء يوم في تاريخ بي ام دبليو

---

ليه بس ؟

انا شايف انه تفكير عملي

فرق الدفع الأمامي عن الخلفي ما بيظهرش غير مع السواقة الرياضية .. مش قصدي الغرز و الشد .. قصدي سواقة رياضية على تراك او دريفتات

غير كده انا شايفه Option مش اكتر .. اللي مش محتاجه يبقى يشتري عربية دفع امامي

تحياتي

مش دى ال active tourer FWD (concept اللى بى ام ناويه تنافس بيها ال B-class ?

بس انا سمعت ان الشيب الجديد من الفئة الثالثة جر امامي ولا دي معلومة غلط ؟؟؟؟؟؟؟؟؟

يا باشا الخبر بيقول في تاريخها ...يعني مفيش حتي هذه اللحظه بي إم جر أمامي ...
دي لسه هاتنزل ....وإزاي بي إم يعملوا الحركة دي أنا مش فاهم ...
صدمة عمري يا بيمر ...

اهو تغيير

اقتباس:

---

المشاركة الأصلية كتبت بواسطة anxs111

يا باشا الخبر بيقول في تاريخها ...يعني مفيش حتي هذه اللحظه بي إم جر أمامي ...
دي لسه هاتنزل ....وإزاي بي إم يعملوا الحركة دي أنا مش فاهم ...
صدمة عمري يا بيمر ...

---

يا فندم انا طول عمري فاهم كده بس للاسف حد قعد يأكدلي ان الشيب الجديد في الفئة الثالثة جر امامي وده طبعا زعلني جدا وبما انه مش حقيقي فأنا كده انبسطت عشان العربية ماتنزلش من نظري لاني بحبها جدا ومعانديش مشكلة ان بي ام تعمل عربية جديده دفع امامي انما متقربش لكل الفئات اللي ليها تاريخ وجمهور وعشاق وتغلط وتخليها امامي انما طبقا للاعاف التجاريه لازم يبقى عنده كل حاجة ده بالنسبالي مش وحش

للاسف هاتفقد تميز بي ام
القوه والمتانه
يعني دفع خلفي

طبعا البى ام ماتنفعش غير دفع خلفى لكن الجر الامامى ليه ممبزاته بس الفكره هنا انهم يوازنو بين الاتنين بحيث ما يخليش معظم لافئات تبقى امامى فيما بعد واكيد طبعا هما عارفين حاجه زى كده

مش مرسيدس عملتها
اشمعني bmw
و مش شايفها مشكله لو العربيات اللي هتنزل مش مصنفه كسبورت سيدان

اقتباس:

---

المشاركة الأصلية كتبت بواسطة hunting_eagle

ليه بس ؟

انا شايف انه تفكير عملي

فرق الدفع الأمامي عن الخلفي ما بيظهرش غير مع السواقة الرياضية .. مش قصدي الغرز و الشد .. قصدي سواقة رياضية على تراك او دريفتات

غير كده انا شايفه option مش اكتر .. اللي مش محتاجه يبقى يشتري عربية دفع امامي

تحياتي

---

كلام مظبوط 100%

بصراحة متمناش لبي ام الموضوع ده

التغيير مطلوب برضه ويمكن سعرها يرخص شويه

مشكور على الخبر ...
كل الى اقدر اقوله ان اكيد 100% الناس دى عارفه بتعمل ايه !!!
و الى معترض على الدفع الامامى ... هل جربه فى بى-ام لكى يعترض ؟؟
مرسيدس و بى-ام عودونا ان اى حاجه عندهم مختلفه تماما عن الاخرين ... و الا لماذا سياراتهم مميزه ؟؟
و طبعا غير وارد ان سيارات الدفع الخلفى الشهيره (3/5/7) تتقلب لدفع امامى ...
هى ببساطه محاوله لجذب فئه مختلفه من السوق و بأسعار منافسه مثل رائعه مرسيدس الجديده cla ... و ابسط رد على كل الى اعترض على cla من غير ما يجربها !! ان حجزها وصل الى 4/2015 !!

تحياتى ...

when bmw itself makes fun of front wheel drive and then decides to use the technology its a big step down thats disappointing

http://nileup.com/up/uploads/nilemotors_13903504761.jpg

http://nileup.com/up/uploads/nilemotors_13903502611.jpg

دي صور لإعلانات البيمر وإزاي بيقولوا إن ما ينفعش العربيات تبقي جر أمامي عشان ما تبقاش زي الحصان ...
داه كان واحد من إعلانات بي أم اللي بيتفاخروو أن عربياتهم دفع خلفي ...
عار علي بي أم ملوك السبورت هاندلنغ ومرسيدس ملوك الألماني اللي بيحصل دة ويا خوفي لبورش كمان يعملوها ...

اقتباس:

---

المشاركة الأصلية كتبت بواسطة anxs111

دي صور لإعلانات البيمر وإزاي بيقولوا إن ما ينفعش العربيات تبقي جر أمامي عشان ما تبقاش زي الحصان ...

---

يعني ايه متبقاش زي الحصان ؟

يعني ما تبقاش زي الحصان اللي في الإعلان أو الضفدع لمؤاخذه ...
يعني هتكون العربيه الجر الأمامي مشوهة زي الحيوانات اللي في الصورة أي بعكس الطبيعة ...
يقصدوا إن الدفع الخلفي هو ما يتماشي مع قوانين الفيزياء تماما كما الحيوانات أرجلها الخلفيه هي الأقوى وأن الجر الأمامي يجعل السيارة مشوهه تماما كالحياوانات في الصور دي ...

اقتباس:

---

المشاركة الأصلية كتبت بواسطة Anxs111

يعني ما تبقاش زي الحصان اللي في الإعلان أو الضفدع لمؤاخذه ...
يعني هتكون العربيه الجر الأمامي مشوهة زي الحيوانات اللي في الصورة أي بعكس الطبيعة ...
يقصدوا إن الدفع الخلفي هو ما يتماشي مع قوانين الفيزياء تماما كما الحيوانات أرجلها الخلفيه هي الأقوى وأن الجر الأمامي يجعل السيارة مشوهه تماما كالحياوانات في الصور دي ...

---

لا مؤاخذتك معاك

ماشي يا عم ....دة بدل متشكرني أني شرحت ...

بلعكس
تقصر منهم انهم مينزلوش عربيات دفع امامى
لان مش كل الناس محتاجه عربيه رياضيه
يعنى الى هيشترى عربيه mpv عاوزها رياضيه ازاى يعنى ! دى عربيه عائليه اقتصاديه
وهما لو دخلو المجال دا هينافسو جدا ,, يعنى لما عربيه bmw تبقى ب 300 الف فى مصر وواسعه زى الاوكتافيا ,, الناس هتجيبها ولا تجيب اوكتافيا ؟

الصورتين محتاجين انك تركز فيهم عشان تفهم الفكرة .............. عبقري اللي عملها ... بس بي ام رجعت في كلامها يا ترى ليه ؟ هل عشان جذب عملا زيادة؟ طب ما هوه اصلا مش ملاحق على العملا بتوعه ..
اتجاه غلط و فولفو لما مشيت في نفس الاتجاه سوقها وقف اكتر من الاول ...

الموضوع ببساطة ان لما العربيات دى تكون دفع امامى السعر بيقل زى المرسيدس الجديده cla مثلا يعنى على سبيل المثال لو واحد نفسه يركب مرسيدس ومش عارف بسبب الاسعار ممكن يشترى الدفع الامامى بدل ما يدفع 260 الف فى باسات او اوكتافيا a7 مثلا ...... وانا واحد من الناس لو معايا 280 الف حركب المرسيدس ومش حركب a7 اللى سعرها 270 الف وبرضو جر امامى ودى راى الشخصى ....