بصراحة انا شفت الكروز النهارده فى المصرية لقيتها عربية جميلة وكمان بتنزل الفئة الاولى منها فيها فرامل ايه بى اس وايه بى دى ياترى ليه مش بتدخل فى المقارانات مع الفلوانس والشارك
هل يوجد بها عيوب معروفة او قطع غيارها غالية او حاجة تانية ؟؟
بصراحة انا شفت الكروز النهارده فى المصرية لقيتها عربية جميلة وكمان بتنزل الفئة الاولى منها فيها فرامل ايه بى اس وايه بى دى ياترى ليه مش بتدخل فى المقارانات مع الفلوانس والشارك
هل يوجد بها عيوب معروفة او قطع غيارها غالية او حاجة تانية ؟؟
الكروز عربيه محترمه وانا بحبها جدا هيا كانت نزل منها فيس ليفت ودلوقتى فى كلام ان مفيش منها 2014 والله اعلم .. ولا اللى حضرتك شوفتها دى كانت 2014 ؟؟؟
شكر لاهتمام حضرتك وردك
اعتقد ان اللى شفتها اللى هيا الشكل بتاع 2013 الفيس لفت وهيا اصلا تحفة بس مش عارف ليه الزملاء هنا مش بيدخلوها فى مقارنات كتير مع الفئات المماثلة علشان كده كنت عايز افهم السيبب هل مشاكل فنية او ضعف الاعتمادية او قطع غيار عالية او صيانة الوكيل ؟؟ مش عارف بصراحة
وشكر
الكروز مفيهاش اى مشاكل بس تقريبا السبب علشان مفيش منها 2014
انا طول عمري بحب العربية دي وبشكر فيها ورأيي القاطع انها اثبت عربية كوري على الطريق واثبت من عربيات ياباني زي التيدا والصني والكورولا (لحد 2013)... وانا فعلا مش لاقي سبب لتجاهل الناس ليها، زي بالظبط ما انا مش لاقي سبب ان الناس لسة مصممة تحط الشارك في مقارنات مع عربيات اقل منها بمراحل زي الياريس والريو وما شابه!!
انا لو فكرت في كوري الكروز هتكون على رأس القايمة بصراحة...
عشان اللي بيقارن بيحدد فئة سعرية فلما واحد بيقول انا محتار مثلاً بين الفلوينس توب لاين والنيو سيراتو هايلاين سعرهم بيوصل للـ200 الف لكل وحدة وكدا مينفعش ندخل الكروز
إلا في حاجة لو بتقارن بين فئات اوليه كدا ممكن يعني اللي بيقارن هنا بتكون المقارنة حسب الفئة السعرية والكروز تتقارن مع الشارك عادي
الكروز عربية جميلة ...ولكن موتور ضعيف شيئا ما على البودى...اعتقد ان اقل موتور مناسب لها 1800 سى سى