هل كابل عداد السرعة هو نفسه بتاع عداد الكيلومترات؟

**thegoodhacker** · 24-09-2008 11:59 PM

بعد ما خلصت شغل العفشة و روحت بيتي بسرعة علشان الحق الفطار ....... المهم في اخر مشواري لقيت ان عداد السرعة مش شغال و كمان عداد الكيلومترات .......... بصيت في حوض العربية لقيت كابل عداد واحد فقط مفكوك و مش متوصل في مكانه و حاولت الاقي مكان توصيله بس للاسف ما عرفتش....... وطبعا كده حاضطر اروح للبيه بتاع العفشة تاني علشان يخلص شغله صح .......... للاسف لما الواحد بيروح يصلح حاجة في العربية لازم حاجة تانية تبوظ ........ حاجة تقرف الصراحة !!
المهم هل هذا الكابل بيبقي مسئول عن قياس السرعة و عد الكيلومترات في نفس الوقت ؟ ولا فيه كابل تاني مفكوك ؟

**mrghost** · 25-09-2008 12:10 AM

ياباشا هم الاثنين ليهم كابل واحد فقط (سلك السرعه ) وده ممكن يكون الميكانيكى فكه من الفتيس ونسى يركبه وتركيبه سهل اوى خلى اى ميكانيكى يركبهولك

**thegoodhacker** · 25-09-2008 12:18 AM

الف شكر علي الرد ........ بس زي ما قلت في موضوعي انا كنت باعمل شغل في العفشة ايه اللي يخلي العفشجي يقرب من سلك السرعة طالما ده متوصل في الجيربوكس زي ما انت بتقول ؟
وفعلا انا لقيت كابل متصل بالجيربوكس من ناحية و من الناحية الاخري واقع علي الارض ........ يبقي الكابل ده المفروض انه يتوصل بالكابل التاني اللي رايح علي العداد ولا مالوش علاقة بيه ؟

**maka** · 25-09-2008 02:05 AM

الكابل ده مدور ولونه اسود وجوه سللك سوسته متوقعش انه يتربط

والسلك بيتربط بالجير بوكس بصمولة مسكة في السلك(عمله زى

وصلة المياه اللى تحت الحوض) وربطها سهل جدا انا بربطها

بايدى وحضرتك لو ركزت هتلاقى مكانه بسهولة وانا فى الخدمة

لاى استفسار