المواصفات القياسية المصرية عند شراء العربية
لقيت أسس إختيار العربية فمصر مختلف شوية عن باقي العالم
في حاجات مشتركة مع بقية الدول و حاجات تانية انفرد بيها المجتمع المصري
على سبيل المثال
أول حاجة
أرتفاع السيارة:
تلاقي الموضوع ده محوري بالنسبة للمشتري في مصر
لازم تكون العربية 14 سم على القل من الأرض تحسبا لمطب من بتوع الأهالي أو بلاعة طالعة لفوق
رغم إن في كل دول العالم المطب إرتفاعه من 7-10 سم يعني اي عربية المفروض تقدر تمشي من غير اي مشكلة
تاني حاجة
الحليات: في مصر لازم الحليات تكون أقل ما يمكن و مش بارزة عشان ولاد الحلال هيسرقوها أو هيكسروها
تالت حاجة
إموبيلايزر: ده بقى حاجة ضرورية في ظل الإنفلات الأمني
و كلنا شفنا اصحاب الإلنترا بيعانوا إزاي
رابع حاجة:
الطاسة تبقى راكبة بمسامير حلية مش كبس عشان متتسرقش بسهولة
خامس حاجة:
أريال كهرباء عشان ميتسرقش
عشان برضه ولاد الحلال هيحاولوا يسرقوا لو معرفوش هيكسروه
سادس حاجة:
جهاز إنذار
صحيح الإموبيلايزر هيمنع سرقة العربية نفسها لكن الإنذار برضه مهم عشان محتويات العربية متتسرقش
سابع حاجة:
حساسات ركن
عشان الخوابير المزروعة في شوارع المحروسة بغرض حجز مكان للركن
ثامن حاجة:
عربية بوكيل محترم
عشان مش كل التوكيلات كويسة
و في عربيات وقعت بسبب توكيلاتها و مثال على ذلك الأوبل اللي توكيلها جايبها الأرض
دول اللي جم فدماغي لو حد عنده إضافة يا ريت يشارك :b4_592:
