الموضوع: سؤال ومحتاج إجابة .. أرش الشنطة و الكبوت و لا لأ ؟

شوف يا استاذ / تامر

أنا شخصيا باعمل اللي يريحني مش اللي يريح الناس
مش ممكن أطيق أن عربيتي يكون فيها خدش أو خبطة و لو كلفني الامر أني أرشها كل سنة للنظافة

موضوع أصل العربية رشة ده كلام تجار علشان ينزلوا في سعرها في حين أنك لما بتروح تشتري عربية من تاجر أو معرض بتكون العربية مقلوبة و ممكن تكون نصين و تنخدع فيها و تشتريها باعلي من سعرها

يا باشا عيش حياتك و أستمتع بعربيتك و لما تحب تبيعها أطلب فيها السعر اللي أنت عايزه بقلب جامد طالما أن الشاسيه سليم و الموتور بحالة كويسة و اللي مش عاجبه عنده السوق يلف فيه براحته

المشاركة الأصلية كتبت بواسطة monamize4

يا جماعة هو انتوا عايشين برا مصر ؟!!!!!!!!!!!!!

طبعا العربية الفابريكة بتتباع اغلى من اللى راشة
اعتقد اللى يقول غير كدة يبقى مالوش تجارب ف سوق العربيات المستعملة
اعلى سعر بيكون للفابريكة بالكامل بعديه اللى راشة اكصدامين بعديه اللى راشة باب او رفرف
بعدية اللى راشة كبوت او شنطة بعديه اللى راشة سقف بعديه اللى راشة دواخل

طبعا نظام مش مظبوط لان ممكن حد يعمل حادثة و يغير باب او كبوت بواحد تانى استيراد مش مرشوش
لكن when in rome ,,, و القواعد دى بتطبق ع البايع و المشترى

رأى الشخصى ماترشش حاجة و سيب العربية زى ما هى
سيبك من حوار ان تمنها ينزل لما تيجى تبيع ,, انت عايز ترش عشان تدارى الخدوش
طب و لو حد خدشها من اول الرفرف الامامى لحد الشنطة هتعمل ايه ؟هترشها كلها ,, طب و لو اتخدشت تانى ؟ هترش تانى ؟
http://www.nilemotors.net/nile/317555-a.html

يا جماعة ممكن حد يفهمني يعني ايه كلمة فابريكة ..هتقولولي حالة المصنع.....وهل تعتقد ان عربية في مصر ممكن تبقى بحالة المصنع(مع افتراض ان المصنع ده ثقة وامين ومش بيلعب في العربيات زي حبيبنا غبور) لمدة اربع او خمس سنوات...في الحالة ديه لازم الهربية متخرجش بره الجراش نهائي ...وده مش ممكن طبعا...اذن كلمة فابريكة غير دقيقية ....الدقيق هو ان احنا نقول حالة الفابريقة او بحالة الزيرو....
باختصار....لا يعيب اي سيارة انها ترش من بره طالما الشاسية والموتور سلام ..كما افاد م. سمير
والدليل على كده ان عربيتي وانا برخصها واحد شافها تبع معرض وعرض علي البيع الفوري ...رغم ان العربية مش فابريكة ورشة بره كلها ..وعاملة 160 الف ...ومش كده وبس ..وقال انه هيفك حظرها بنفسه ..
تحياتي

المشاركة الأصلية كتبت بواسطة mohamedrabia

يا فندم اي رش او تعديل طبعا بيعيب العربيه وبيقلل من تمنها في السوق .... يعني حضرتك مش هتشتري عربيه فابريكة بالكامل بره وجوه بنفس سعر عربيه رشه بره حتي لو بعض الاجزاء او مغيرة زي ما حضرتك بتقول

يا فندم انا بتكلم على الرش الخارجي فقط...لكن طبعا لو رشة دواخل يبقى بلاش منها ..لكن اؤكدلك ان الرش الخارج او تغيير باب او رفرف (بشرط ان يكون الاصلي) لا يقلل من سعر العربية بل بالعكس ممكن يكون التعديل افضل من التقفيل المصري بتاع غبور مثلا اللي محتاج تراجع وراه العربية بعد ما تشتريها(مش عارف هيونداي ساكته على الموضوع دخ ازاي)وعن تجربة في سيارتين... وخذ مثال البي ام في الخرفيين ..شوف بيتعمل فيها ايه وبتتباع بكام بعد كده

تحياتي

والله ياجماعة أنا اسف على الخلاف اللى حصل ده كله
بس برضه أنا رأيى من رأى الأستاذ سمير والأخوة
فيها ايه ان العربية راشة يعنى .. أنا الولد جابهالى
بالمفتاح كلها من ورى لقدام بلا رحمة ... وبكل غل
الواحد بيكره الشكل المتلخبط وأنا بحب حاجتى يكون
شكلها كويس ....
ربنا يعمل اللى فيه الخير
هصورلكم عربيتى وعايز رأيكم أعمل ايه فيها؟؟؟؟