سؤال ومحتاج إجابة .. أرش الشنطة و الكبوت و لا لأ ؟

**تامر راغب** · 19-01-2014 02:20 AM

السلام عليكم ورحمة الله وبركاته ....
ليا سؤال يبدو انه غير طبيعى ..
أنا عربيتى ماتريكس أوتوماتيك 2009 ..
وعندى خرابيش على الكبوت والشنطة فيها خربوشتين حلوين
من واحد ابن حلال غلاوى
وبصراحة شكلهم قارفنى قوى ومعكننى
سؤالى بقى ...
ايه اللى يعيب العربية لو فكرت انى أرش شنطة وكبوت نظرا لأنى كل
ماأروح لبتاع دهان علشان يسرق الخرابيش يقوللى هتبان رشها كلها
أحسن ...!!

لو عملت كدة ايه المشكلة ...؟
وياترى ده يبوظ بيعها بعد كدة ؟؟؟؟ طب ليه ؟؟؟
طيب أصورها قبل ماأدهنها علشان أوريها للى هيشتريها ؟؟؟؟
والا أعمل ايه ؟؟؟
ممكن حد يدلنى بالله عليكم ؟؟؟

اه وليه الناس بتوافق انهم يشتروا عربية رشة جانبين نظافة وبيرفضوا رش الكبوت والشنطة ؟؟؟
ماهى ممكن تكون عاملة حادثة من الجنب برضه والا إيه ؟؟؟؟؟؟؟؟

**ayam7** · 19-01-2014 05:20 AM

يا استاذ تامر انا مش معاك انك ترش عشان شوية خرابيش لان العربية بتترش من هنا وتتجرح تانى من هنا ولو مضيقينك منظرهم ممكن تلصق إستيكر عليهم وفيه كمان المشمع اللى نازل جديد ولو هترشهم متحطش فى بالك البيع وعيش وتعايش

**تامر راغب** · 19-01-2014 12:21 PM

شكرا ياأستاذ أيمن على اهتمامك
بس أنا سؤالى ليه بينفع نرش الجنبين
وليه مستحيل نرش شنطة وكبوت وسقف ...؟
ماهما برضه جزء من العربية ...
أنا فعلا فكرت فى الأستيكرز لكن شفت كام عربية كدة ماعجبنيش
وسعرهم كمان غالى على الفاضى

**alpoka779** · 19-01-2014 01:31 PM

يا باشا عادي انك ترش كبوت وشنطه من الخارج المشكله في داخل الحوض او الشنطه وبعدين افرض رشيت النهارده واتجرحت بكره هتعمل ايه

**mummy_47** · 19-01-2014 02:38 PM

المشاركة الأصلية كتبت بواسطة تامر راغب

شكرا ياأستاذ أيمن على اهتمامك
بس أنا سؤالى ليه بينفع نرش الجنبين
وليه مستحيل نرش شنطة وكبوت وسقف ...؟
ماهما برضه جزء من العربية ...
أنا فعلا فكرت فى الأستيكرز لكن شفت كام عربية كدة ماعجبنيش
وسعرهم كمان غالى على الفاضى

ديه راجعة لثقافة الشعب اللي بيتعبر العربية اللي ترش سقف (معيوبة) قال يعني ممكن تكون اتقلبت في حين انه ممكن يشتري عربية bmw نصين متركبين في الحرفين بمبلغ 300 الف وميقلوش كلمة (معيوبة)....رش زي ما انت عايز وعيش وسيبك من كلام الناس...انا لما جيت ابيع عربيتي ..كنت باقول للناس...اتفرج زي ما انت عايز واعتبر العربية رشة كامل عشان اشتري دماغي ...لو عجبك شيل..مش عجبك سيبها....وجالها اللي يقدرها ويدفع الثمن اللي طلبته ...
متقلقش كل عربيات مصر لازم تكون رشة على الاقل مرة واحدة

**alpoka779** · 19-01-2014 04:31 PM

انا فعلا لما بعت عربيتي قلت للمشتري اتفرج زي مانت عاوز وبعدين قولي السعر ومنزلتش جنيه عن السعر الي كنت مقرره

**كريم kok** · 19-01-2014 08:14 PM

اكيد رش العربيه هيقلل من سعرها

**mummy_47** · 20-01-2014 09:05 AM

المشاركة الأصلية كتبت بواسطة كريم kok

اكيد رش العربيه هيقلل من سعرها

اكيد لأ وعن تجربة

**mummy_47** · 20-01-2014 09:28 AM

يا جماعة....التعديلات الخارجية بالسيارة لا تعيبها اطلاقا..يعني تغيير باب -كبوت-رفرف ....رش خارجي -عمل سمكرة خارجية ...ما يعيب السيارة هو اي تعديلات داخلية او رش داخلي فقططط ....يا ريت نغيير من ثقافتنا شوية اللي بنفترض اني عربية عمرها 5 او 10 سنين ممكن تفضل بحالتها بدون خربوش ....او ان العربية الافضل هي الفابريكة مش حالة الفابريكة مع ان الفابريكة ممكن يكون فيها اخطاء كثيرة ..وابقى اسال توكيل غبور على الفبريكة ...
عزيزي المواطن...احترس ...انت في مصر
ودمتم..فينك يا اخ saddam

**تامر راغب** · 20-01-2014 07:51 PM

والله ياجماعة انتوا أخجلتونى بعطفكم وردكم
أنا كمان شايف انه مفيهاش مشكلة رش شنطة وسقف وكبوت
عادى جدا ان البوية أصلا تقشر
أو اللون يتغير أو تتجرح
مش لازم يعنى تكون قلبت قبل كدة
والله فعلا يا أ/ Mummy لازم نغير ثقافتنا
ويكون الحل انك تكشف على العربية على حالتها