الموضوع: تعالوا نتعلم English [حفظ كلمات] #10

المشاركة الأصلية كتبت بواسطة shikh_khaled

والله - وتالله - وبالله - أحبك في الله يا أبا ءاسر

شرف لي متابعة موضوع حضرتك القيّم

حضرتك قبل ما أكتب تلك المشاركة بقليل كنت بانزل ملفات يومي الجمعة والسبت

وباشوف الترجمة في جوجل والإستخدامات العديدة للكلمة سواء اسم أو فعل أو صفة أو حال أو حرف جر لغير ذلك

وفعلا استفدت جدا وتذكرت كلمات ممكن أكون نسيتها مع عدم استعمالها

- وأرى أن هناك بعض الزملاء الأفاضل على متابعة ايضا للموضوع

وكان هناك اتصال بيني وبين أحد الأعضاء المحترمين وعندما ذكرت له موضوع حضرتك كان هناك سعادة غامرة بالموضوع ومتابعة له أيضا

وفقك الله لكل خير ويسر لك وشرح صدرك وغفر ذنبك وزودك التقوى

وصلِّ اللهم وسلم على الحبيب محمد وءاله أجمعين

أحبك الله الذي أحببتني من أجله يا شيخ خالد
وأسأل الله أن أكون عند حسن ظن إخواني بي
وأنا عارف إن في ناس متابعين وممكن يكونوا مش مسجلين في المنتدى كمان بس للأسف العدد قليل جدا ومخيب للظن وده بعرفه من إحصائيات تحميل الملفات
نفسي ألاقي تفاعل من المصريين في الأمور المفيدة والنافعة بدل من تضييع الأوقات فيما لا يجدي ولا يفيد خاصة إن موضوع اللغة دلوقتي أصبح ضرورة ملحة مبقاش رفاهية أو شيء ثانوي لكن للأسف لو واحد عمل موضوع بيتكلم في السياسة هتلاقي ألف مشاركة و10 آلاف مشاهدة و50 ألف لايك وكل واحد هيطلع الخبير السياسي اللي جواه
البلد بقى حالها محزن أوي شغلونا بأنفسنا وفرقوا شملنا وقاعدين دلوقتي يضحكوا علينا للركب وحسبنا الله ونعم الوكيل في كل من كان السبب في ذلك