سوء سلوك بعض الناس في دبي

**Secret-Man** · 19-01-2014 11:02 AM

للاسف المدينه ديه ابتديت اكره ناسها جدا وبالاخص المغتربين قبل المواطنين

اكتر من بنت معايا فى الشركه بتشتكى من الموضوع ده كتير كل ماتروح اى مكان حكومى او مكان عام تخلص اجراء او اى مصلحه شخصيه لورق او اقامه او غيره تتفاجىء ان واحد مش محترم وللاسف اغلبهم مصرين يساومها عن نفسها علشان يخلصلها خدمتها والموقف سمعته اكتر من مره من اكتر من شخص

لدرجه بقول هو خلاص الناس بقت عايشه كده ازاى ؟ فعايز افهم هل ده طبيعى ولا ايه ؟

الناس نسيوا ربنا كده ليه ؟ وبقا كل مكان فيه معاصى وذنوب ليل ونهار لما الناس المحترمه تعبت ومبقتش لقيا مكان كويس تعيش فيه

اللهم ارحمنا جميعا من هذا العبث

**محمد يوسف** · 19-01-2014 11:05 AM

موضوع غريب وعنوان غير لائق

**nodey** · 19-01-2014 11:23 AM

الموضع له مقصد شبه سياسي بعد نشر تركيا مواضيع شبيه عن فساد اخلاقي ورشاوي جنسية في الامارات
ربنا يرحمنا برحمته

**mesaharaty** · 19-01-2014 11:40 AM

صديقى
لا يمكن أن تلصق هذه الآفة اللعينة بإسم مدينة معينة ولا بمجتمع معين أو شعب معين ... صوابعك مش زى بعضها ابدا ولا يمكنك أن تقول إن هذه المدينة التى حدودها الشرقية كذا وحدودها الغربية كذا هى مدينة صفاتها ............ .هذا يستحيل .
وبالتالى فالآفات البشرية متوغلة ومتشابكة فى كل أنواع المجتمعات والثقافات وكل ثقافة تختلف عن الآخرى فى مدى مشروعية أو عدم مشروعية تلك الآفة من عدمه (كل مجتمع له وجهة نظر للتصرفات تختلف عن الأخر ... فما تراه فى مجتمع ما عيبا قد تراه فى مجتمع آخر عاديا ومقبولا وما تراه فى مجتمع ما خليعا قد تراه فى مجتمع آخر شيئا عاديا والعكس) .
وأود أن أضيف أن كل مجتمع وفيه عيوبه وعوراته اللى مكفياه . ولا يمكنك أن تخص مكان ما بصفة معينة .

**limo81** · 19-01-2014 11:51 AM

انا اقول اللى شفته بعينى :دبى بالذات منفتحه اكثر من اللازم والحاجات دى كلها مسموح بيها ومرخصه
الله اعلم ده تقرب للغرب مقابل ان دبى تبقى مركز عالمى فى أى مجال (دلوقتى أى شركه او مؤسسه تلاقى فرع او مكتب رئيسى فى دبى) أو امريكا - اوروبا هم اللى اشترطوا كده , غسيل أموال وبلاوى تانيه الله اعلم

أنا كان نفسى من زمان أروحها, لكن للأسف لما رحت يومين تبع الشغل والله العظيم بقيت مش مصدق اللى شايفه سواء بغاء, مخنثين بيعرضوا نفسهم عليك علنى كده .

والله هما ساعتين وقرفت م البلد دى, وكنت عايز ارجع.

احنا بلدنا والله اجدع ناس واحسن بلد (حضاره وتاريخ) بس ربنا يهدى ويصلح حال الناس واصحاب القرار والناس تشتغل بجد
عندهم الفسح مولات وحدائق فقط والتاريخ بدايتهم اواخر الستينات, أنا صعبت علي نفسى و بلدى ان عندنا كل التاريخ ده والثروات دى .................وكل الحراميه دى

عافنا الله واياكم وحفظ مصر والعرب.

**Secret-Man** · 19-01-2014 11:55 AM

انتو قلبتو الموضوع سياسى ليه ياريت نبطل التخوين والاسلوب الغريب ده فى المناقشه

انا بحكى واقع وياريت الى يتكلم يكون راح الاول علشان يعرف كلامى معناه ايه وانا بحب الامارات جدا وشغلى كله فيها ونقلت شركتى من مصر ليها بسبب حبى للبلد وشعبها

ولكن للاسف انا بنقض مشكله اخلاقيه فى المدينه ديه بالتحديد لان عجمان وابو ظبى وباقى الامارات المواضيع ديه قليله فيها جدا

وانتقاضى لانه مجتمع عربى مسلم للاسف

**Secret-Man** · 19-01-2014 11:57 AM

المشاركة الأصلية كتبت بواسطة limo81

انا اقول اللى شفته بعينى :دبى بالذات منفتحه اكثر من اللازم والحاجات دى كلها مسموح بيها ومرخصه
الله اعلم ده تقرب للغرب مقابل ان دبى تبقى مركز عالمى فى أى مجال (دلوقتى أى شركه او مؤسسه تلاقى فرع او مكتب رئيسى فى دبى) أو امريكا - اوروبا هم اللى اشترطوا كده , غسيل أموال وبلاوى تانيه الله اعلم

أنا كان نفسى من زمان أروحها, لكن للأسف لما رحت يومين تبع الشغل والله العظيم بقيت مش مصدق اللى شايفه سواء بغاء, مخنثين بيعرضوا نفسهم عليك علنى كده .

والله هما ساعتين وقرفت م البلد دى, وكنت عايز ارجع.

احنا بلدنا والله اجدع ناس واحسن بلد (حضاره وتاريخ) بس ربنا يهدى ويصلح حال الناس واصحاب القرار والناس تشتغل بجد
عندهم الفسح مولات وحدائق فقط والتاريخ بدايتهم اواخر الستينات, أنا صعبت علي نفسى و بلدى ان عندنا كل التاريخ ده والثروات دى .................وكل الحراميه دى

عافنا الله واياكم وحفظ مصر والعرب.

بالزبط الى بتحكيه ده الى اقصده فعلا لان الواحد تعب من كل حاجه بقت شمال اوى