الموضوع: تجربتى المريرة فى الشراء من الانترنت

النهاردة قررت اخيراً السفر للقاهرة وحجزت من امبارح فى اسرع قطار مباشر عندنا بيقوم الساعة 8 والمفروض يوصل الساعة 10.15 لكن وصل 11.30 علشان كان بيهدى عند كل مزلقان ويستنى عامل المزلقان يقفله ... بعد ما وصلت اخذتها جرى علشان الحق ووصلت مبنى البريد وقالولى الطرود فى الدور الرابع ورحت الرابع قالولى هات رقم المحجوزات وارجعلنا المهم كتبولى جواب للجهاز القومى لتنظيم الاتصالات وادونى الكتالوج بتاع الجهاز وقالولى روح هات موافقة الجهاز القومى فى مدينة نصر علشان الجمرك طالبها ونزلت طيارة واخذت تاكسى لحد هناك واخذت رقم وبعدها قابلنى المسئول وقالى لالالالا اى جهاز جى بى اس تراكر ممنوع دخوله مصر ومش مصرح غير للشركة المصرية لخدمات التتبع بس بأستيراده وتشغيله بأشتراك شهرى وعن طريق شركات الاتصالات الثلاثة ... قلت له دى البلد مليانة منه ؟؟ قالى ده مش بيجى البلد بشكل شرعى وان الجهاز لا يسمح به اطلاقاً ... وقالى انتظر شويه علشان تاخد جواب بالرفض وبعد نصف ساعة اخذت الجواب مكتوب فيه لايسمح بدخوله الى البلاد اطلاقاً ومختوم بختم النسر وطيارة على البريد فى رمسيس وصلت الساعة 1.40 لقيت الموظفين كلهم ماشيين وبالعافية لحقت الموظفة اللى قابلتها الصبح وقالتلى انها هتعمل اعادة التصدير لان غير كده كان هيتعدم .
الغريب ان البلد مليانة اجهزة جى بى اس ومليانه مفرقعات لعب اطفال وصواريخ وبلاوى و ييجوا على جهاز بيحد من سرقة السيارات ويبقى ممنوع ....
توبة انى انسى تانى انى فى مصر ...
وشكراً

المشاركة الأصلية كتبت بواسطة damasry

معلش يا فندم بس هو مكتب رمسيس ده وحش جدا بخصوص التعامل خصوصا بتوع الجمارك فيه وابسط حاجة عندهم هات لنا موافقة جهة العرض.

دورتلك على اى نمرة لقيت نمرة مكتب مدير عام خدمة الطرود الخارجية على تليفون 5746063(02) حاول تكلمه وتقوله مشكلتك وشوف ها يقدر يساعدك ولا لأ.

سؤال يا زعيم انت جبت الجهاز بكام ومن انهى تاجر على aliexpress ياريت لينك.


اعتقد ده موديل tk103a

الف شكر على تعبك فى البحث على رقم التليفون
الموقع اسمه dhgate ومش هينفع احط لينك علشان ده مخالف لقوانين المنتدى
الموديل tk 103 b وليس a لان الموديل b له ريموت وa بدون ريموت