الموضوع: متى يستقيظ رجال الاعمال الناجحين

أنا لأول مرة منذ سنوات عديدة صحيت النهاردة الساعة 4 فجرا بعد نوم عميق من امبارح
عايز أقولكم إن الساعة دلوقتي 1 الضهر تقريبا وحاسس إني صاحي من وقت طويييييل وأنجزت حاجات كتييييييير جداااا
صحيت خدت دش وصليت ركعتين قبل الفجر وبعدين صليت الفجر وعملت فطار وفطرت وقرأت في المصحف وقرأت في كتاب تاريخي وفتحت نايل موتورز رديت على المواضيع والرسائل والفيس بوك وبعدين لبست ونزلت الساعة 8.40 رحت البنك وبعدين روحت اشتريت طلبات من السوبر ماركت وجيت اتمشيت على المشاية الكهرباء أكتر من نص ساعة وبعدين أكلت تاني مع الأولاد لما صحيوا وقعدت على الكمبيوتر شوية وبعدين نزلت صليت الضهر وجيت وكل ده والساعة لسة 1 !!!
بصراحة فعلا حسيت ببركة في الوقت وصدق النبي الصادق صلى الله عليه وسلم الذي استجاب له ربه عندما دعا: (اللهم بارك لأمتي في بكورها)
أما ليه احنا وصلنا للي احنا فيه من تخلف وقلة بركة وضيق رزق فبسبب إننا بنفتح محلاتنا بعد الضهر وبنقفل الساعة 2 بالليل وننام قبل الفجر ومنصليش الفجر ونصحى الضهر فمن أين يأتي الرزق ومن أين تأتي البركة ؟!