استفسار مهم جدا حول طقة فى المطبات بيجو 301

**Ahmed Amin** · 25-01-2014 03:07 AM

المشاركة الأصلية كتبت بواسطة m.basha

السلام عليكم كنت عرضت الموضوع قبل كده انى عندى مع المطبات صوت زى دبة فى الجانب الايسر و اعتقد انى مش بسمعه غير فى الجنب ده يعنى اليمين مافيش الصوت ده كان الاعضاء قالولى ده تربيط عفشة بس انا حاسس ان الصوت زاد شويه يعنى قبل كده مش كل المطبات كان بيبان فيه دلوقتى ساعات بسمع الصوت لو داخل على مطب صناعى بسرعة شويه و يدوب اهدى اول ما اوصل للمطب بسمع الصوت بتاع الدبة دى اول ما الكاوتش يلمس المطب ده غير انى قولت ان الصوت بيبان فى المطبات الغويطة شويه برجاء الافادة استنى لحد ميعاد الصيانة ال 2500 و لا اروح التوكيل دلوقتى مع العلم ان عربيتى عامل بيها لحد دلوقتى حوالى 1600 كيلو ياريت التوضيح من الاعضاء المحترمين و خصوصا منسق القسم الاستاذ احمد امين و طبعا انا عارف ان كلكم ما تتخيروش عنه فى الخبرة و الذوق و شكرا

أهلا بيك يا باشا, وأسف علي التأخير في الرد,,
اللي عندك زي ما الأعضاء قالولك هوا تربيط عفشة بس مش أكتر,
ومش محتاج منك أنك تروح قبل صيانة ال ٢٥٠٠
أنت ممكن تمشي بالعرببة ٣٠ ألف كيلو و أكتر من غير ما تعمل أي تربيط ولا شغل في العفشة.

وصيانة ال ٢٥٠٠ أتعملت عشان يبقي فيه فحص علي العربية من ناحية السوائل ويشوفو لو مسجلة أخطاء وتربيط العفشة ومفصلات الأبواب ويشوفو لو عندك أي ملاحظات علي العربية.
و٢٥٠٠ مش مسافة كبيرة ومعقولة جداً لأنك لو روحت قبلها ممكن متكونش لحقت تعرف كل ملاحظاتك اللي هتسئلهم فيها.

الصوت بقي لو جاي من الحانب شمال فوق هيكون تربيط علي البطاحات,
ولو الصوت من تحت هيكون تربيط علي البيض,,

ولما تعمل صيانتك أبقي طمنا عملت أيه, وعرفنا أنطباعك بعد أول صيانة مجانية للعربية.

**Ahmed Amin** · 25-01-2014 03:27 AM

المشاركة الأصلية كتبت بواسطة m.basha

متشكر يا ابو حميد على الرد بس كان فى استاذ قال ان عنده نفس المشكلة و كان ربط عفشة و الصوت برضه ما رحش لسه موجود فهل ممكن يكون مالوش علاقة بتربيط العفشة

الوصف اللي عندك دا تربيط عفشة.
مش عارف مين الأستاذ التاني اللي تقصده, بس الوصف اللي عندك دا تربيط عفشة وممكن هوا وصفة كان زيك بس اللي عنده غير اللي عندك.
ولما تعمل صيانتك هنشوف ساعتها إذا كانت تربيط عفشة ولا حاجة تانية.

أنت عامل كام كيلو لدلوقتي

**mamando** · 26-01-2014 01:16 AM

المشاركة الأصلية كتبت بواسطة ahmed amin

الوصف اللي عندك دا تربيط عفشة.
مش عارف مين الأستاذ التاني اللي تقصده, بس الوصف اللي عندك دا تربيط عفشة وممكن هوا وصفة كان زيك بس اللي عنده غير اللي عندك.
ولما تعمل صيانتك هنشوف ساعتها إذا كانت تربيط عفشة ولا حاجة تانية.

أنت عامل كام كيلو لدلوقتي

انا يا استاذ احمد اللى عندى نفس المشكلة وللاسف روحت التوكيل كذا مرة عشان المشاكل اللى عندى ومتحلتش

دلوقتى المشاكل اللى عندى:
صوت طقة العفشة ( ربطوا عفشة وزى الاول )
صوت تكة وانا طالع بالعربية شبه صوت الكوبلن بس هى مش كبالن ( ربطوا بعض الاماكن وزى الاول )
تسريب الزيت من عند مسامير غطاء الماتور ( ربطوا المسامير وغيروا 2 جوان وبرضوا زى الاول )

ياريت حد يفيدنى ويقولى اعمل ايه عشان زهقت

**Akram.Gamal** · 26-01-2014 02:07 AM

المشاركة الأصلية كتبت بواسطة mamando

انا يا استاذ احمد اللى عندى نفس المشكلة وللاسف روحت التوكيل كذا مرة عشان المشاكل اللى عندى ومتحلتش

دلوقتى المشاكل اللى عندى:
صوت طقة العفشة ( ربطوا عفشة وزى الاول )
صوت تكة وانا طالع بالعربية شبه صوت الكوبلن بس هى مش كبالن ( ربطوا بعض الاماكن وزى الاول )
تسريب الزيت من عند مسامير غطاء الماتور ( ربطوا المسامير وغيروا 2 جوان وبرضوا زى الاول )

ياريت حد يفيدنى ويقولى اعمل ايه عشان زهقت

انت اول مره تحكى ان الموضوع معاك فيه تطورات
وبعد كل التربيط ده زي الاول بدون اي تغيير ؟؟
طب ظهر عندك حاجه جديده ولا لا؟؟

**amgomaa** · 26-01-2014 02:51 AM

العربيه لسه جديده اتقلوا شويا تكمل 5000 كم و تلين و هتبقى زى الفل ان شاء الله

Sent from my GT-S5282 using Forum Runner

**sisco** · 28-01-2014 05:34 PM

الاستاذ احمد منسق قسم بيجو انا كمان كتبت قبل كده ان انا كمان عندى نفس صوت الطقة دى بسمعها وانا ماشى هادى بالعربية او داخل على مطب وعربيتى عاملة 1800 كيلو وقلقان بصراحة من الموضوع هل دى مشكلة عامة فى ال 301 . ارجو الافادة

**eng_alaaali440** · 29-01-2014 04:45 PM

بسم الله الرحمن الرحيم . الحمد لله استلمت من حوالى 10 ايام وعامل بالعربية حوالى 1400 كيلو متر انا هلخص ملاحظات على العربية بشكل عام .
1- العربية كان بها صوت هبدة فى المطبات ولكن بعد ضبط الكاوتش على 32 اصبح الهبدة قليلة
2- موضوع النتشة الى فى الفتيس دى صحيحه ولكن محتاجة تكون رجلك على الفرامل ودواسة البنزين مضبوطة مش تخنق العربية وفى الحالة دى مش هتحس بالنتشة
3- سحب العربية كويس واستهلاكها للبنزين طبيعى ولكن فى حالة التعامل مع الغيارات والسرعات بشكل طبيعى وبدون الحرق على الغيارات والسرعات العالية.
4- ثبات العربية جيد ولكن مش ممتاز فى كل الأحوال وعلى فكرة انا كنت راكب شيفرولية لانوس قبل كده.
5- انا جربتها على السرعات كلها لحد 180 كم وهى مشاء الله سحب العربية كويس.
6- بالنسبة لموضوع رشح الزيت كان عندى رشحة خفيفة حوالين غطاء الزيت العلوى وده بعد 500 كم ولكن نشفت التبخير ده وضغط على الغطاء شوية وقفلته وبتابعها لحد دلوقتى ولكن الحمد لله مارشحتش زيت تانى.
7- صوت الموتور عالى فعلا" ولكن عند بداية التشغيل وغالبا" علشان يساعد على سرعة تسخين دورة الموتور.
8- بعد السير بمسافة طويلة صوت الموتور بيبتدى يهدى شوية.
9- كان فى اعضاء سابقين اتكلمو على موضوع دخول هواء سخن من فتحات التكييف وده خوفنى شوية ولكن المشكلة كانت انهم مش بيشغلو الزرار الخاص بأعادة تدوير الهواء داخل العربية.

الملحوظة:
عند تجربة الزرار الخاص بالقيادة الرياضية على الطريق (s) لايوجد اى زيادة فى معدل السرعة او احساس بالتغيير علما" بأن أعضاء اخرين قد تكلمو فى موضوع أن هناك صوت يجعلك تشعر بأن الأسد الفرنسى يزأر . وهذه الملحوظة سوف أذكرها عند الذهاب لصيانة 2500كم قريبا" انشاء الله.
اسف لأطالة وارجو التوفيق لجميع الأعضاء وارجو منكم الدعاء . والسلام عليكم ورحمة الله وبركاته