السلام عليكم ورحمه الله وبركاته
انشاء الله انا رايح عمره الشهر ال جاى وهنزل الاول فى مكه وبعدين المدينه وعاوز اعرف احسن الاماكن ال فيها حاجات ممكن اشتريها زى الموبيلات وحاجات كمبيوتر وكده عشان انا اول مره اروح
وعاوز اعرف برده فين سوق الحاجات اليوسد ال هناك جايز الاقى حاجه حالتها حلوه برده
اتمنى كل من لديه معلومه يقولهالى ولكم كل الشكر
اولا تقبل الله منا ومنكم صالح الاعمال وأسأل الله لك التوفيق والقبول
ثانيا لو رايح ومش محدد انت عايز ايه بالظبط يبقى هتوه وهتدفع كل اللى حيلتك وممكن متلاقيش اللى انت عايزه
لازم تفكر وتحدد انت عايز ايه بالظبط وسعره هنا كام ( وطبعا هنا بالضمان وهناك هيبقى من غير)
ثانيا لو رايح مكة الاول هيبقى كويس على اساس انك تخلص المناسك وتشترى اللى انت عايزه من المدينة او من جده وده افضل لان الغش والمضروب فى مكة بالعبيط والنصب للدجى
قصة مستعمل من السعودية منصحكش بيها لان ممكن تتدبس بسهوله فى حاجه ومش هتعرف ترجعها وعلى سبيل المثال لا الحصر انا فى 2007 اشتريت 3 يو اس بيز من هناك وجربت التلاته عند ابن خالتى وكلهم بايظين يعنى اشتريت واحده ورجعتها واشتريت التانية ورجعتها واشتريت التالته وبرضه رجعتها وفى الاخر جبتها من مصر لما رجعت
وطبعا الموبايلات حدث ولا حرج بتشترى ولما ييجى هنا تلاقى الدنيا باظت خالص ودى مش دايما بس بتحصل فليه تغامر وكمان بمستعمل
دى مجرد نصيحة ومن خلال تجارب شخصية واسرية
فلو ناوى تشترى من هناك يبقى من جده او المدينة ومن مول محترم وحاجه جديدة بكارتونتها ومش مفتوحة وربنا يوفق
متشكر يا باشا ربنا يخليك
اولا عمره مقبوله ان شاء الله ,,
ثانياُ منصحكش تشترى حاجه من مكه لان التجار هناك نصهم نصابين والنص التانى غشاشين :d
عند الحرم هتلاقى عربيات ملاكى بتروح جده ب 15 ريال هاتنزل الاخر منطقه اسمها موقف جده من هناك خد تاكسى ب 10 ريال قولو وسط البلد هناك هتلاقى مولات كتير بس للاسف مش فاكر اساميهم دول اغلبهم كومبيوتر و موبيلات وملابس وممكن وانت فى جده تروح بنده مول ده بالظبت شبه كارفور كده
ان شاء الله لما تروح المدينه طبعاً هتلاقى امام الفنادق ميكروباصات بتروح للمولات الميكروباصات دى فرى كلها لان المول هو الى بياحاسبهم
خلى اول زياره لمول مجمع القارات المجمع ده بجد وهم هتلاقى كل احتياجاتك هناك ما عادا الموبيلات و الكومبيوتر لاكن باقى الاجهزه الكهربائيه موجوده وملابس كويسه جداً وبعد كده خد جوله فى باقى المولات
نسئلك الدعاء وربنا يتقبل منك
انا متشكر ليكم جميعا وانشاء الله لن انساكم بالدعاء