اختى قاعدة فى بيت الوالد ايجار قديم وبعد ما الوالد مات اختى ملهاش الا شقة دى ومالك العمارة راجل اعمال واصل جدا جدا فى البلد المهم هددها بطرد وحاجات كتير دولوقت اخر حاجة بيعملها انة كل ما اختى تجيب الراجل يصلح الدش ويركب السلوك مالك العمارة اما يقطع سلوك من سطح العمارة او يشيل الطبق الدش فهل من حل لديكم ؟؟
علما ان البلكونة فى الدور الاول وللاسف مش اتجاة القمر الدش لانى فكرت اركب الدش فى البلكونة وخلاص لكن الراجل قالى للاسف حظك حش الشقة اتجاهها عكس اتجاة القمر
ارجوكم حل عملى منكم لمشكلة الدش
تاخد وصله من اي جار
لا حول ولا قوة الا بالله
بص يا اخي. العزيز الغالي ... انزل باب اللوق. واسئل عن طبق دش صغير اسمو lnb مخترق الخرسانة تمن الإل. إن بي لوحدها ٢٥٠ جنية ... وده مش شرط تركبوا في البلكونة لو حبيت تركبو في ؤوضة النوم هيركب ... انا شفتوا بعنيا في المحلات الي في باب اللوق عند الجراش الي جمب البستان سنتر مش في هناك جراش اسموا الفلكي ... فيه محلات كده بتوع ديش قدام رياض عمران بتاع العربيات بالزبط. ... وبالتوفيق .
اى جار عنده قطعة بمخرجين واتحلت المشكلة
كهرب الطبق والاحسن تديله ٣ فاز ٣٨٠ فولت
تحياتي
اقتباس:
المشاركة الأصلية كتبت بواسطة abdel samie
كنت حقترح نفس الأقتراح ده :)
تستاذن اي جار وتجيب عدسه بمخرجين وتوصل السلك بتاع الدش فيها
خليها تعمله محضر اتلاف عن كل مرة
ابحث عن الحلول الودية و لا تيأس منها
هي حصلت معانا قبل كده في شقة لاحد اخوتي
لكن كنا (ملاك للشقة)
والعقد فية ان لنا حصة شائعة من العمارة للاستخدام المشترك
وبالتالي اخدنا تمكين من تركيب الدش من المحامي العام وموقع علية بالتنفيذ حتى بالقوة الجبرية
وبالفعل جبنا عسكري وصاحب العمارة مضى على الورق ومقدرش يتكلم او يعمل حاجة تاني
الوضع ده لشقة تمليك .. مش عارف ينفع في الايجار او لا
وكان قبل الثورة .. كان فيه عساكر من القسم بتطلع لما يكون معاك تنفيذ بالقوة الجبرية
معرفش ايه الوضع دلوقتي
1 - خد وصلة من اى جار .
2 - جيب اجزة الى الخ بيقول عليه خارق للخرسانة .
3 - أخيرا كهرب الطبق
اقتباس:
المشاركة الأصلية كتبت بواسطة y a r i s
ارجوك اخى اشرحلى بتفاصيل شوية ان امكن الله يكرمك لان مفهمتس انت قلت ابة
الاعضاء المشكورين عرضوا كهربة الدش فدة مش حل واقعى خصوصا ان باب السطح بقفل وفى غية حمام لحساب صاحب العمارة
ارجوكم ساعدونى بحل حلو وبسيط وعملى
تحط طبق على اى عمارة او تاخد وصلة من الجيران
اتفق تماما... مع امكانية تعلية الفولت كمان!!اقتباس:
المشاركة الأصلية كتبت بواسطة abdel samie
اربطله كلب مصعور فى الطبق والله بعديها ما هايقرب ناحيه السطح
تحت امركاقتباس:
المشاركة الأصلية كتبت بواسطة الفجر
ده ياسيدي كنت في باب اللوق عند محلات بتوع الدش فلقيت دش صغير كده كتكوت يعني قطر الطبق ٢٥ سم او يمكن ٣٠ سم بس ... وراس الدش دي كبيرة شوية فسئلتهم. دي بكام دي والكلام ده سنة ٢٠١١ بعد الثورة مباشرة ً المهم قالولي ده طبق ديش. مخترق الخرسانة. بيلقط ايشارة في اي مكان ومش مهم يكون في عماير قدامك او حتى خرسانة .
واعتقد هو ده الحل الوحيد والمثالي لحضرتك ... لو مش عارف العنوان الي وصفتهولك بص. انزل التحرير. ... واسئل فين معرض عربيات رياض عمرااان لمن توصل المعرض ده ... هتلاقي في وشو محلات ديش واساتذة الدشوش هتلاقي عندهم طلبك بئذن الله .
حلو الكلاماقتباس:
المشاركة الأصلية كتبت بواسطة الفجر
بندقيه رش
وكل ما السلك يتقطع نشله حمامتين
وذنبو ايه الحماماقتباس:
المشاركة الأصلية كتبت بواسطة mido_soliman
هو فى نقطة بس ممكن يكون حد مخدش بالة منها ان حضرتك دلوقتى بتقول هيا بنت وقاعدة لوحدها وطالما دة بدأ بالطبق فا مش هتخلص منة مينفعش تدور على حل للطبق علشان لو حليت مشكلة الطبق هتلاقية دور على حاجة تانية يزهقها بيها انتا حضرتك السكان حاطين اطباق زيك زييهم يبقا ملوش حق يقطع السلك انما لو مفيش حد حاطط طبق والسطح مش تبعك يبقا شيل الطبق الى انا اقصدة ان دة مش حل للمشكلة
الاخوة اللي بينصحوا صاحب الموضوع
انه يكهرب الطبق
انتو بتتكلموا جد ؟؟؟؟؟؟
طالما بتقول رجل اعمال واصل جدا جدا
يبقى ربنا فاتحها عليه ، هتفرق معاه شقة
لكن خلينا فى المهم
طالما بدا الموضوع بالشكل ده ، يبقى هيدور على حاجة تانية يقرفكوا بيها
ولو معندهوش ضمير ولا رحمة ممكن يىء ادبه ويستعمل نفوذه
انا مش بخوفك
بس الاحسن انك تشوف حل ودي
ده شقة قانون قديم ، اتفقوا انكوا تخلو الشقة مقابل مبلغ مالى
تشوف الشقة تسوى كام وتاخد نص تمنها وهوا النص التانى
واللى يطلعلك من الشقة اشتروا بيه شقة تانية تمليك
وريح دماغك
بس طبعا علشان تعمل الموضوع ده لازم يبقى فيه ناس معاك اهل المنطقة او العمارة
ولازم يحس انك مش ضعيف او خايف منه
كان الله فى عونك وعون اختك
اقتباس:
المشاركة الأصلية كتبت بواسطة محمد عز
فارقة معاة انة يطلع كل السكان مش اختى بس لان العمارة بتاعتة على مساحة مهولة فى حتة جامدة فى البلد
وبالتالى لو العمارة جابها ارض هيطلع بعشرات الملايين لو عرف يطلع السكن
مع الاشكال دى سياسه النفس الطويل هى اللى بتجيب معاهم
اهم حاجه تكون تقيل وهادى عاوزك تكون بارد اعصابك فى ثلاجه الحمدلله ربنا كرم فى موضوع الدش ده انك تنزل تجيب من باب اللوق الطبق اللى قال عليه الزميل العزيز
ورنا معاك واحنا من بعده فى اى حاجه تانيه يحاول يعملها نشوفلها حلول جمد قلبك بدون اثاره المشاكل معاه عشان اللى انا فاهمه ان اختك قاعده لوحدها فى الشقه وانت مش قاعد معاها
اولا حاول التواجد من حين لآخر فى الشقه مع اختك من باب العزوه كده يا ريت لو تقدر تعمل ده كل يوم ولو بشكل مؤقت