انا ولله الحمد شوفت كل حاجة ممكن البني ادم يشوفها في 13 سنة سواقة .. اشي سواق ميكروباص بلطجي واشي تجريح في الصاج من ركنة عشر دقايق واشي ترييح من مقطورة عالدائري على تلات اربع مرات مقطورتين برضه يسلموا على بعض وانا في النص .. على مرتين تثبيت عشان ياخدوا الامورة مني .. عشانها سبت صحابي وبقيت بقعد مع الكهربائي والميكانيكي اكتر مابقعد في البيت .. اه بنت عادي وتقعد في الورشة عشان العربية تتصلح وبينضحك عليا في الاسعار طبيعي جدا
ويمكن انا مرتاحة شوية من مسئلة اني اصحى الصبح انزل جري اشوف العربية في مكانها ولا اتسرقت عشان عايشة في كومباوند فيه امن والعربيات الداخلة والخارجة بتتسجل اول باول على البوابات ومقر شركتي برضه امن وبتتركن في وش باب العمارة عدل واقدر ابص عليها من الشباك عادي بس برضه القلق مستمر لو روحت اعمل مشوار وركنتها عالشارع تتكلبش ولا تتخبط وهي قاعدة لا بيها ولا عليها .. مصر ام الدنيا
واوقات كتيييييييييييييير بطلع مواصلات بحس اني مش شايلة هم الطريق واعصابي هادية واليوم لطيف جدا واقدر اسمع مزيكا براحتي واقدر ابص عالطريق الي ماجتليش الفرصة اني ابص عليه وانا سايقة عشان مركزة في الاسفلت .. المواصلات حلوة مفيش كلام
لو الغزالة رايقة كنت قولت قوالة والله الموضوع ملخص معاناة مالك العربية بشكل مبسط كوميدي تسلم ايد الي كتبه
المفضلات