سكودا فليشيا مشكلة بقالها اكتر من شهر بتتكرر معايا ومش عارف السبب

السلام عليكم
المشكلة اني مغير طقم دبرياج ووير دبرياج ف الدبرياج تقيل في الزحمة ممكن العربية تبطل مني مرة مرتين .. مترداش تدور تاني . افتح الكبوت في كهربا خارجة من الاسبراتير وفي بنزين افضل افك واركب ف الاسلاك واجرب لحد ما تدور بعد 10 دقايق ولا حاجة . وف مرة مدرتش وركنتها الحمد لله كنت قريب من البيت وتاني يوم دارت زق .. اتكررت المشكلة دي اكتر من 10 مرات ومش عارف السبب واخر مرة من ساعتين ع الدائري ادور القي العربية كانها هتدور وتبطل ادوس بنزين مفيش فايدة خليت واحد يدور وزودت بنزين من قدام درات والحمد لله روحت .بس برده مش عارف ايه السبب.. وعلى فكرة نضفت الكربرتير عند الميكانيكي بس هو مفكوش نضفه بمنظف من فترة اول ما بقت تعمل كده ..

اقتباس:

---

المشاركة الأصلية كتبت بواسطة islamagdi

السلام عليكم
المشكلة اني مغير طقم دبرياج ووير دبرياج ف الدبرياج تقيل في الزحمة ممكن العربية تبطل مني مرة مرتين .. مترداش تدور تاني . افتح الكبوت في كهربا خارجة من الاسبراتير وفي بنزين افضل افك واركب ف الاسلاك واجرب لحد ما تدور بعد 10 دقايق ولا حاجة . وف مرة مدرتش وركنتها الحمد لله كنت قريب من البيت وتاني يوم دارت زق .. اتكررت المشكلة دي اكتر من 10 مرات ومش عارف السبب واخر مرة من ساعتين ع الدائري ادور القي العربية كانها هتدور وتبطل ادوس بنزين مفيش فايدة خليت واحد يدور وزودت بنزين من قدام درات والحمد لله روحت .بس برده مش عارف ايه السبب.. وعلى فكرة نضفت الكربرتير عند الميكانيكي بس هو مفكوش نضفه بمنظف من فترة اول ما بقت تعمل كده ..

---

موضوع الدبرياج التقيل غالبا بيبقى ديسك ..بس انت بتقول انك مغير ديسك واسطوانه فهل موضوع تقل الدبرياج ده من ساعه ماغيرت لا ظهر الايام دى ؟؟؟ لو من ساعه ماغيرت فممكن الباشا الميكانيكى ماركبش الديسك كويس ..وممكن كمان تروح لسيادته يريحلك الدبرياج شويه ويبص على السلك بتاع الدبرياج ممكن يكون مخشن فى الواير بتاعه ومحتاج يتزيت ... دى على ماعتقد معظم الحلول لموضوع الدبرياج..

موضوع ان العربيه بتبطل ممكن مايبقاش كربراتير طالما لما بتيجى تدور اول مره بتدور معاك ..انت عندك المشكله لما بتمشى والعربيه بتسخن ..مش كده؟؟؟لوصح يبقى ممكن موبينه بتسخن وتفصل او طرمبه بنزين برضه لما بتسخن بتفصل ..لانك بتقول انك بتحاول لمده عشر دقايق فممكن يكون فى الوقت ده الطرمبه او الموبينه ابتدت تبرد فالعربيه بتدور .. جرب وانت تحت البيت سخن العربيه وشوف كده لما تفصل ..ابقى حط فوطه مبلوله على طرمبه البنزين (بردها يعنى) وجرب ...نفس الموضوع الموبينه بس خلى بالك ماتبقاش مشغل كونتاكت علشان الكهربا .. جرب وشوف وربنا يعينك وتتحل ان شاء الله

بالنسبه لموضوع التقل بتاع الدبرياج زي ما قالك الاستاذ كده بالضبط

بالنسبه لموضوع العربيه فى الدواره والكلام ده غالبا بيكون موبينه لانى الموضوع ده حصل معايه ولما غيرت الموبينه دارت والمشاكل ديه راحت كمان وسعات كانت بتنتش

جزاكم الله خيراا ( استاذ ادهم - استاذ احمد)
بجملة المصاريف انا هنضف الكربراتير وهجيب موبينة ومشط وحتى لو القديم سليم اهو يبقى احتياطي
الله المستعان

اقتباس:

---

المشاركة الأصلية كتبت بواسطة islamagdi

جزاكم الله خيراا ( استاذ ادهم - استاذ احمد)
بجملة المصاريف انا هنضف الكربراتير وهجيب موبينة ومشط وحتى لو القديم سليم اهو يبقى احتياطي
الله المستعان

---

حاول ماتغيرش حاجه الا لما تتأكد ان هيه السبب فى العطل ..مش معنى ان الشك فى الموبينه او طرمبه البنزين انك تغيرهم وكمان تغير معاهم المشط .. انت كده هاتصرف كتير وممكن الحاجات دى تبقى كلها شغاله .. انا بقولك لوالموبينه هاتبان لوسخنت تحت البيت وبعدين بطلت ورجعت دورت مادرتش ابقى بردها بفوطه مبلوله بس مش بتنقط ميه وبعدين جرب ..تمام واشتغلت العربيه يبقى احنا عرفنا ايه السبب ..نفس الموضوع لطرمبه البنزين ... انما المشط اعتقد ان دى مش اعراضه خالص (الا لو زى مانت بتقول عايز تجيب واحد احتياطى) ونظافه الكربراتير شىء مع التجربه هاتكتشف انه سهل هما بس البهوات اللى بيبقوا عايزين يخوفوا الواحد من العربيه علشان تفضل تروحلهم ع الفاضى والمليان .. جمد قلبك وجرب ومش هاتخسر حاجه بالعكس انت هاتكسب على الاقل (شرف المحاوله) وافتكر ان كتر المصاريف ع الفاضى والمليان هاتكرهك فى العربيه انما لو عملت فيها حاجه بايدك حتى لو كانت بسيطه هاتفرح بيها جدا وهاتشجعك انت تعمل الاصعب ... ربنا يعينك ويوفقك