بسم الله الرحمن الرحيم
انا بعت العربيه لواحد صاحب صاله بعقد ابتدائى بيع سيارهمن كام شهر وهو باع العربيه بعد كده لواحد برضه بنفس الطريقه هل انا كده ميش عليا مسئوليه لو العربيه عمل بيها حاجه ولا لازم اسجل
اصل بسال واحد قالى العقد الابتدائى بيتلغى بعد 10 ايام هل هذا صحيح بالله عليكم ممكن حد يفدنى؟
وهلى ممكن اسجل انا بالعقد ده فى الشهر العقارى من غير مايجى معايا صاحب الصاله
بيع العربية بيتم علي مرحلتين
1 - عقد ابتدائي ... حضرتك ده مجرد حاجة بتثبت انك اخدت الفلوس المكتوبة فيه وهو اخد العربية ( وهو تعتبر حاجة مش متوثقة ولا حاجة خالص )
2 - التوثيق ... وده اما بتوكيل بيع للنفس والغير والتعامل مع المرور وبيتعمل في الشهر العقاري من البائع للشاري عشان يقدر يروح يرخص ويعمل كل حاجة ... وده بيتعمل لو العربية فيها مدة ترخيص طويلة والشاري مش عاوز ينقل الملكية عشان يستفيد بالمدة دي
او من خلال عقد بيع مسجل في الشهر العقاري وده حضرتك بتخلي مسئوليتك من العربية تماما لانه لازم يروح ينقل الملكية في المرور في خلال شهر ... وده اامن حاجة لحضرتك كبائع وللمشتري برضو
بصراحة أنا مش فاهم إزاى واحد يجازف ويدفع فلوس فى عربية بعقد أبيض من غير حتى ما يشوف ولا يعرف المالك ومن صالة عربيات كمان ؟؟؟؟ طب إيه اللى يضمنه إن العقد فعلاً ممضى عليه من مالك السيارة ؟؟؟ طب يبقى أيه الوضع لو حضرتك عملت محضر فقد للرخصة وروحت طلعت واحدة جديدة وبعدها قمت مبلغ بسرقة العربية ؟؟!!!!!!
أضمن شىء للبائع والمشترى هو تسجيل العقد أو على الأقل عمل توكيل للمشترى وأخذ إقرار عليه بإستلام العربية