مشكله بعد تركيب موتور لانوس استيراد (شورت بلوك)

السلام عليكم:
انا ركبت موتور لانوس استيراد امبارح (شورت بلوك)..بس للاسف بعدتركيب الموتور داخل السياره وتركيب كل لوازمه من دينامو ومانيفولد ومارش من الموتور القديم..وجدنا اول مسمار من ناحيه اليمين من تحت بتاع فرن الشكمان مقطوم داخل وش السلندر..الميكانيكي كمل وقال مش هيحصل حاجه ان شاء الله طالما كل المسامير مربوطه كويس.
كملنا علي كده والموتور الحمد لله اشتغل كويس ..بس انا حاسس انه صوته عالي شويه وفي رجه علي السلانسيه.فهل عدم وجود المسمار ده يعمل كده
هل الخراط يقدر يطلع الجزء المقطوم داخل وش السلندر من غير ما نفك الوش..المسمار مش بارز منه اي جزء خارج وش السلندر.

ارجو الافاده

اقتباس:

---

المشاركة الأصلية كتبت بواسطة esnawy

السلام عليكم:
انا ركبت موتور لانوس استيراد امبارح (شورت بلوك)..بس للاسف بعدتركيب الموتور داخل السياره وتركيب كل لوازمه من دينامو ومانيفولد ومارش من الموتور القديم..وجدنا اول مسمار من ناحيه اليمين من تحت بتاع فرن الشكمان مقطوم داخل وش السلندر..الميكانيكي كمل وقال مش هيحصل حاجه ان شاء الله طالما كل المسامير مربوطه كويس.
كملنا علي كده والموتور الحمد لله اشتغل كويس ..بس انا حاسس انه صوته عالي شويه وفي رجه علي السلانسيه.فهل عدم وجود المسمار ده يعمل كده
هل الخراط يقدر يطلع الجزء المقطوم داخل وش السلندر من غير ما نفك الوش..المسمار مش بارز منه اي جزء خارج وش السلندر.

ارجو الافاده

---

حضرتك تقصد ان فى احد المسامير ال8 اللى بيمسكوا الفرن فى وش السلندر مقطوم داخل الوش نفسه لو ده هو فعلا اللى عندك
هتروح للخراط وهتاخد معاك جوان فرن وياريت لو عرفت تجيب الاصلى لانك هتفك وتركب مره واحده والخراط مش هياخد كتير يعنى بالكتير اوى 30 جنيه كانت عندى نفس المشكله واتحلت الحمدلله وعلى فكره الموضوع من غير ما تفك وش السلندر خالص
وطبعا التنفيس اللى عامله المسمار هو اللى معلى صوت العربيه اول ما تشيل المسمار المقطوم وتركب الجوان الجديد الدنيا هتبقى تمام
بس بما انك لسه مركب الموتور استنى متعملش فيه حاجه لحد فتره التجربه ما تعدى وتتاكد ان الموتور سليم وابداء اشتغل

عادى خالص ومتقلقش من حاجه بس لازم تركب واحد مكانه

لأنه لو منفس هيعلى صوت المكنه شويه او هتحس ان صوتها زى ما يكون فيه تنسيرة كهرباء

متشكر جداا ياجماعه علي الافاده..
معلش عندي استفسار اخر...انا عندي التكييف مش شغال..والمروحه الصغيره متشاله..فهل عدم وجودها يؤثر علي حراره وتبريد الموتور..مع العلم ان المروحه الكبيره شغاله كويس..بس لمبه التشيك بتنور اول لما تبدأ تشتغل والعربيه ماشيه....

طالما مش بتشغل التكييف مفيش مشكلة... اللانوس اللى بتنزل من غير تكييف بتنزل بالمروحة الكبيرة فقط

MMamdouh

متشكر يأستاذ ممدوح علي الرد....لكن هل عدم وجود المروحه الصغيره له علاقه بلمبه التشيك عند عمل المروحه الكبيره

مش عارف... حطها على سكانرو انت تعرف

MMamdouh