Emgrand7 VS Sunny New Shape

**midooo_119** · 20-01-2014 04:27 AM

الميعاد :2.30 صباح اليوم
المكان: كوبرى اكتوبر
الحدث:شد عالكوبرى بين الامجراند7 و النيو صنى

التفاصيل:راجع من شغلى فالمهندسين و رايح عين شمس طلعت كوبرى اكتوبر من البطل احمد عبد العزيز و ماشى فحالى و جيت عند قبل نزلة غمرة الكوبرى بيوسع و لاقيت الباشا ضارب النور و جاى من ورايا قارص و بقالى فترة عاوز اشد مع حد بس الشوارع مش مساعده .. الكوبرى كان فاضى و راح مكمل عالكوبرى و منزلش نزله غمرة روحت مسقط عالتانى و قربت منه قلبتله نور اتخض مكنش متوقع اجى وراه بالسرعه ديه و سبقته و جيبت ال140 بسهوله لاقيته عمال يبعد و يبعد روحت مديله انتظار و نزلت الازاز و قعدت اشاورله اهدى لغايه اما قرب منى روحت نازل نزله المنشيه و عملتله باى باى دمه اتحرق قوىىىىىىى
بجد العربيه ماشاء الله عليها حتى مع السرعه و الفواصل الرخمه بتاعه الكوبرى انت حاسس بثبات ماشاء الله و علمت على بتاع النيو صنى و عرفته مكانته لكن طبعا تظل الفرحه غير مكتمله بالمشاكل الى قابلت ناس اشتروا ايمى وان شاء الله العيوب تتصلح و كله يبقى مبسوط بعربيته لانها فلوس شقى و تعب سنين .... انا حبيت افرح اصحاب ايمى بعربياتهم و يعرفوا ان موضوع الوزن ده مش فارق خالص و العربيه سحبها جمييييييييييييييييييييل جدا و مزيد من التعليم عالعربيات

**M I D O** · 20-01-2014 07:37 PM

فتحت نفسي والله ...

المكان . طريق القاهرة اسكندرية الزراعي
الزمان . امبارح الساعة 10 بالليل
كنت ماشي علي الطريق ومعايا 2 اصحابي ولاقيت ورايا كيا ريو سيدان بيقلبلي نور وعاوز يعدي قمت حارق وطرت ملاقيتوش ورايا بعد دقيقتين كدة هديت ولاقيتة معدي جمبي طاير وبعدين هدي وشغل الانتظار وانا منفض وبعدين قرب مني ونزل الشباك وفضل باصص ناحيتي وكان جمبة واحد قمت منزل الشباك انا كمان وفضلت باصصلة وبعدين لاقيتة قام حارق وجاري وانا وراة جبتة وعديتة وفضل يجري ورايا مجابنيش كنت ماشي علي 150 وبعدين بعد شوية هديت وفين وفين لاقيتة جمبي وماشي براحة مشدش معايا تاني قمت جاي قدامة ومشغل انتظار وفضلت قدامة مش عاوز اروح يمين او شمال وبعدين نزلت الازاز ودخلت يمين وهديت جمبة وضحكتلة وبعدين مشيت براحة بقي علي 80 لحد البيت

**hugan** · 20-01-2014 09:04 PM

صلاه النبي صلاه النبي
هاتلاقي كمان شويه كام واحد يقولك ايه ده
انت بتقارن ياباني وكوري مع صيني

**adel_edrees** · 20-01-2014 09:27 PM

على فكرة الأيمجراند عربية كويسة فعلا لأكن أنت بتقارنها بأسوء عربية ياباني أنا شفتها في حياتى أنا نفسى بس أعرف مين اللى صمم لهم الحتة اللى ورا من أول الشنطة بجد تصميم هايل تحس أنها حاجة عضها كلب و عموما بالتوفيق أن شاء الله و الله غبور لو أهتم بالعربية دى ممكن يبقى حاجة تانية خالص و لكن المشكلة انه مش عرف في أيه و الله العربية دى ممكن يبقى تمنها أرخص من كده وجودتها أعلى من كده بكتير و خصوصا أنها بره ما فيهاش مشاكل غير في موضوع الحرارة في العراق مثلا الحرارة بتزيد عن 50 درجة في فترات كبيرة هي دى ببس الشكوى الوحيدة منها و العربية نازلة بموتور أكبر 1800 سى سى و الله الموفق