الموضوع: دعونا نبكى فى صمت !

المشاركة الأصلية كتبت بواسطة seiffoz

الحقيقة كلنا عارفين ان الدول المتقدمة تقدمت من فترة.
ولازم يكون فى تغيير فى مصر ان شاء الله.
و لازم كل واحد يراجع سلوكه و يراجع نفسه ويبذل اقصى عشان الاجيال القادمة.
انت اتخلقت مصري لسبب، و ده قدرك. عندك تحديات كبيرة ومصاعب اكبر من اى دولة تانية فلازم تأدى رسالتك فيها.
لأن لو كل الناس بتتكلم على ان البلد وحشة وزفت و و و و .. يبقى مين اللى بيبوظها؟ امى؟
ات از نيفير تو ليت.

و اقول للى عايز يهاجر ربنا يخرجكم منها على خير، و يرزقكم الحياة الافضل. لكن ميتدخلش فى اى حاجة هتحصل فى البلد سواء احسن او اوحش.

هيكفيك شرف وانت بتموت انك مهربتش و عشت حياتك وانت عايز تخلى ناسك وشعبك احسن. خصوصا لو ربنا كرمك وبقى اسم انك مصري محترم.

اللى جايبنا لورا نظرة الاستعلاء و يقولك (المصريين وبتاع) .. والتهكم و عدم التفكير فى حل وعدم دراسة الخبرات السابقة.

كلامى مش لشخص معين انا بقول على الحالة للموضوع. وكلامى مش موجه لصاحب الموضوع لانه رصد حالة بينقلها بحيادية

ربنا يهدى الجميع

كلامك كويس وليس عليه أي حرج
لكن أحب أقولك إن تغيير ثقافة 84 مليون بني آدم بقاله عشرات السنين متربي على الفساد والرشاوي والمحسوبية والنفاق والعبودية والاستحمار ... إلخ مستحيل بدون وجود حاكم عادل ينظم هذه المنظومة ويفرض قوانين تطبيقها فرضا وجبرا وللأسف احنا انكتب علينا إن ميحكمناش حاكم عادل
لكن تقولي هنتغير لو كل واحد غير نفسه كلام جميل لكن تطبيقه مستحيل لأن حضرتك ممكن يكون عندك رغبة في التغيير ومعاك مليون واحد كمان لكن ال83 مليون الباقيين مش هيسمحولك بكده وهتبقوا انتوا القلة الشاذة عن المجتمع واللي هتعمله صح هيكون في نظرهم ونظر المجتمع غلط وبالتالي يا إما هتضطر تبقى زيهم علشان تقدر تعيش يا إما هتموت كمدا وقهرا وغيظا !