الموضوع: دعونا نبكى فى صمت !

احلى بلد بلدى واجدع ولد ولدى يبخت الى يرضى بقليله والله اما دمها علينا نعمة

المشاركة الأصلية كتبت بواسطة salodas

1. هحكى تجربتى فى زيارة أمريكا (هيوستن).
2. نزلت المطار الناس شغالة زى الكمبيوتر كل واحد عارف بيعمل ايه ... محدش بيكلم الى جانبه + أجراءت صارمة + الكل بيناديك (سيدى) .
3. خرجت من المطار كلمت الفندق عشان يبعت لى الباص ... رد عليا الموظف وقالى الأتوبيس هيكون أمامك بعد 7 دقائق (هههههههههههه) الغريبة أن بعد 7 دقائق لاقيت الأتوبيس أدامى (برضو هههههههه ).
4. رحت استأجر عربية وطبعا الرخصة المصرية ملهاش تلاتين لازمة غير فى مصر بس ... اجرت بالرخصة السعودية لأنها مترجمة (يعنى نص الرخصة عربى ونصها انجليزى) .
5. طول ال 3 اسابيع فى هيوستن لم أجد مطب واحد (بلا مبالغة) على الأقل المنطقة الى كنت ساكن فيها greens point فقط اشارات مرور + علامة stop >
6. العجيب بأه أن الناس هناك بتتعامل مع اشارة stop كما الأشارة بالضبط (يعنى لازم يقف ويبص شمال ويمين).
7. مستحيل حد يعدى من طريق ويكون الأولويه لك .... لازم ينتظرك .
8. فى مرة خارج من الشركة وفؤجئت بإشارة المرور معطله (عمالة تنور وتطفى أحمر فقط) .. الناس كلهم وقفت ونظمو نفسهم بحيث بالدور كده سيارة واحدة تمر من كل اشارة وللأسف أنا مفهمتش الكلام ده غير لما جه عليا الدور ومازلت واقف والناس كلها مستنية أنى أمشى (لغاية مواحد منهم فتح الزجاج وقالى go ahead ).
9. كل الكبارى بلا استثناء هتلاحظ أن نوعية الأسفلت فى أعلى حته فى الكبرى مختلفة عن باقى الكبرى بمعنى انها بتكون مضلعة كده كأنها خطوط جنب بعضها ولما سألت قالولى عشان فى حالة المطر السيارات متتزحلقش على السرعات العاليه.
10. لم أسمع صوت الكلاكس طول ال 3 اسابيع (إلا بعض الكلاكسات ليا أنا طبعا).
11. كان يوم مطر شديد مستمر لساعات ... لم أجد تجمع مياه على الطريق بالرغم أن فى اليوم ده كنت بره بتسوق فى مكان بعيد حوالى 150 كيلو ... يعنى 150 كيلو مفيش تجمع مياه حتى على جنب الطريق (إلا فى بعض مناطق الصيانة عشان أكون صادق ).
12. مرة كنت راجع أنا وأصدقائى باليل و الكاوتش نام وللأسف مكنش معانا مفتاح صليبة ... وبمجرد أننا وقفنا العربية ونزلنا منها طبعا بعد ما شغلنا اشارة الأنتظار ... تالت أو رابع عربية عدت علينا وقفت والراجل كان (زنجى اسود شكلة مرعب) ساعدنا بالصليبة بتاعته وفى الأخر سألنا أنتم عرب (اه) مسلمين (أه) .. Ok bye
13. على فكرة هيوستن دى تعتبر من الولايات الفقيرة بتاعت الفلاحين هناك ..هههههههههههههههههههههههه هههه.

رجاء محدش يزايد على وطنيتى بعد الى قلته وهقوله ..
• أحنا فى بلد لا تحترم البنى ادم .
• احنا فى بلد عايشة على الكدب والخداع لما تنقل لنا صورة الغرب كانهم مجرمين وعاوزين يموتونا كمسلمين.
• احنا فى بلد خرابة بمعنى الكلمة ... وعمالين يغنو علينا ... أحسن بلد بلدى ومش عارف أيه .
• كفاية لأنى مش عاوز أغلط .

انا روحت هيوستن 4 مرات و في كل مره برجع مصر بكون تعبان نفسيا من المقارنه بين القاهره و هيوستن
يا ريتك كنت روحت هيوستن برميوم اوتلت و شوفت السيل علي البرندات العالميه عامله ازاي هناك
و لا الاحترام في المعامله من جميع فئات الناس هناك