واحد صاحبى معاه نيو صنى ٢٠١٢ صحى الصبح لقى المرايتين الجانبية مسروقين
فضلنا نلف عليهم برة عشان السعر و كانت المفاجأة ان قطع غيار العربية مش موجودة خالص و فين و فين لقينا واحد فى دمشق عنده و قال هيبيع الواحدة ب ١٨٠ جنية
كلمنا التوكيل قال عنده شمال بس و ب ١١٠ جنيه و اليمين مش موجودة
السؤال بقى ازاى عربية بقالها اكتر من سنتين و محققة مبيعات خيالية زى الصنى تبقى قطع غيارها برة التوكيل مش موجودة و ازاى سعرها اغلى من التوكيل
و كمان ازاى الحاجات مش موجودة فى التوكيل كمان امال الواحد لو كان جاب ستروين و لا اى عربية جديدة كان عمل ايه
لو فيه اى حد يعرف مكان يتباع فيه مرايات يا ريت يفيدنا
و ربنا يستر علينا عشان واضح ان لو فيه اى حاجة باظت فى العربية مقداماكش غير التوكيل و انت و نصيبك موجودة ولا لأ