عرض للطباعة
بسم الله الرحمن الرحيم
السلام عليكم ورحمه الله وبركاته
حادثة غريبة جدا على طريق مصر اسكندرية الصحراوى 40 عربية فى بعض و3 موتى و10 مصابين
مش فاهم اية اللى فى الطريق ده بس لازم وانت ماشى عليه تشوف حادثة او حادثتين ربنا يسترها علينا
http://gatemedia.ahram.org.eg/Media/...2-852_main.jpg
اللهم ما ارحم الميت واشفى المصاب
-20 قتيل امبارح في حادثة في أسوان
ربنا يرحمهم ويعافينا جميعا بس فعلا السرعه الجنونيه وراء هذه الكوارث
لا حول ولا قوة الا بالله
للأسف الشبورة شديدة جدا جدا اليومين دول و البوابات كانت مقفولة فى الأتجاهين لغاية لما هديت الشبورة شوية بس برده مستوى الرؤية مكنش كويس و كله بيجرى علشان يلحق مواعيده......ربنا يرحم الجميع.....
اللة يرحم الموتى و يصبر اهليهم بس احنا مشكلتنا معندناش دراية او وعى ازاى نمشى فى الشبور او المطرة لازم توعية لازم
الشبوره
مع الفهلوه بتاعت المصريين
الفهلوه المصريه سبب كل البلاوي فاكر زمان كنت راكب مع واحد صحبي وكنا راجعين من راس البر والطريق سبوره بغباء مش شايفين حاجه والطريق نيله اصلا وده ماشي 160 واقلوه هدي ياعم اللي راكبين اتريقوا عليه وجبان وبتخاف وكده يعني على اسا اننا بنلعب اندر جراوند
حاجه شعب مقرف
لا حول ولا قوة الا بالله.
كنت راكب ميكروباص والدنيا شبورة والسواق ماشي بسرعة اوي. وعمال ياكل في مطبات لانه مش شايف ( اقل حاجة يعني ممكن تحصل من الشبورة ) والناس كلها عمالة تمصمص في شفايفها وتوء وتوء ومحدش بيفتح بقه بكلمه. فقولتله براحتك ياسطي محدش مستعجل والاقيه بيدور فالمراية علي اللي بيتكلم لحد ماجابني وبيضحك ضحكة صفرا كدة ايه بتحاف يابو الكباتن. قولتله اه بخاف جدا ومش عايز اموت في ميكروباص وعلي ايد سواق. وبعدين مش خايف علي نفسك خاف عالارواح اللي معاك. عايز تيتم عيالك وترمل مراتك في ناس هنا لسة عايزة تربي عيالها وتعيش حياتها.
هووووووووووووووووب الناس انفجرت. ماتهدي ياسطي والحفلة بدءت وانا اعدت اتفرج علي اللي مبقاش ملاحق علي كلام الناس.
ليه المصريين كدة ؟؟؟؟؟؟!!!!!!!
اصلياقتباس:
المشاركة الأصلية كتبت بواسطة mr_vampire
انا شغال علي طريق القاهره اسكندريه الكيلو 50
المهم يوم فاتتني عربية الشغل و روحت الشغال بميكروباص
لكم انت تتخيلو ان السواق كان بيجيب اخر غيار علي 140
و الطريق كله ماشي علي 160 و بقيت ادعي ربنا اوصل بالسلامه
و الله -و ربنا يعلم- تاني يوم لقيت نفس الميكروباص بنفس الارقام عمل حادثه و مفهوش حته سليمه
الطريق مش نجس ولا حاجة
احسن الطرق فى العالم بيحدث عليه حوادث نتيجة الشبورة والضباب الكثيف
لان الرؤيا بتنعدم وبتوصل لصفر
يعنى انت ماشى زى الاعمى بالظبط
فالسرعة لازم لا تتعدى ال 40 كليو فى الساعة علشان تقدر تفرمل لو فيه حاجة
لكن للاسف اعتبارات السلامة ماتت فى مصر من زمان
لان الاجيال كله متعرفش يعنى ايه اجراءات سلامة
اسم بس