الصور جميلة و مشكور على مجهودك الرائع
بس هل بروتون احترموا المنتج ده و عيوب التقفيل هاتنتهى و لا هاتفضل نفس السياسة بتاع عيوب التقفيل تطلع عادى من المصنع و التوكيل هو اللى يلم القصة وراهم
عرض للطباعة
الصور جميلة و مشكور على مجهودك الرائع
بس هل بروتون احترموا المنتج ده و عيوب التقفيل هاتنتهى و لا هاتفضل نفس السياسة بتاع عيوب التقفيل تطلع عادى من المصنع و التوكيل هو اللى يلم القصة وراهم
استاذ احمد الصيام من فترة اعلنت بروتون عن خروج المنتج خالي من اي عيوب
ومن الصور واضح ان العربية تقفلها جميل ومن غير مشاكل
0% اخطاء والكلام ده اتكتب هنا في المنتدى وكان موجود في موقع ماليزي تاني
و دى اللى نازلة مصر؟
ليه السى دى مابيشغلش mp3?
دى حاجة رخمة فعلا
صور رائعة يا Powert ربنا يوفقك يارب ......... حقيقي عربية تحفة و ملهاش حل
و مشكوررررر اوي يا استاذي الفاضل ........
و كل سنة و حضرتك طيب
يا استاذ احمد علشان خطري تفائل شوية لبروتون ..........
هو احنا من حوالي 5 سنين كنا نعرف يعني ايه بروتون و لا كان حتي في اي قطعة غيار ليها اهه الحمد لله العربية بدأت في الانتشار القوي في السوق و المنافسة الي موجوده في نفس الفئه بدأت تبقي قوية اوي
و الاستاذ powert قال لحضرتك و اكدلك ان بروتون فعلاً دخلت حملة ال 0% لعيوب التقفيل
استاذ احمد احنا لازم نشجع العربية دي فعلاً لاسباب كتير يعني يمكن دي اول منافسة اسلامية في سوق السيارات في العالم
علي كل ........... كل سنة و حضرتك طيب
شكلها حلو قوي من قدام .. و الفرش شكله جامد برده و كويس انهم حطوا درج للتابلوه
يا مؤمن باشا الموضوع موش تفاؤل و لاتشاؤم
عايز اقولك ان الحملة بتاعة بروتون دى فى المشمش ان شاء الله لسبب بسيط جدا
الاسبوع اللى فات كان فى اخ فاضل بيستلم عربيته و روحت معاه علشان اتفرج عليها و ووجدت الاتى
صوت عالى لسير المروحة بتاع التكييف
الفتيس الاوتو بينقل بالعافية و خشن جدا
الدهان بتاع الاكصدامين ( مبقع )
مع ان فى عربية تانية لون مختلف ماوجدتش فيها اى عيب نهائيا
المصيبة ان الاخ بتاع المبيعات بيحاول يقنعنى ان الكلام ده بسيط طبعا روقته بالادب و فهمته انه زيه زيى بتاع الامن اللى بره اللى مايعرفش حاجة عن العربية اللى واقفه فى المعرض
اهلا وسهلا بيك بحمله صفر عيوب
وانا على فكرة اى حد بيطلب منى انه يعمل تست درايف للعربية بارحب و بافرجه عليها و باقوله على مميزاتها قبل عيوبها
لو انا موش باحب الماركة دى ماعتقدش انى هاضيع وقتى فى الكلام ده بالعكس انا نفسى تبقى بروتون افضل و احسن من كده بكتير
انا لما بنتقد حاجة فى العربية بيبقى نفسى انه مالقيش حاجة انتقدها بعد كده فيها انما غيرى بينتقد العربية لانه غيران مننا لاننا راكبين عربية ممتازة و ينقصها فقط تلافى عيوب التقفيل الخايبة اللى اتعودوا عليها
عموما و انت طيب و ربنا يباركلك فى عربيتك انت و الاخوة الافاضل كلهم
انا معاك ان حضرتك ممكن تلاقي العيوب دي (البسيطة من وجه نظري و نظرك )
بس خلي بالك في حاجة مهمة احنا مش واخدين بالنا منها و هي ان التوكيل مسؤل عن العربيات الي بيستلمها يعني لو المصنع لقا التوكيل بيقبل الشحنة بالعيوب دي و مش هامة يبقي اكيد كل العربيات الي حيبعتها حتكون في اختلاف في التقفيل بتاعها لان التوكيل اساساً مفروض يكون عنده مراقبة انتاج الي العربية الي فيها عيوب ترجع
يعني علشان مطولش علي حضرتك
الخلاصة
ان حتي لو المصنع بيطلع عيوب بسيطة في تقفيل المنتج فا الي بيسعده علي كدا التوكل الي ممكن يستلم عربية بالعيوب دي و يخلي ال sales الي عنده يقنعوا العميل انها عيوب تافه ممكن تلافيها ..........
التوكيل مقضيها انه يبيع و يظبط فى صيانة الـ 1000 وهم بصراحة امكانياتهم محدودة لان الورشة صغيرة و بيعملوا اللى يقدروا عليه انما برضه ده اصتنصاح منهم انهم يسبوا العميل يعمل شغلهم
انما ازاى بروتون تفضل تصنع بالشكل ده و لمدة 3 سنوات نفس العيوب الرخمة البايخة المفروض يتعلموا من اخطائهم
البروتون بقت حظوظ فعلا يا اما تستلم عربية متراجعة كويس او تستلم انت عربية عايز تراجعها بنفسك و تكتشف اللى فيها
ya gma3a hya lih mfhash el shdada bta3et frdten el shaceeeh zay el 2008
الف شكر يابورت على الصور