وفاه المستشار عادل عبد السلام جمعه
عبره وعظه لمن اراد ان يتعظ
والموت فجاءه وعلي غفله بدون سابق انذار
طبعا اللي عارف مين هو عادل عبد السلام جمعه
هو اللي يفهم قصدي
عرض للطباعة
وفاه المستشار عادل عبد السلام جمعه
عبره وعظه لمن اراد ان يتعظ
والموت فجاءه وعلي غفله بدون سابق انذار
طبعا اللي عارف مين هو عادل عبد السلام جمعه
هو اللي يفهم قصدي
دعك منه فإنه يحاسب الآن فى دار الحق أمام حكم عدل لا يظلم مثقال ذرة
السؤال الآن : المئات من عادل عبد السلام كيف سيتناولون الأمر مع أنفسهم
ربنا يرحمه ... المستشار عادل من اكبر القضاه المعروفين
الضباع فقط هي من تشمت في الموت...الكلاب نفسها مبتشمتش.
رحم الله المستشار عادل وكل أمة الإسلام.
اذكرو محاسن موتاكم
لاشماتة في الموت سبحان الله
علي فكرة انا معرفوش واول مرة اسمع عنه وربنا يرحمة
انا في ناس طبعا محروفه بكرهم كره العمي بس لما حد بيموت فيهم بقول ربنا يساامحه ويغفرله
تاريخه بيتكلم عن نفسهاقتباس:
توفي، صباح الاثنين، المستشار عادل عبد السلام جمعة، بعد صراع مع المرض.
رأس «جمعة» محكمة جنايات جنوب القاهرة بالتجمع الخامس، ونظر عدة قضايا شهيرة من بينها قضية عبارة «السلام 98»، المتهم فيها رجل الأعمال ممدوح إسماعيل، وقضية أيمن نور، زعيم حزب غد الثورة، ومحاكمة خيرت الشاطر، نائب مرشد «الإخوان» المحبوس حاليًا في سجن طرة، وبعد قيام ثورة 25 يناير تولى محاكمة وزير الداخلية الأسبق، حبيب العادلي، في قضية قتل المتظاهرين.
ربنا يرحم موتى المسلمين
استهدو بالله يا جماعه
عليه من الله تعالى ما يستحق
ياباشا مفيش حاجه
المشكله ان البعض من صغيري السن
حافظين مش فاهمين
مايعرفش اصلا مين عادل عبد السلام جمعه
فاهمين ان الموضوع ليه علاقه بالاخوان
القصه مش اخوان ولانيله
ولا ليه علاقه بالاخوان من قريب او من بعيد
انما اي كلام في الفاضي يترمي وخلاص
عادل عبد السلام جمعه
رمز من رموز فساد مبارك الكبيره في القضاء
احكامه معروفه ومسيسه وعليه انتقادات وكلام كبير عن احكامه
عن القاضي اللي بيبيع ضيمره من اجل منصب او اميتاز
القاضي ظل الله علي الارض
من لم يكن الموت له واعظ
فلا واعظ له
عامله الله بما يستحق
ولعن الله كل قاضي فاسد مجرم خان الأمانة وضيع حقوق الناس وظلمهم بسبب أحكامه الجائرة الظالمة فويل لهؤلاء من قاضي السماء
له من الله ما يستحق
اولا انا ملعنتش حد لان المسلم مش لعان زي ما حضرتك بتعمل..انا بفكرك بس...
ثانيا انا بدعي على الظالمين منهم لاحظ في الدعاء (..اللهم عليك بالظالمين من الإخوان و أعوانهم.)
لو خايف ادعي على الظالمين بقا فدي حاجة تانية..ياترى خايف ادعي عليهم ليه؟ :)
اما الدعاء او الشماتة على الميت المسلم او حتى غير المسلم فهو امر يثير الاشمئزاز لانه الانسان وقتها بيتحول لضبع.
برده مجاوبتش على سؤالي :)
هل علقت قبل كده على أي حد شمت في موت الإخوان وأعوانهم وقلتله أن اللي بيشمت هو الضبع بس حتى الكلب مش بيشمت ودعوت لهم بالرحمة ؟
ياريت إجابة صريحة بدون لف ولا دوران وياريت لو مدعومة بدليل علشان تفحمنا وتثبتلنا أن مواقفك واحدة مع الجميع وأنك مش معقول هتدعو لقاضي فاسد وظالم بالرحمة وتسيب الإخوان مهما كان ظلمهم من وجهة نظرك
البينة على من ادعى...وانا مش هدافع عن نفسي لاني مش مجرم ولا متهم..انا بقول رأي وانا حر فيه ومسؤول عنه..
المسلم لا بسباب ولا بلعان، فوق لنفسك وتب إلى الله...لا الاخوان هينفعوك ولا ابو اسماعيل هينفعك.
القاضي اللي بتتكلم عليه هو بين يدي الله والله وحده يعلم هو فاسد وظالم ولالا...
اعلم يارعاك الله انك مش احسن منه وممكن يكون احسن منك عند ربنا...وشكراً.
هههههههه
أسمع كلامك أصدقك أشوف أمورك استعجب
أنا كنت متأكد إنك مش هتجاوب إجابة صريحة ومباشرة على سؤالي لأن حضرتك واللي على نفس تفكيرك عندكوا كمية تناقضات رهيبة ودايما تحبوا إنكوا تأمرون الناس بالبر وتنسون أنفسكم
يعني القاضي ده اللي عند الله وبتترحم عليه وصعبان عليك أوي في غيره آلاف عند الله برده لكن لا تجرؤ إنك تترحم عليهم لأنهم ببساطة على خلاف فكرك ومنهجك وتبغضهم يمكن أكتر من الملحدين والكفرة اللي مش بيهون عليك حتى تدعي عليهم أما لو إخوان فمفيش مانع تدعي عليهم وتشمت فيهم وطبعا عندك ظن قاطع أنهم في جهنم ومفيش مانع يكونوا مخلدين كمان لأنهم إرهابيين ومنافقين وأكيد دول مش مسلمين (آه على فكرة كل واحد عنده واحد تكفيري جواه بيطلع ساعة اللزوم مش الإسلاميين بس اللي فيهم تكفيريين) وبالتالي فأتحداك تثبتلي إنك ترحمت على واحد من قتلى الإخوان يوما أو حتى مجرد صعب عليك زي ما صعبان عليك القاضي الفاسد الظالم اللي أحكامه الظالمة الجائرة ياما خربت بيوت وياما ضيعت حقوق وياما يتمت أطفال
وأحب أوجهلك نفس كلامك ليا إن الإخوان اللي بتدعي عليهم دول يمكن برده يكونوا عند ربنا أحسن منك ويمكن تكون انت الظالم وهما المظلومين ففوق لنفسك وتب إلى الله لا العلمانيين ولا الليبراليين ولا العسكر هينفعوك ربنا يهدينا ويهديكم
انا معرفش هو مين
لكن الله يرحمه
رحم الله أموات المسلمين
الكل يتحدث عن الويل الذي سيراه الفاسدين.....كأن المتحدث ضمن الجنة!!!
هناك من ينعت فلان بالفساد و علان بالظلم...و لو سألته عن مصدر حكمه....تجده محض استنتاجات مبنية على بهارات اعلامية......و لا يعلم حكم ما قال بلا بينة....هل يعلم احد خاتمته؟؟؟ هل يعلم احد خاتمة غيره؟؟؟؟
يعني علشان أقول إن الكافرين في جهنم مخلدين فيها أو أن الفاسدين والظالمين - عموما دون تعيين - مصيرهم النار كما أخبر ربنا وتوعد لازم أكون ضامن الجنة ؟! منطق غريب بصراحة
ومحدش يقدر يتهم حد من اللي علقوا على الموضوع إنه حكم على هذا الرجل بعينه أنه من أهل النار لأن ده أمر غيبي لا يعلمه إلا الله لكن لما نحكم عليه بأنه كان فاسدا وظالما وباغيا ومبدلا لأحكام الله فده أمر لا ينكره إلا جاهل واللي ميعرفش الراجل ده كانت أحكامه عاملة ازاي يبقى ياريت ميتكلمش في حاجة ميعرفهاش
وعلى فكرة ومن باب العظة برده الراجل ده مات بسبب سرطان في الفك ، واخدلي بالك انت ، الفك اللي كان بينطق بالأحكام ، وطبعا محدش يقدر ينكر إنه توجد خاتمة حسنة وتوجد خاتمة سيئة ولكل منها علامات وأمارات ولكن برده محدش بيحكم على حد بجنة أو بنار في الآخرة أما في الدنيا فلنا الظاهر فالظالم يحكم عليه بأنه ظالم طالما ظاهره الظلم والصالح يحكم عليه بالصلاح طالما ظاهره الصلاح والنبي صلى الله عليه وسلم قال عندما مرت جنازة وأثنى الصحابة عليها خيرا: وجبت وجبت وجبت، ومرت جنازة أخرى فاثنوا عليها شرا، فقال صلى الله عليه وسلم: وجبت وجبت وجبت، وقال : من أثنيتم عليه خيرا وجبت له الجنة، ومن اثنيتم عليه شرا وجبت له النار، انتم شهداء الله في الارض، انتم شهداء الله في الارض، انتم شهداء الله في الارض. رواه مسلم.
فعجبا أشد العجب لمن يدافع عن الظالمين والفاسدين والطغاة ويتبجح ويستدل بالدين في إثبات ذلك وفي المقابل لا يتوقف عن سب وشتم ولعن التيارات الإسلامية كلهم بلا استثناء ورميهم بالإرهاب والتطرف والهلاك ويدعو عليهم بالويل والثبور ولا يطرف له جفن وهو يرى المئات منهم دماؤهم تسيل وأشلاؤهم تقطع وجثثهم تحرق وهم حاملون لكتاب الله ورافعون سبابتهم بالتوحيد بل بعضهم يرميهم بالنفاق ويخرجهم من ملة الإسلام ! تلك إذا قسمة ضيزى !
السلام عليكم
مداخلتي كانت عامة غير موجه لك أو لغيرك..و لكن هي لكل من يحكمون بالجنة و النار على عباد الله .
ان كنت لم تر أحد اشار الى عاقبة هذا القاضي ( صراحة او ضمنا) فأنا ايضا لم ار احد من الاعضاء يدافع عن الظالمين والفاسدين والطغاة ويتبجح ويستدل بالدين في إثبات ذلك وفي المقابل لا يتوقف عن سب وشتم ولعن التيارات الإسلامية كلهم بلا استثناء ورميهم بالإرهاب والتطرف والهلاك ويدعو عليهم بالويل والثبور ولا يطرف له جفن وهو يرى المئات منهم دماؤهم تسيل وأشلاؤهم..........
بالنسبة لما تضمنته مداخلتك من عبارات عن الجاهل و اللي ميعرفش ميتكلمش و ما على شاكلة ذلك من عبارات فلن ابادلك اياها...و لكن يا من لست كذلك ..هل حضرت المحاكمات؟ ...هل طالعت اسباب الأحكام التي أصدرها هذا القاضي و تراها ظالمة؟...
أنا لم أفعل ...و لكني لم اقل أنه فاسد و لم اقل أنه مصلح...و هذا ليس جهل
وعليكم السلام ورحمة الله وبركاته
وأنا كذلك الجزء الأخير من كلامي كان عاما ولم أقصدك به بشكل شخصي
لو حضرتك لم تر أحد من الأعضاء يدافع عن الظالمين والفاسدين ولا يتوقف عن سب وشتم ولعن التيارات الإسلامية فأنا رأيت :) وبالتالي فكلامي موجه له ولغيره حتى ممن لم يشاركوا في الموضوع
بخصوص المحاكمات وهل هي ظالمة أم لا فأنا أرى أنها ظالمة ومجحفة وأن مُصدِرها ظالم وفاسد وحسابي على ربي
وأخيرا أعتذر عن أي إساءة في كلامي قد تظن أنها موجهة لك لكن في الواقع لم أقصد ذلك لأن كلامي كان عاما كما سبق وأوضحت لك
شكرا على مداخلتك المفيدة
كل إنسان يصنع تاريخه
بعض الناس تصنع تاريخ مشرف يضمن لها الدعاء و الترحم عليها و البعض الآخر يصنع تاريخ ينعته حتى و ان لم ينعته الناس صراحة" فكفى ما فى القلوب و انا هنا اتحدث عن قاعدة عامة و ليست عن شخص بعينه
و لا يوجد شماته فى الموت أصلا" لأننا كلنا زائلون فاختلف الناس حول كل شيئ حتى اختلفوا على الإله نفسه لكننا جميعا" اتفقنا على ان الموت نهاية لكل شيئ فى الدنيا
ويل لقاضى الأرض من قاضى السماء
الموضوع مش شماته بس لما واحد يكون ظالم ويتوفى المفروض نقول كده علشان تكون عبره لباقى الظالمين انهم يفتكرو انهم حيموتو . هو دلوقتى فى دار الحق . واعماله اللى عملها معاه فى القبر دلوقتى . كلنا طبعا عارفين القضايا اللى هو حكم فيها مش حنتكلم على قضايا سياسية خلينا فى قضية عبارة السلام اللى مات فيها 1000 واحد و المتسبب فى قتلهم اخد 7 سنين