-
خلاص جبت أخرى من دايموند
السىلام عليكم
معايا لانسر بوما 2012 العربية ماشاء الله ولا قوة الا بالله مريحانى والاهم انها مستحملانى كأول عربية ليا وبسافر بيها كتير.
عشان مطولش عليكم لحد صيانة 40000 كانت الدنيا مع التوكيل تمام على الرغم من أنهم غيرولى وش الكاسيت تلات مرات عشان كان بيوقع من أقل مطب. بعد صيانة ال 50000 بأختصار المحترم الى شد سير الدينامو نسى يربط الشداد ووقع و أنا ماشى بالعربية وربنا سترها وروحت اتخانقت فى المركز الرئيسى وكل الى عملوة ربطلى الدينامو بمسمار ووعد بانهم هيجيبولى شداد جديد ويتصلوا بيا (أوعى تصدق انة حصل). وللاسف روحت اعمل صيانة ال 60000 ومن الاخر ولا كأنى عملت حاجة.
المهم ان الواحد مش بيتعلم ببلاش وياريت لو حد اتعامل مع مراكز صيانة الرواس او مصرية يقولى ايه الاخبار وخصوصا لو فرع قريب من الشروق لانى ساكن هناك
وشكرا جدا لمساعدتكم
-
ربنا يصبرنا جميعا على التوكيل ومشاكله
قريب من الشروق فى مركز السعودي جروب بعد موقف العاشر طريق الاسماعيليه الصحراوي الناس هناك محترمين بس بصراحه انا ماعملتش غير صيانه ال1000 تغيير زيت وتربيط عفشه
ممكن تجربهم وان شاء الله يحلولك مشكلة الشداد
وبالتوفيق
-
شكرا جدا لاهتمام حضرتك
للاسف السعودى جروب تبع دياموند بردة
انا جربت المركز الرئيسى الى عند طريق اسكندرية و كمان جربت نيو كار الى فى الاسماعيلية و تبع دياموند بردة و اكيد جربت السعودى و هو الى عملت عندة صيانة ال 60000 و 10000 و 20000
وللا سف كله تييييييت
نفسى حد يكون جرب دايموند و الرواس او مصريه وهو الى هيوضحلنا الفرق
-
الاسف مطرين لدياموند توكيل زفت و نصابين اوووووووووى الابعد الحدود واللة فى ايام المصرية
-
اذا كان دايموند و كيل ميتسوبيشى مصر صياته و فنين زفت
طبة الزيت من 10000 تم تغيرها فى سعودى
صيانة 40000 تم حل الكرتيره و لحام صاموله داخليه لكرتير الزيت
طرمبة المياه تركيب جوان على حسابى فى دايموند
كل 20000 كيلو تغير تيل الفرامل رغم ان السياره كلها سفر فقط
تغير تيل فرامل فى سعودى فى 20000 التيل طلع مضروب و ابلغت بهذا من دايموند فى صيانه 40000 و كان لازم مسح الطنابير 200 جنيه و لما ورتهم الفاتوره ان التيل تم تغيرة من سعودى تم اعفائى من 200 جنيه و طلبوا منى اقدم شكوه فى سعودى ما انا مصرى :10_9_133:
فى صيانة 50000 مصفحة فرامل اليد حلت من مكانها و طلبت من دايموند اصلاحها
كان الرد لازم نحل التنك لا ده شىء خطر جدا جدا جدا
و تم دفع قرب 900 جنيه صيانه لتغير فلتر بنزين
اتجهت الى توكيل مصريه فى العبور
الصراحه مقابله محترمه ناس فاهمه بتعمل ايه و انا بتابعهم من فوق كان كاوتش احدى الابواب مخلوع لقيتهم بيركبوه رغم لم اطلب منه
و المفاجائه انهم لحموا مصفحة فرامل اليد من غير حل التنك و لا يحزنون و القيمه 44 جنيه
ان شاء الله صيانة 80000 حعملها عندهم
السياره 1600 اتوميتك 2013
-
بجد انا من كتر الي بشوفة من شكوي الناس من دياموند والله قبل ما اقري الشكاوي دي كنت بشك في نفسي اني غلطت في حاجة الحكاية بلملخص المفيد اني في رمضان الي فات روحت دايموند بتاع قليوب وكنت عاوز اشتري جركن ماية خضرة بتاعة متسوبيشي وكنت عاوز زيت وكنت هشتري سيور او فلتر بنزين جيت لاقيت الراجل الي في دايموند بيتعامل معايا كأني داخل اشحت منة والي فهمته قالي حضرتك الحجات دي بتتركب هنا احنا مش بنبيع طب ازاي يعني عشان شافني عاوز اشتري ماية خضرة وزيت مش عاوز يبيعهملي الا اما اركبهم عندة اسلوبة بجد كان وحش وكان فية لوي دراع يا اما اركب الحاجة عندهم يا اما مفيش حاجة بتتباع من عندهم وبجد اخدت بعضي وقبل مامشي قولتله اصل العيب مش عليك العيب عليا اني بقري شكاوي الناس الي في المنتديات منكم ومتعلمتش حقيقي وبأمانه احسن مركز اتعاملت معاة الرواس جبت منة سير المجموعة والبوجيهات وحاجة العربية والله العظيم انا بروح كل ما بغير فلتر الزيت بشتري منهم فلتر بس بيتعاملو بمنتهي الاحترام مش عشان بشتري حاجة رخيصة اقوم اتعامل معامله زباله من ناس مع احترامي متستاهلش يبقي عندها توكيل زي متسوبيشي وهيبوظو سمعة العربية حقيقي غلطتي وإن شاء الله مش هتتكرر والرواس فعلا هوة المحترم
-
مصرية فاهمين أكتر منهم مليون مرة وقبل ميغير حاجة بيوريهالك ولو ينفع يصلحها من غير تغيير بيصلحها
دايموند ده رحته مرة واحدة أول ما فتح ومن يومها معتبتوش تاني ،دا كفاية زيت توتال الزبالة اللي بيحطوه كان مخلي صوت الموتور زي الجرار الزراعي
-
متاااااابع.
لو حد لسه بيتعامل مع رواس او مصرية ينقلنا تجربتة
وياريت يوضح مكان المركز الى بيتعامل معاه
أكيد فى حلول بديلة لدايموند احنا مش هنقعد نشتكى ونحط ايدنا على خدنا
-
واض كدة ان مراكز رواس والمصرية متفرقش كتير عن دايموند
طب حد يعرف ميكانيكى كويس او مركز خدمة مضمون
-
انا كل صياناتى فى المصريه فرع قليوب ولحد دلوقتى بصراحه ناس كويسه جدا وفاهمه ومحترمة
Content Relevant URLs by
vBSEO 3.6.0 PL2