ممكن تحط سوسته تويوتا كرولا 2007 والعربيه هتعلى ومش هتحك فى اى مطب
عرض للطباعة
ممكن تحط سوسته تويوتا كرولا 2007 والعربيه هتعلى ومش هتحك فى اى مطب
العربية للاسف بتهبط جامد معا التحميل ودي حاجة رخمة اوي في العربية بس بتتحل انك تاخد المطب بالجمب
الاخوة الافاضل البيتكلموا على علايات او سستة دة ممكن يغير من اتزان العربية وبعدين حرام اكون مشترى عربية زيرو واروح اعدل فيها
وبعدين انا لاحظت انة فية عربيات عدت جمبنا على نفس المطبات واحت كنا 4 افراد امال لو كنا 5 وعدينا على المطب كان حصل اية
الشئ الغريب انة شكل الجنط و الكاوتش ضخم جدا لدرجة انك لا تصدق ماحصل الا لما تكون جوة العربية وتسمع صوت العربية و هى متعلقة على المطب
للعم التويوتا كورولا الجديدة سعرها ضعف الامجراند و ارتفاع العربية عن الارض 12 او 14 سنتي تقريبا مش متذكر و برضو بتبوس كل مطب بس الفرق سواء محملة او مش محملة بتبوس المطبات عكس الامجراند وهية محملة بس ودة مش عيب في اي عربية موضوع الارتفاع دة لانة حاجة خاصة بالثبات و الي بيتكلم عن الارتفاع يشتري suv افضل
انت سخنت كدة لية يا ميدو اختلاف الراى لا يفسد للود قضية
انت بصراحة ماركبتش كورولا الجديدة للامانة و بعدين انا باتكلم عن مطبات عادية وعدت جنبنا عربية لا نوس و غيرها ومانزلتش الناس من العربية زينا واحنا عند كل مطب كنا بننزل
وبعدين مين قال دة عيب انا باحكى عن موقف حصل و كان نفسى اعرف سبب لانة شكل العربية عالية
وانا لما تكلمت باتكلم على الايمى موش على عربية suv
ههههههههههههههه اسخن اية بس يا باشا لا خالص وربنا وبعدين هوة انا اقدر اسخن عليك انت بالذات يا باشا ؟؟ :untitled::untitled:
المشكلة مش في العربية ..
المشكلة في المطبات الغبية الي بيعملوها الناس في مصر ..
يعني عمرك شفت مطب عاملة المرور عربية بتحك فية الا نادرا ؟؟
طبعا لا لانة قانوني ومعمول باسلوب عشان العربيات متحكش
يعني عندنا في طنطا في مطب علي الطريق السريع عاااااااااااالي اوي وعديت علية ومحمل 4 معايا و الشنطة فيها بلاوي وكنت خايف احك بس ربنا ستر ومحكتش خالص بعدها بكيلو مطب واطي بس الاهالي الي عاملينة بطريقة تخلية واقف دة العربية حسيت انها بتحارب معاة ومن قوة صوت الحك انا اترعبت
عشان كدة للاسف مصر مينفعش معاها غير العربيات ال suv ودي الي هجيبها ان شاء الله المرة الجاية لان مينفعش في مصر سيدان خالص ..
الفكرة في الامجراند انها المسافة بين العجل الامامي و الخلفي كبيرة زي المرسيدس كدة ودة الي بيخليها تحك في مطبات اكتر من العربيات التانية بس برضو لو مطب قانوني مش هتحك و اي مطب غبي معمول جمب اي بيت يتاخد بالعرض لو محمل معاك حد عشان نحافظ علي العربية من البهوات الي شغالين مطبات ومش غرمانين حاجة
وانا بعتذر ليك يا باشا لو اسلوبي ضايقك بس انا والله ما اقصدش حاجة خالص انا بس كتبت مشاركة سريعة لاني كنت بلعب بلايستيشن معا اصحابي ومستعجل عشان الماتش بتاعي ابتدء ومركزتش في الاسلوب بتاع الكتابة
ارجو انك تتفهم قصدي وانا اسف مرة اخري يا صديق الكفاح معا الامجراند :36_1_1[1]::36_1_1[1]:
حصل خير يا باشا و احنا اخوات بلاى ستيشن ياراجل انا قلت تلاقيك متوتر و معاك امتحان ومزنوق شوية
انا ما ازعلش منك انت بالذات وانت رفيق رحلة كفاح بس نعمل اية فى غبور كل ما الواحد يقرب جنبة يفاجا بخبور من خوابيرة
طيب سؤال فنى هو اية فايدة و سع قاعدة الجلات اى تباعدهم ماهى الاستفادة الفنية لذلك
ماشفناش تقارير للعربية و عملت بها كام كيلو لغاية دلوقت
تحياتى لك يا غالى
حبيبي يا باشا :36_1_1[1]::36_1_1[1]:
انا فعلا كنت متوتر جدا وكنت بلعب بلايستيشن من زهقي لاني في مادة جايب فيها امتياز عشان اتخانقت معا الدكتورة شيلتهالي بعد مكنت جايب امتياز وعملت مشكلة كبيرة في الجامعة وارجو انك تعزرني
العربية هعملك عنها تقرير محترم عشانك وانا عامل حاليا 5500 كيلو وان شاء الله بكرة احلي تقرير ليك يا باشا عشان اصالحك بية