اغداء في برج ايفل .. رحله على نهر السين 345345435 ج فقط

غداء على برج ايفل
جوله نهريه في نهر السين
التسوق في الشانزليزيه
...........
بصيغه اخرى:
غرفه على البحر في شرم الشيخ
مشروب كوكتيل فواكه على حمام السباحه وقت الغروب



فقط 3453434 الف جنيه

ان تجلس مع من تحب في اجمل الاوقات لا يقدر بثمن

اادفع مشترواتك ببطاقه ماستر كارد الائتمانيه


....................................



اعلان سخيف بنقراه وبنسمعه
وفي كل مره باحس بالاستفزاز
استفزاز لمشاعرنا كلنا..
خلاص الناس فلوسها كتير عشان يتغدوا في نهر السين ويشربوا كوكتيل في شرم الشيخ
طب مش هاتغدى غير في محل كشري
ومش هاشرب غير عصير قصب(ده حتى الشوب بأه ب 75 قرش)

المفروض محلات العصير تجيب ماكينه فيزا هي كمان عشان ندفع بالفيزا
يعني ماله الكشري والترمس وبرج القاهره الشفتشي يعني؟؟

لأ وكمان عايزيني اعمل كل ده بالاستدانه والسلف
ويا سلام بأه لو مادفعتش في الوقت المحدد وفترة السماح
هايكون بفوايد وربا واوعى وشك

ما تيجي تعمل المقابله الجايه في نهر السين؟؟
او نشرب فواكه في شرم الشيخ بدل الربوه دي!!!

دي حتى اصبحت اولد فاشيون خالص

حسبي الله و نعم الوكيل
ناس مش حاسه بالدنيا

اقتباس:

---

ومش هاشرب غير عصير قصب(ده حتى الشوب بأه ب 75 قرش)

---

اصرف نظر يا دكتور
بقي بجنيه و ربع :)

احنا اصلا شعب بتاع منظرة
هتلاقي ناس كتير اوي تجري ورا الهيافات ديه
مافيش اهيف من الشعب المصري وانا واحد منهم تيجو معايا :tt2:

اقتباس:

---

المشاركة الأصلية كتبت بواسطة hazem_khidr

حسبي الله و نعم الوكيل
ناس مش حاسه بالدنيا

اصرف نظر يا دكتور
بقي بجنيه و ربع :)

---

ازاي يا حازوم دانا لسة شاربه من 3 ايام ب 75 قرش تركيز 25 قصب والباقي مياه ساقعة :tt2:

اقتباس:

---

المشاركة الأصلية كتبت بواسطة abdelaziz-waleed

ازاي يا حازوم دانا لسة شاربه من 3 ايام ب 75 قرش تركيز 25 قصب والباقي مياه ساقعة :tt2:

---

جامده اوى يا وليد
بس ممكن يكون ده عندك فى حلوان بس
انما فى الباقى ممكن يوصل التركيز الى 100 بى بى ام

لأ انا الإعلان اللي بيجنني بجد بتاع
ليه بتحب الصيف ؟
عشان بلاقي حد ألعب معاه جولف !

اقتباس:

---

المشاركة الأصلية كتبت بواسطة MoToRiZeR

لأ انا الإعلان اللي بيجنني بجد بتاع
ليه بتحب الصيف ؟
عشان بلاقي حد ألعب معاه جولف !

---

انا حزين ..... مش لاقي حد العب معاه جولف :( ..... اللي هيا تبع فولكس فاجن

اقتباس:

---

المشاركة الأصلية كتبت بواسطة MoToRiZeR

لأ انا الإعلان اللي بيجنني بجد بتاع
ليه بتحب الصيف ؟
عشان بلاقي حد ألعب معاه جولف !

---

تصدق و انا كمان استفزنى نفس الاعلان !!

يعني الناس فى الدويقة ماتوا و اتشردوا و اتهدت الصخور عليهم و فى الاخر اتشردو فى الصحرا فى 6 اكتوبر و يقولك اقرب مكان عشان يعرفو يجيبو اكل و شرب بيمشولو 8 كم و دول بيذيعولنا اعلانات تجيب كل الامراض المزمنة اللى فى الدنيا:no:

حسبي الله و نعم الوكيل

اقتباس:

---

المشاركة الأصلية كتبت بواسطة MoToRiZeR

لأ انا الإعلان اللي بيجنني بجد بتاع
ليه بتحب الصيف ؟
عشان بلاقي حد ألعب معاه جولف !

---

فعلا اعلان مستفز جدااا....الناس مش لاقيه تاكل ودول بيعملو اعلانات عجيبه ولا كأننا فى الخليج....طاب ده السعوديه مش بيعملو اعلانات كده....

انا من هواة القعاد على القهاوى فى المناطق الشعبيه
وبالذات الصبح
قاعد بىق و الحياة فل والناس بتشرب شاى وبتاكل فول من العربيه اللى جنب القهوة
بحب الجو دة جدا و قهوجى لذيذ
و اعلان من محطه اذاعيه فى مصر بيتكلم عن اسعار المتر فى حمامات السباحه
و افضل التشكيلات منها مش هقلكو ايه اللى اتقال او اتعمل من الناس اللى قاعدة
اعلانات موجهه لدوله تانيه مش لينا

و ده بيحصل في نفس الوقت اللي بدأت فيه حملات الفشخره يا حبوب!!!!!
حكومه بتعاني من انفصام في الشخصيه
و بله مغولي مزمن
لنا الله يا شباب

يا جماعه دا اسمه حقد طبقى وبعدين انت بتحلم بقصر دلوقت وناسى القصور اللى ليك فى الجنه دا لو عملك صالح طبعا :angel:

فى الدول المتقدمة زى اوروبا واميركا المواطن العادى يمتلك بيت نضيف وسيارة كويسة ودخل يستطيع ان يشترى بيه الاكل والشرب واللبس (طبعا مش زى الاكل بتاع الشعب المصرى) يعنى كل الحاجات دى تعتبر اساسيات الحياة وهو دا الطبيعى هنااك ....اما هنا فى مصر فالاساسيات دى تعتبر كماليات بل الاكثر من ذلك ان الشعب المصرى ينظر للمواطن الى بيمتلك مثلا عربية جديدة او شقه كبيرة ونضيفة حبتين على انه باااشا وراجل غنى (هههههههه) ....الشعب المصرى يا جمااعة بيعاانى وحالته صعبة من زماان اوى ...ناس كتير اوى بتعانى من نقص التفذية ومش بتقدر تشترى لحمة (الى هى اهم حاجة فى الطعاام ) ونااس كتير جدا بتعاانى والله فى كل حاجة من اول الاكل والشرب والمواصلات ومش لاقية تمن العلاج.....يعنى ابسط حاجة لما تنزل الصبح عندنا فى المنصورة وروح عند مستشفياات الجامعة هتتصدم من كمية الفقر والتعب والبهدلة الى الناس فيها.....والله العظيم حرااام....جايز فى ناس كتير هنا فى المنتدى مش حاسين بالموضوع دا لان ربنا مديهم نعمة وسعة فى الرزق (الحمد لله على اى حاال) بس الصراحة الواحد بقى مش عارف يستمتع بالفلوس (ان وجدت) واخوانه اغلبهم بيعانوا من الفقر....انا معدتش بنزل المستشفى او حتى انزل بالنهاار عشاان اعصابى بتتعب وبيصعب عليا الناس الى متبهدلة.....انا مش بقول الكلام دا على اساس ان انا باشا ومليونير ...دا بالعكس انا نفسى احسن مستوايا المادى فى المستقبل عشاان يرقى لطموحاتى وابويا كتر خيره اوى على قد كده.....المهم لازم نحس بالشعب الغلباان ونعذرهم ونطول بالنا على الناس دى وندعيلهم ربنا يديهم القدرة على المقاومة ويوفرهم اسباب السعادة والراحة فى الدنيا....

ليه مشفتوش اعلان عجاب عين السخنه السبعه
عجائب ايه بس
يعنى ممكن ابع بيتنا و اخد حته هنا 10*10 سم2 اقف اتفرح عليهم و هم فى ال spa
مصر فيها تفاوت طبقى رهيب
واللى راكب عربيه بيعتبر واحد ابن ناس باشاوات و مليونير
مع انها من الاساسيات فى الحياه
حسبى الله ونعم الوكيل