فيرنا 2014

**ELKHOLY22** · 21-01-2014 02:15 AM

السلام عليكمانا عاوز اعرف ايه مميزات فيرنا 2014 عن اي واحده في نفس فئه سعرهابالعربي علشان انا الحمد لله راجل شغال فالدعايه فمن طبيعه شغلي اهم حاجه عشان تقنع اللي قدامك بمنتجك لازم تكون صادق وتقولوا علي كل مميزاتك +ما يميزك عن غيرك ومتفترضش انه فاهم كل حاجه يعني استرسل فالكلام بالتفصيلوالله ممكن تكون كلامي فالاول مش عاوز حد يفهمه كمقدمه انا بثق جدا فالمنتدي ده بس محتار وعاوز اختارياسلام علي الشعر.....هههههههههههمستني رددوكو الكثيره عليا وريحوني:b4_592:

**J A G U A R** · 21-01-2014 02:31 AM

مميزات الفيرنا ماتور قوى .. تكييف قوى .. قطع غيارها رخيصه وفى كل حته .. سهله فى اعاده البيع بس كده
باقى العربيه كلها عيوب

**ELKHOLY22** · 23-01-2014 01:56 AM

طب دي عيوب مقبوله ولا صعبه ولو مقبوله ايه الاءر مقبول ولازم ابعد عن العرييه لللي الاقي فسها العيوب دي

**J A G U A R** · 23-01-2014 02:19 AM

عيوبها ثبات رايح فى مصيبه وفرامل رايحه فى داهيه .. واطيه على الارض وضيقه الخ الخ الخ

**كريم kok** · 29-01-2014 05:18 PM

المشاركة الأصلية كتبت بواسطة hamada hozein

انا معايا فيرنا ٢٠١٤
العربيه مش واطيه علي الارض خااااالص
يعني من الاخر ولا مره حكت في مطبات وكنت مركب ورا شخصين في حدود ٨٠ كيلو وطفل كمان في حدود ٣٠ كيلو
الفرامل مختبرتهاش اول بصراحه لاني مبجريش بيها كتير بس برضه لما حد بيقف قدامي فجاه مبحسش انها ضعيفه للدرجه
الثبات جبت بيها ١٤٠ في طريق مستقيم وكنت باخد ملفات علي ١٠٠ في مصر السويس وعادي بس الصراحه كنت ببقي مقلق بسبب الكلام اللي بشوفه هنا
ضيقه شويتين
عفشه ممتازه
شنطه واااااااسعه
يقال ان تكيفها جبار لسه مجربتوش علشان لسه شاريها في الشتاء
موتور تسارعه جيد جداااااااااااا
بظبط اي عربيه في فئتها
تقفيل سئ نوعا ما
بصراحه العربيه ظهر فيها شويه عيوب مع اني شريها من التوكيل
بتاع التوكيل قالي انهم غيروا نوع البويا وقالي انسي انها تجرب زي الموديلات القديمه
الكاسيت الجديد اللي حطوه بعد الجولدستار مش فاكر اسمه للاسف بس هو صوته كويس
السماعتين اللي ورا بتطلع صوت بس من غير اي سكسكه او دبدبه
تقفيل التابلوه جيد الي حد ما بس ضهر صوت تزيق مع المطبات في التابلوه في مكان واحد
الابواب مبتقفلش بسهوله ولا بصعوبه ( متوسطه )

الشنطه واااااااسعه وتحس انها واخذة من المقصوره الرئيسيه
الكشافات قويه وكل اللي جاي في وشي يقعد يديني رعاش بيبقي مفكر اني مشغل العالي
اروح مديله العالي علشان يفهم ان دي اقل حاجه عندي :)
مجملا العربيه جيدا جدا بالنسبه لفائتها السعريه
شكرا

كلام حضرتك مظبوط جدا انا معايا فيرنا وبجد مش عشان معايا بس عربيه بسم الله مشاء الله وفي التسارع فوق الخيال وياما نيمت عربيات كتير قلتلهم تعالو من الشمس ولو محدش مصدق انا موجود للتسارع مع اي سياره في نفس الفئه بس ياريت الي يشوف العربيه ميقلش دي سباق ومواصفات حاصه لنها نادي سيارات موووووووود ومنتظررررررررررررر

**D.Ahmed Ismail** · 29-01-2014 06:29 PM

الفيرنا مجملا سيارة مدينة اكثر من رائعة
المميزات
موتور فايق و تجميع محترم
مابتعطلش زيت و بنزين و كاوتش
تكييف محترم
العيوب
الثبات و التقفيل

و مقارنة بغيرها لا يعيبها سوي الثبات

انا مالك للسيارة و داخل علي 200.000 كم