اقتباس:
المشاركة الأصلية كتبت بواسطة برنس الليالي
حضرتك واثق من ردك ليه كدا ؟ طيب قارنلي بين الفلوينس والنيو سيراتو بالنسبة للاوبشنز الترفيهية وقوة المحرك كدا وطلاء العربية مثلاً
حتلاقي ان الفلوينس اتقل بكتير واقل من النيو سيراتو في الاوبشنز على سبيل المثال الشاشة التاتش والكاميرا الخلفية وتغيير موضع القيادة ...
وكراسي كهربائية في 10 اتاجاهات مع ذاكرة للحفظ دا غير المحرك الـ130 حصان اللي حيديك تسارع افضل من الفلوينس بكتير
موضوع اوروبي والماني دا تقولو لو الاخ صاحب الموضوع بيقارن بين حاجات عالية زي مثلاً الهيونداي سوناتا والـbmw520 مثلاً
حتلاقي العربيتين دول من نفس الفئة السعرية ساعتها الـbmw اولى كجودة واداء بس مش اوبشنز بردو يعني حتضحي بحاجة في سبيل حاجة
- الكيا بشكل عام متفوقة عن الرينو بمراحل لا توصف والدليل على كدا آخر فئات الرينو شوفها عاملة إزاي وكمان شوف آخر فئات الكيا
حتلاقي ان كيا ليها فئات زي الكيورس والكادينزا ومفيش اي حاجة من رينو تضاهي العربيات دي من قوة وجودة, مش دا دليل بردو ولا حتقولي رينو ملهاش مزاج تنافس ؟
حضرتك مبتتابعش تقارير بلاد برا يبقى ياريت منفتيش إلا لو متأكدين 100% ... على فكرة رينو شريكة مع شركة كورية يعني جودة مش فولاذ زي منتو متأكدين
- كفاية اوي الطلاء بتاع الفلوينس الضعيف جداً نزلها من نظري كتير ... على كل حال النيو سيراتو تتفوق عليها جودة واداء واوبشنز
تحياتي ليك يا برنس ... في امان الله
مش عارف حضرتك بكلامك محسسني ان السيراتو bmw والفلوانس 128 سماوي اول حاجه بخصوص الموتور اولا الفلوانس compact family car يعني مش مطلوب منها اداء رياضي ومش سلحفا زي ما الناس بتقول الحاجه الوحيده تاخير الطلعه نسبيا لكن علي سرعات بعد ال 100 بتلاقي حاجه تانيه خالص
وبالنسبه في حوار الشراكه مع شركه كوريه(مش عارف الموضوع ده) بس اللي متاكد منو ان رينو ليها مصنع في كوريا اسمو renault samsung والفلوانس بتنزل تحت اسم تاني SM3
اما حكايه اوبشنز فالفلوانس من اول فئه فيها اوبشنز احسن من اول فئه سيراتو ولو عايز اوبشنز في الهاي لاين
في حاجه حضرتك مجبتش سيرتها وسائل الامان ده كفايه لما اروح اجيب سيراتو الفئات الاولي ميبقاش في ولا ABS و EBD ودي حاجه دلوقتي مينفعش الاستغناء عنها و في السيراتو بتتعامل كانها اوبشنز وحياه الناس لعبه زي الجيل القديم كنت بشوف طريق مصر اسكندريه مرمي علي الاجناب سيراتو بالهبل عامبه حوادث
وبالنسبه للفئات اللي برا ابقي شوف حضرتك الرينو clio و قارنها بال rio