هل تنصحون بتجديد السيارة موديل 1979 - فئة 244 gl

**MGadAllah** · 21-01-2014 02:07 PM

السلام عليكم و رحمة الله و بركاته
من فضلكم لدي سيارة فولفو موديل سنة 1979 فئة 244 gl فيتيس عادة 4 غيار 2400 سي سي
السيارة أساسها كله سليم و استخدام كويس مش متهانة بس للاسف غلطة حصلت مني و نسيت أغير الزيت و الموتور لف علي بعضة و أصبح حديدة.
لما سألت علي المواتير في الحرفيين قالوا لي احسن واحد إسمه وائل و الموتور الاوتوماتيك الميكانيكا مش الكهرباء لقيته في حدود 10 الآف جم و مع الرش دوكو و كده و شوية توضيب في الصالون هاتوصل لحد 15000 جم فهل تنصحون بالتطوير فيها!؟ و اللا لا؟
و اللا الافضل أشتري الزيرو (فتحت موضوع سابقاً بخصوص الاوبترا)
بصراحه محتار
أكثر حاجة محيراني هي الصنايعية و أرف الصنايعية و هل في حد هايزبطها كويس و اللا هاتكون متعبة
و كمان خايف بعد ما أصرف المبلغ ده الاقيها برضه عملت مشكلة تانية.
أنا أينعم بحب الفولفو و غاويها بس مش عارف اذا كان قرار التغيير للموتور هايكون صح و اللا لا
الحاجة التانية المهمة لتغيير الموتور هو السي سي الاقل و الضريبة
يعني قصدي اغير محتويات الحوض كله لموديل تسعينات من غير ما اغير حاجة في الشكل الخارجي و اللا رأيكم إيه!؟
ياريت أهل الخبرة في الموضوع ده يفيدوني بالرأي
السلام عليكم و رحمة الله و بركاته

**badawy2014** · 22-01-2014 10:35 AM

بصراحة انا بسمع ان قطع الغيار متوفرة علي العموم انا حابب اركب فو لفو 244 لو هناك نية للبيع انا ممكن اشتريها معالك اخوك محمد محامي تليفوني 01151360394 و منتظر ردك