الموضوع: مشكلة تكييف بيجو 301

المشاركة الأصلية كتبت بواسطة goldfinger2

الحمد لله ياجماعة انا رحت التوكيل ، واستقبالى كان غير مرضى حسسونى انى عامل عملة،بعد حوالى 3ساعات من دخول العربية المهندسين سالونى اذا كنت اتخبطت بيها ،او حد ريح على العربية او حد خبطها وهى راكنه، طبعا كل دة محصلش لان العربية مافياش خدش وقالتلهم يتاكدوا بنفسهم ،، وعرفت ساعتها ان السربنتينة اتخرمت وفضت الفريون ، لكن محدش رضى يعرفنى سبب الخرم ايه كلهم مندهشين ، فى مهندس منهم قولتله ما ممكن تكون عيب صناعة مش بالسهولة السربنينة تتخرم !! واكدلى انها هاتتغير فى الضمان ، وفعلا مادفعتش حاجة .بس العربية خدت اربع ساعات جوة
انا بشكر خدمة عملاء بيجو على الاهتمام واتمنى طبعا تكون المقابلة احسن من كدة اللى بيبقى جاى التوكيل وعربيته عطلانه بيبقى فيه اللى مكفيه ، ومالاقيش مهندس بيقوللى هوفى حد بيشغل التكييف دلوقتى!!!!!!
ربنا يكملها علينا بالستر ويبعد عننا العين

الحمد لله إنهم صلحوها
و معلش الحلو ميكملش
صلحوا العربية بس رفعوا ضغطك

المشاركة الأصلية كتبت بواسطة goldfinger2

والله يا اكرم الواحد مش بيحب الاذية ، مع ان كان فى استبيان راى وانا موجود بس مرضيتش اكتب اسمة اكتفيت ب3 من 5 فى الاستقبال ،ياللا الحمد لله على كدة

متزعلش مني
دي سلبية
كل واحد فينا يقول بلاش الأذية فيستمر الموظف السئ في تقديم خدمة سيئة
لكن بدل إنت بتقيم بموضوعية هتقدر تساعد الوكيل إنه يعين ناس كويسة و يقدم خدمة كويسة
لكن إحنا فأي إستبيان بنبقى طيبين فيضيع حقنا و حق العملاء اللي بعدينا
متزعلش مني أنا مش بهاجمك
بالعكس أنا شاكر لحضرتك عشان بتنقل تجربتك بأمانة و تفيد بيها أعضاء المنتدى
لكن ثقافة الثواب و العقاب لازم تبقى موجودة
و بدل الثقافة دي فقدناها من زمان في القطاع العام و القطاعات الخدمية بالدولة يبقى على الأقل نحافظ عليها في الأماكن اللي بندفع فيها دم قلبنا و من حقنا ناخد خدمة محترمة
تقبل تحياتي