ياريت يا جماعه لو اى حد يعرف اى معلومات عن مشروع هرم سيتى يقول
عشان الموقع بتاعهم تحت الانشاء
و انا مش من القاهره و بتصل بالرقم بتاعهم بيقولى هذا الرقم غير موجود بالخدمه
عرض للطباعة
ياريت يا جماعه لو اى حد يعرف اى معلومات عن مشروع هرم سيتى يقول
عشان الموقع بتاعهم تحت الانشاء
و انا مش من القاهره و بتصل بالرقم بتاعهم بيقولى هذا الرقم غير موجود بالخدمه
هو دة مشروع اية اصلاً؟
بص من وجهه نظرى مووضوع فاشل بصراحه وحدات سعرها غالى والمبانى من الطوب الاحمر يعنى مفيش حاجه اسمها خرسانات ولا مسلح
والمبنى طابقين فقط والسقف العلوى قبه من الطوب مش عارفه ليه بيفكرونى بالعصر الحجرى والكهوف
بص ده موضوعهم على الفيس بوك هتعرف اكثر هناك
الهرم سيتى
فعلا شكلها عامل زى الكهوف ......... حرام عليهماقتباس:
المشاركة الأصلية كتبت بواسطة دموع الثلج
شكرا جدا يا دموع :thumbsup:
و ياريت اى حد عنده تفاصيل تانيه يقول
ع فكة يا جماعة موضوع البناء بنظام الحوائط الحاملة و استخدام القباب و الارشات فيه كده ده يعتبر نظام بناء متميز فى رأيى و ليه مميزات كتير و احسن من البناء بالخرسانة و اقل كتير فى التكاليف...و اللى قرا او سمع عن حسن فتحى هيعرف اللى باقوله...بس بدون الدخول فى تفاصيل ..مشكلة المشروعات ديه مش فى الشكل البيوت..مشكلتها فى ان اصحاب المشاريع ديه شاريينها بتراب الفلوس من الدولة ع اساس انها تتعمل اسكان تعاونى للشباب ...و يبقى تمنها قليل و تبقى بالتقسيط المريح..و ده طبعا لانهم واخدين الارض ببلاش و تكاليف البنى قليلة جدا لان كمية الاسمنت اللى بيستعملها اقلل بالاضافة لانه تقريبا ما بيستعملش حديد...لكن واقع اسعار الشقق غير كده خالص يعنى لما الواحد ياخد شقة صافى مساحتها اقل من 60 م و حوائط حاملة حتة لو كانت متشطبة و يدفع فيها اكتر من 100 الف يبقى ده افترى ...و بعد كده يقولك اسكان شباب...عموما يابشمهندس محمد الى اعرفه انهم بياخد قسط يعادل ربع المرتب بحد اقصى 1000 جنيه للاعزب و 1500 للمتزوج...و طبعا فترة التقسيط واحدة للاتنين و بالتالى انت لو مش متزوج يبقى لازم تجبلهم ممفردات مرتب تثبت انك ما بتخدش اكتر من الف و بالتالى القسط هيبقى 250 ج\شهر لو متزوج يبقى 375 ...طيب بما ان مدة التقسيط واحدة ...و سعر الوحدة هو هو...الفرق يين القسط الصغير و الكبير هيروح فين ؟؟...فى المقدم ..من الاخر اعلى قسط اللى هو 375 هيقابله مقدم اكتر من 20000 و اقل قسط اللى 250 هيقلبله مقدم يقترب من ال 40000 ده طبعا غير مصاريف ادارية و دفعة تعاقد و حبة اتاوات يعملوا كمان بتاع 3000 ...عموما بعد الكلام ده لو لسه مصر من اجيبلك تفاصيل اكتر...و فى النهاية ان مش شايف ان المبانى ديه مهببة للدرجة ..هى مشكلتها فى ضيق المساحة و عدم امكانية عمل تغييرات لانه ماينفعش حد يلعب فى الحوائط...بس طبعا لو كان سعرها اقل من كده بكتير كانت ممكن تحل مشكلة ناس كتير ..ع الاقل يبدأوا بيها حياتم...اسف للاطالة