الناس اللى معاهم فيرنا افيدونا ياريـــــــــــــــــــــ ـــــــــــت

**ZOZ** · 25-09-2008 08:38 PM

المشاركة الأصلية كتبت بواسطة smartman

بصراحة يا جماعة العربية دى مش بقبلها خالص و كل ما اركبها احس انى راكب عربية تقفيل مصرى وحش اوى...و المواد اللى بيقفلوا بيها التابلو و الآجزاء الداخلية سيئة جدا ...و فيه حاجة غريبة اوى هى انى كل ما اشوف حادث ع الطريق و الناس راكنين على جنب لازم الاقى منهم عربية فيرنا ...ده نتيجة لآنها عربية خفيفة جدا ....شىء غريب اوى...و بعدين انا مش مقتنع انى اشترى عربية لسه خارجة من التوكيل و سعرها غالى كده و لسه كمان ح افك عجلها كله و اركب عجل تانى جديد بتكلفة جديدة ده بصراحة حرام .....انا بصراحة شايف انها عربية تعبانة اوى و سعرها كتير اوى عليها و ياريت تفكر فى عربية تانية...معلش ده رأى و ارجو ان مفيش حد يزعل منى

لا طبعا يا سمارت حقك انك تقول رايك لكن مش لازم يعني في كل حادثة تلاقي فيرنا يمكن حظك جه كده مش اكتر ويمكن بتشوف انت كذا حادثة لو ملقتش فيهم فيرنا بتزعل صح

بصوا هي بصراحة العربية حلوة بالنسبة لسعرها وشغالة كمان وبالنسبة للثبات انا او اول ما اجيب 100 بحس برجة في الدركسيون وهو ده علشان ثباتها مش اوي لكن ممكن تجيب عليه كده لغاية حتى 200 لكن على طريق سريع ومستقيم ومفهوش كلافات كتير لان لو كرف على سرعة عالية هقولك ربنا يكون في عونك
اما بالنسبة لصاجها معقول ودهانها انا شايفه شغال وحاسس ان الخامة اتحسنت سنه في 2009 وانا عن نفسي هبقى اجيب جنوط مقاس 15 كروم في نص السنه من السعودية علشان احل حكاية الثبات ده بس حلها بسيط اما بالنسبة انها بتحلك ده تفرق لما يكون معاك وزن في العربية وفي سواقتك ولو حكت وانت ماشي براحة ده عيب مطب مش عيب العربية واي خدمة

**MOHAMED ABD EL SHAFY** · 25-09-2008 10:15 PM

يا جماعة 120 حلو اوى على العربية بعد كدا ليه تعرض نفسك للخطر او سحب رخصة
متهيالى حياتك مهمة مش لعبة

**ZOZ** · 25-09-2008 10:17 PM

المشاركة الأصلية كتبت بواسطة MOHAMED ABD EL SHAFY

يا جماعة 120 حلو اوى على العربية بعد كدا ليه تعرض نفسك للخطر او سحب رخصة
متهيالى حياتك مهمة مش لعبة

كلامك صح ولله لكن الواحد لما يجي يشتري عربية يحب يسال عن كل حاجة فيها بس

**moh_kamal67** · 26-09-2008 12:01 AM

العربية تحفة تحفة تحفة ، موتور حساس جدا 1600 16 صمام حوالى 107 حصان ، والناس من قوة موتورها اللى هوة بتاع الانترا 2006 بيحطولها جنوط اعرض علشان يقفلوا العداد ، ناعمة جدا واداءها كويس على الطرق المصرية الشاقة ، عددها فى السوق اكثر من 60 الف عربية قطع غيارها معقولة كثير بيفهموا فيها سعر اعادة بيعها ممتاز واحلى ما فيها زملاتك الفرناوية اللى هاتلاقيهم فى المنتدى

**ahmad--ezzat** · 26-09-2008 03:46 AM

ناعمة جدا ؟؟؟؟؟؟؟؟؟
غريبة اوى حضرتك اول واحد من ملاك الفيرنا يقول كدة
هو حضرتك كان معاك اية قبل الفيرنا؟؟؟؟؟؟؟

**ZOZ** · 26-09-2008 03:55 AM

المشاركة الأصلية كتبت بواسطة ahmed21015

ناعمة جدا ؟؟؟؟؟؟؟؟؟
غريبة اوى حضرتك اول واحد من ملاك الفيرنا يقول كدة
هو حضرتك كان معاك اية قبل الفيرنا؟؟؟؟؟؟؟

مهي فعلا انا كمان شايفها ناعمة في الفتيس وفي باور الدركسيون كمان خصوصا بعد صيانهة الالف زي حبيبنا نايل ستورم ما قال

**moh_kamal67** · 26-09-2008 04:47 AM

كنت راكب امبارح رينو ميجان مو 2 سنة فاتوا بس واخدالها كذا خبطة على الماشى ، كانت عاملة زى ميكروباس الترامكوا ، لما ركبتها لما كانت زيرو كانت اعجوبة ربنا ما يوريك حاجة تبوظ الاخلاق
اذا اى عربية زيروا من فئة الفيرنا اللى الناس موش عارفة قيمتها بتبقى اخر تظبيط مع الاستعمال والتخبيط والاهلاك بتبقى ميكروباص الترامكوا بعيد عنك
طبق ده على الكرولا والانسر واى نوع عربيات تتخيله ، تحافظ عليها وشوية صيانة تبقى فل تبهدل فيها هاتتبهدل وتبقى هباب