هل الزيرو دايما محسود :)

**gold_777** · 21-01-2014 10:20 PM

السلام عليكم
الحمد لله على كل شئ
الحسد ده شئ اساسى المشكله بقى الجديده الحيد ببجاحه
ازاى
انا لسه من يومين بس معايا صنى زيرو واحد واقف وانا بعدي الطريق وهو واقف على الرصيف وده راح نقر العربيه وراح متكلم بصوت عالى سمعته قولتله والله العربيه لسه مخبوطه من اسبوع تخيلو قال ايه
وماله تتخبط تانى
والله ما عدي حاجه انا قولت الحق ادخل العربيه الجراج وقفل عليها نزلت على الجراج وكان بينى وبين باب الجراج 20 متر وراح توك توك جاى من جنب العربيه وتيت بالسلامه انا نزلت شكرة الواد بتاع التوك توك وكان مستغرب جدا
ومشيته
وهكذا حال الدنيا

**start_wow** · 21-01-2014 10:52 PM

قدر الله وماشاء فعل يا استاذ /جولد لكن ليه فعلا اسلوب التعامل ده يعني الراجل اللي يرد عليك ويقولك وماله ماتتخبط تاني ده انسان مستفز..لا حول ولا قوة الا بالله ده اقرب للحقد عنه حسد

**amrelsaqqa** · 21-01-2014 11:20 PM

انا ابصم بالعشرة على الكلام ده :d

**Anaslbda** · 21-01-2014 11:34 PM

يا راجل صلّي ع النبي :)

ده الواحد لمّا يجيب زلموكة موديل تمانينات بيدبح عليها عجل ويخمّس عليها بالدم ويقرا الرقية عليها عشر مرات.
بلد استغفر الله العظيم, في حسد العربيات بالذات.

واحد زميلي في الشغل معاه مرسيدس c200 موديل 2001, تخيّل, والله ما برتاح في الركبه معاه من نظرات الناس في الشارع :) خصوصاً لو في الزحمه وجمبك اتوبيس أو ميكروباص ولا نقل عام متكدّس, شوف النظرات وهي بتخترق القزاز :)

**ibrahimsaad** · 22-01-2014 01:38 AM

المشاركة الأصلية كتبت بواسطة ibrahimsaad

بس هو العين للاسف مابتخليش والعين وصانا منها الرسول صلى الله عليه وسلم وهى بتجيب القبر والعياذ بالله

طبعا الزيرو بيكون اكثر عرضه للحسد من المستعمل ودايما الكحكه فى ايد اليتيم عجبه

عموما انا لسه شارى زيرو واخدت حكه بسيطه وكمان حصلت مشكله معايا فى الورق اخرتنى لكن حمدت ربنا على كده وربنا يستر رغم انى شيلت الورق اللى كان ملزوق عليها خوفا من الحسد

نصيحه منى شيل اى ورق ملزوق على العربيه ملفت للنظر انها جديده

قبل ماتجيبها وتركبها طلع صدقه لله بنيه الوقايه من العين واديها للغلابه والفقراء

شغل فيها اول ماتجيبها قران وحصنها

وبعد كده اركب وتوكل على الله وقل لن يصيبك الا ماكتب الله وربنا يحرصك ويحرصنا جميعا يارب

تخيلوا لسه بكلمكم عن الحسد وماكملتش الاقى تليفون من واحد اعرف عينه ماشاء الله بيقول لى عربيتك الصنى عامله ايه ؟ كويسه ؟ الا وبعدها فورا يحصل لابنى حادثه وقطع فى يده اليمنى ويتم نقله للمستشفى وعمل خياطه وكل ده وانا مااعرفش اللى حصل له لكن عهدت هذا الشخص عينه تفوت فى الحديد رغم انه غنى ومش محتاج لكن بتبقى فيه ناس كده تكرهه النعمه للناس وتتمنى زوالها

مش عارف بصراحه الواحد يعمل ايه مع الناس دى

**S O P H O S** · 22-01-2014 02:00 PM

اي عربية تشتريها جديدة
سواء زيرو او مستعمل الناس هتقوم بالواجب
لكن الزيرو اكتر لانهم بيسرحوا بخاليــــهم اكــتـــر

**start_wow** · 22-01-2014 03:43 PM

المشاركة الأصلية كتبت بواسطة ibrahimsaad

تخيلوا لسه بكلمكم عن الحسد وماكملتش الاقى تليفون من واحد اعرف عينه ماشاء الله بيقول لى عربيتك الصنى عامله ايه ؟ كويسه ؟ الا وبعدها فورا يحصل لابنى حادثه وقطع فى يده اليمنى ويتم نقله للمستشفى وعمل خياطه وكل ده وانا مااعرفش اللى حصل له لكن عهدت هذا الشخص عينه تفوت فى الحديد رغم انه غنى ومش محتاج لكن بتبقى فيه ناس كده تكرهه النعمه للناس وتتمنى زوالها

مش عارف بصراحه الواحد يعمل ايه مع الناس دى

الف سلامة علي ابن حضرتك وربنا يطمنك عليه يارب

هنقول ايه بس الناس اللي بتحسد دي..ليا صديقي معاه موتوسيكل وليه زميل في العمل طلب منه انه يجرب الموتوسيكل الخاص بيه فاصديقي ده رفض المهم زميله قاله خلاص بكرة نلاقيك من غير موتوسيكل وقد كان صديقي عمل حادث في نفس اليوم والموتوسيكل دخل صيانة وصديقي ماراحش الشغل لمدة 4 ايام بعد الحادث بجد ربنا يستر من الناس دي..