السؤال باين من العنوان :) هل الزيرو دايما محسود يعني انا شفت انه غالبا العربية لما بتكون زيرو مايعديش اسبوعين الا لو عربية خبطت فيها او انها خدت حكة في رصيف :) حد شايف كده برضه ولا انا وحدي اللي شفت الزيرو كده
عرض للطباعة
السؤال باين من العنوان :) هل الزيرو دايما محسود يعني انا شفت انه غالبا العربية لما بتكون زيرو مايعديش اسبوعين الا لو عربية خبطت فيها او انها خدت حكة في رصيف :) حد شايف كده برضه ولا انا وحدي اللي شفت الزيرو كده
و المستعمل كمان وحياتك لو حالته نضيفة :(
و مين سمعك .. و الله العربية لسة مخبوطة النهاردة
نزلت لقيت واحد اين حلال حاكك الاكصدام الامامى حكة جامدة و الجريدة اللى قدام متشالة
و مش عارف اعمل ايه ارشه و لا اسيبه
ده شىء اساسى فى الزيرو .. يعنى لو ما اتخبطتش اعرف انها كانت مستعمله وخلوها زيرو
اجابه سؤالك .. ""يمكن""
لكن المهم انك تعمل نفسك مش واخد بالك .. علشان ممكن تجذب الخبطه ليك
لو انت توقعت شيء بقوه انجذبت ليه .. فيحصل
فكبّر وانسى وخليها على الله
العين مابتسبش زيرو ولا مستعمل
الواحد كان بيفرح باللزق الابيض على العربيه الزيرو انما دلوقتي بقيت انصح الناس تشيله وهي لسه في المعرض وياسلام لو يسبها بترابها بتاع المخزن
العين مش هتسيب العربية بالذات لو رحت في منطقة شعبية او قرية و دايما تلاقي شتايم على الزجاج لما بيبقى مترب و يقلك ااااه عربية بمش عارف كام و كام اعوذ بالله و ده لاحظناه في العربية من ساعة ما جبناها لحد وقت قريب مرة بمشكلة في التكيف مرة خبطة مرة حادثة و مرة فرامل و كله بيبقى بعد مشوار للبلد تصبح تاني يوم تلاقي الدنيا بايظة البلد دي مش بلد استمتاع بالعربيات دي بلد لازم الواحد يركب فيها حمار و مش نظيف كمان عشان يتقي عين الناس طبعا في غلابة بيبصوا بس بيقولوا ما شاء الله و الحمدلله و ناس عفيفة كده .
د/راجو الحمد لله انها جت علي قد كده ولو مش فارقة معاك الحكة سيبها فترة كده..شكلها كده فعلا الزيرو دايما محسود ههههههه والله انا صاحبي العربية زيرو وماقعدتش اسبوعين الا وخدت خبطة من تريلا ويوم جمعة وقت الصلاة يعني الشارع هادي نوعا ما من الزحمة الا انها حسد ما بعده حسد..وبرضه المستعمل كمان معداش من الحسبة الحسدية :)
بس هو العين للاسف مابتخليش والعين وصانا منها الرسول صلى الله عليه وسلم وهى بتجيب القبر والعياذ بالله
طبعا الزيرو بيكون اكثر عرضه للحسد من المستعمل ودايما الكحكه فى ايد اليتيم عجبه
عموما انا لسه شارى زيرو واخدت حكه بسيطه وكمان حصلت مشكله معايا فى الورق اخرتنى لكن حمدت ربنا على كده وربنا يستر رغم انى شيلت الورق اللى كان ملزوق عليها خوفا من الحسد
نصيحه منى شيل اى ورق ملزوق على العربيه ملفت للنظر انها جديده
قبل ماتجيبها وتركبها طلع صدقه لله بنيه الوقايه من العين واديها للغلابه والفقراء
شغل فيها اول ماتجيبها قران وحصنها
وبعد كده اركب وتوكل على الله وقل لن يصيبك الا ماكتب الله وربنا يحرصك ويحرصنا جميعا يارب
بصراحة اه ..احنا لسة شاريين 2 دبابة 2014 وعربية من العربيات بتاعتنا برضوا لبست فى عربية صنى
ووشها اتبهدل لازم حاجة تحصل علشان الجديد يبقى بركاتة والحمد لله العربيتان الجداد لسة بلمشمع
السلام عليكم
الحمد لله على كل شئ
الحسد ده شئ اساسى المشكله بقى الجديده الحيد ببجاحه
ازاى
انا لسه من يومين بس معايا صنى زيرو واحد واقف وانا بعدي الطريق وهو واقف على الرصيف وده راح نقر العربيه وراح متكلم بصوت عالى سمعته قولتله والله العربيه لسه مخبوطه من اسبوع تخيلو قال ايه
وماله تتخبط تانى
والله ما عدي حاجه انا قولت الحق ادخل العربيه الجراج وقفل عليها نزلت على الجراج وكان بينى وبين باب الجراج 20 متر وراح توك توك جاى من جنب العربيه وتيت بالسلامه انا نزلت شكرة الواد بتاع التوك توك وكان مستغرب جدا
ومشيته
وهكذا حال الدنيا
قدر الله وماشاء فعل يا استاذ /جولد لكن ليه فعلا اسلوب التعامل ده يعني الراجل اللي يرد عليك ويقولك وماله ماتتخبط تاني ده انسان مستفز..لا حول ولا قوة الا بالله ده اقرب للحقد عنه حسد
انا ابصم بالعشرة على الكلام ده :d
يا راجل صلّي ع النبي :)
ده الواحد لمّا يجيب زلموكة موديل تمانينات بيدبح عليها عجل ويخمّس عليها بالدم ويقرا الرقية عليها عشر مرات.
بلد استغفر الله العظيم, في حسد العربيات بالذات.
واحد زميلي في الشغل معاه مرسيدس c200 موديل 2001, تخيّل, والله ما برتاح في الركبه معاه من نظرات الناس في الشارع :) خصوصاً لو في الزحمه وجمبك اتوبيس أو ميكروباص ولا نقل عام متكدّس, شوف النظرات وهي بتخترق القزاز :)
تخيلوا لسه بكلمكم عن الحسد وماكملتش الاقى تليفون من واحد اعرف عينه ماشاء الله بيقول لى عربيتك الصنى عامله ايه ؟ كويسه ؟ الا وبعدها فورا يحصل لابنى حادثه وقطع فى يده اليمنى ويتم نقله للمستشفى وعمل خياطه وكل ده وانا مااعرفش اللى حصل له لكن عهدت هذا الشخص عينه تفوت فى الحديد رغم انه غنى ومش محتاج لكن بتبقى فيه ناس كده تكرهه النعمه للناس وتتمنى زوالهااقتباس:
المشاركة الأصلية كتبت بواسطة ibrahimsaad
مش عارف بصراحه الواحد يعمل ايه مع الناس دى
اي عربية تشتريها جديدة
سواء زيرو او مستعمل الناس هتقوم بالواجب
لكن الزيرو اكتر لانهم بيسرحوا بخاليــــهم اكــتـــر
الف سلامة علي ابن حضرتك وربنا يطمنك عليه يارباقتباس:
المشاركة الأصلية كتبت بواسطة ibrahimsaad
هنقول ايه بس الناس اللي بتحسد دي..ليا صديقي معاه موتوسيكل وليه زميل في العمل طلب منه انه يجرب الموتوسيكل الخاص بيه فاصديقي ده رفض المهم زميله قاله خلاص بكرة نلاقيك من غير موتوسيكل وقد كان صديقي عمل حادث في نفس اليوم والموتوسيكل دخل صيانة وصديقي ماراحش الشغل لمدة 4 ايام بعد الحادث بجد ربنا يستر من الناس دي..
و حياتك
و كمان المستعمل مفيش حد بيسيب حد فى حاله
ربنا يهدى
حقيقة فعلا والله العربية معايا كنت لسه مرخصها وخلال يومين راكن عند الشغل وانا مروح ببص بالصدفة علي العربية من ورا لقيت الاكصدام الي وراه محكوك اضايقت اووي وبعد كده كبرت دماغي ودلوقتي حطيت استيكر علي الاكصدامين وريحت دماغي